Бишкекте коррупцияга каршы митинг өтүүдө. Сүрөт, видео
(жаңыланган 17:50 14.02.2021)
Митингдин катышуучулары темир жол бекетинин алдына чогулушкан. Алар Райым Матраимовдун 260 миң сом айып төлөп кутулган соттун чечимине нааразы экенин билдиришти.БИШКЕК, 14-фев. — Sputnik. Борбор калаада коррупцияга каршы нааразычылык акциясы өтүп жатат. Бул тууралуу Sputnik Кыргызстан агенттигинин кабарчысы жеринен билдирди.
Митингдин катышуучулары темир жол бекетинин алдына чогулушкан. Алар Бажы кызматынын төрагасынын мурдагы орун басары Райым Матраимовдун 260 миң сом айып төлөп кутулган соттун чечимине нааразы экенин билдиришти.
Борбор калаада коррупцияга каршы нааразычылык акциясы өтүп жатат.© Sputnik / Бакыт Смаилов
Митингдин катышуучулары темир жол бекетинин алдына чогулушкан© Sputnik / Бакыт Смаилов
Алар Бажы кызматынын төрагасынын мурдагы орун басары Райым Матраимовдун 260 миң сом айып төлөп кутулган соттун чечимине нааразы экенин билдиришти.© Sputnik / Бакыт Смаилов
Акцияга 100дөн ашык киши чогулган.© Sputnik / Бакыт Смаилов
Алардын алдына активист Улан Үсөйүн чыгып, президент Жапаровдун акцияны кимдир бирөө каржылап жатат деген билдирүүсүн төгүндөдү.© Sputnik / Бакыт Смаилов
Акция катышуучулары бир аздан кийин "Ала-Тоо" аянтын көздөй бет алары маалым болду.© Sputnik / Бакыт Смаилов
©
Sputnik / Бакыт Смаилов
Акцияга 100дөн ашык киши чогулган.
Алардын алдына активист Улан Үсөйүн чыгып, президент Жапаровдун акцияны кимдир бирөө каржылап жатат деген билдирүүсүн төгүндөдү.
"Бул акцияны жарандык коом өзү уюштуруп жатат", — деди Үсөйүн уулу.
©
Sputnik / Табылды Кадырбеков
"Биз Жапаров коррупцияны түп-тамыры менен жок кылат деп ойлогонбуз. Бирок Матраимов 260 миң сом айып пул менен эле кутулуп кетти. Башка да коррупционерлер бошонуп чыгып жатышат. Эгер биз акыйкаттык талап кылбасак, анда коррупционерлерге кудай берет", — деди Токтакунов.
Акциянын катышуучулары бир аздан кийин "Ала-Тоо" аянтын көздөй бет алышты.
Белгилер:
Мектептерди ачууну талкуулайт. Новиков ата-энелер менен жолугушууга ниеттенүүдө
(жаңыланган 22:55 02.03.2021)
Новиков борбордогу мектептер менен бала бакчалардын ишин этабы менен калыбына келтирүү боюнча кеңешме өткөрдү.БИШКЕК, 2-мар. — Sputnik. Биринчи вице-премьер Артём Новиков борбор калаадагы мектептердеги окуучулардын ата-энелери менен жолугушуп, билим берүү мекемелеринин ишин жандандыруу маселесин талкуулоону пландап жатат.
Өкмөттүн маалымат кызматы билдиргендей, Новиков борбордогу мектептер менен бала бакчалардын ишин этап-этабы менен калыбына келтирүү боюнча кеңешме өткөргөн.
Мэриянын өкүлдөрү аткарылып жаткан иштер жана билим берүү процессин салттуу форматта жандандырууга даярдыгы жөнүндө айтып беришкен.
"Мектептердин жана бала бакчалардын ишин жандандыруу калк үчүн маанилүү. Жакынкы күндөрү окуучулардын ата-энелери менен жолугушуп, ушул темада талкуу жүргүзүүнү пландап жатам. Бул иштерди аткарууда санитардык-эпидемиологиялык эрежелердин так сакталышын камсыз кылуу маанилүү", — деген Новиков.
Ошондой эле ал Билим берүү жана илим министрлигине Саламаттык сактоо жана социалдык өнүктүрүү министрлиги менен биргеликте "Мектеп медицинасы" долбоорун ишке ашыруу үчүн финансылык эсептөө жүргүзүүнү тапшырган. Министрлик бир жуманын ичинде каржы булагын да аныкташы керек.
Белгилер:
Шаршембиге карата аба ырайы
БИШКЕК, 2-мар. — Sputnik. Шаршембиде күндүз республиканын кээ бир аймактарында кар жаайт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.
Абанын температурасы Чүй облусунда +1…+6, Таласта +2…+7, Ош, Жалал-Абад, Баткен аймактарында +6…+11, Ысык-Көл жергесинде +3…+8, Нарын өрөөнүндө -2…+3 градус болору боолголонду.
Бишкек жана Ош шаарларында жамгыр жаайт. Күндүн табы борбордо +4…+6, Ош шаарында +9…+11 градус болот.
Белгилер:
Сокулук РИИБдин убактылуу кармоо жайында бир киши көз жумду. Ишти УКМК иликтейт
(жаңыланган 00:35 03.03.2021)
Ишти ар тараптуу жана объективдүү иликтөө үчүн текшерүү дайындалган. ИИМ, Чүй ОИИБи менен прокуратура жетекчилиги аны көзөмөлгө алган.БИШКЕК, 3-мар. — Sputnik. Сокулуктагы убактылуу кармоочу жайда бир киши каза болгонун Чүй облустук ички иштер башкармалыгынын маалымат кызматы кабарлады.
2-март таң эрте Сокулук райондук милициясынын убактылуу кармоочу жайынын күзөтчүсү камактагы 51 жаштагы эркек кишини эс-учун жоготкон абалда тапкан.
"Окуя болгон жерге дароо Тез жардам кызматы чакырылып, медиктер киши көз жумганын аныкташкан. Анын өлүмүнүн себебин аныктоо үчүн экспертиза дайындалды", — деп айтылат билдирмеде.
Каза тапкан адам Кылмыш-жаза кодексинин 200-беренеси ("Уурулук") менен шектелип, эки айга камакка алынган.
Ишти ар тараптуу жана объективдүү иликтөө үчүн текшерүү дайындалган. ИИМ, Чүй ОИИБи менен прокуратура жетекчилиги ишти көзөмөлгө алган. Аталган факт каттоого алынып, чогултулган материалдар кошумча иликтөө үчүн УКМКга өткөрүлүп берилген.