Экс-президент Сооронбай Жээнбеков жубайы менен. Архив

Сооронбай Жээнбеков жубайы менен Кыргызстанга кайтып келди

1126
(жаңыланган 09:50 15.02.2021)
Экс-президент ушул жылдын 2-февралында жубайы менен Сауд Аравияга кичи ажылыкка зыярат кылганы кеткен болчу.

БИШКЕК, 15-фев. — Sputnik. Экс-президент Сооронбай Жээнбеков Кыргызстанга кайтып келди. Маалыматты экс-президенттин тегерегиндеги жакын адамдары тастыктады.

Алардын айтымында, Жээнбеков дем алыш күндөрү Бишкекке учуп келген.

Белгилей кетсек, экс-президент 2-февраль күнү жубайы менен Сауд Аравияга кичи ажылыкка зыярат кылганы кеткен болчу.

Маалыматка караганда, Жээнбеков ал жакка Сауд Аравия тараптын макулдугу менен барган.

1126
Белгилер:
Сауд Аравиясы, кайтып келүү, Кыргызстан, Сооронбай Жээнбеков
Тема боюнча
Сотко барууга милдеттүү эмес. Жээнбековдун адвокаты билдирүү таратты
Өлкөдөн чыгып кеткен Сооронбай Жээнбеков бүгүн сотко чакырылды
Президент Садыр Жапаров көрүнүктүү мамлекеттик жана коомдук ишмер Күлүйпа Кондучалованын 100 жылдыгына арналган салтанаттуу иш чарада

Жапаров Кыргызстанда "Манас" театрын ачуу пландалып жатканын айтты

16
(жаңыланган 22:03 27.02.2021)
Президент Садыр Жапаровдун айтымында, улуттук маданиятты өнүктүрмөйүн элдин жашоо-шартын жакшыртууга болбойт.

БИШКЕК, 27-фев. — Sputnik. Кыргызстанда "Манас" театрын ачуу пландалып жатат. Бул тууралуу президент Садыр Жапаров көрүнүктүү мамлекеттик жана коомдук ишмер Күлүйпа Кондучалованын 100 жылдыгына арналган салтанаттуу иш-чарада сүйлөп жатып айтты.

Мамлекет башчы алдыда "Манас" эпосун даңазалоо боюнча атайын программа иштеп чыгуу жана каржы булагын табуу милдети турганын белгиледи.

"Манас" театрын ачуу боюнча алгачкы кадамдар жасалууда. Анын жардамы менен мамлекет манасчыларга кам көрүп, аларды бириктирип, ушул өнөрдү жайылтат", — деди Жапаров.

Ал ошондой эле "Манас" эпосу темасы ар бир театрдын репертуарында болушу керектигин белгиледи.

Премьер-министр Улукбек Марипов IT тармакта иштеген ишкерлер менен жолугушту.
© Фото / Пресс-служба правительства / Алишер Алиев
"90-жылдары театр жана көңүл ачуучу мекемелеринин баары бош калган мезгил болгон. Азыркы тапта адамдарда руханий муктаждыктан улам театрга кызыкчылык бар. Биздин театрлар заманбап спектаклдерди, сахна концерттерин тартуулап, көрүүчүлөрдү өзүнө тартып туруусу учурдун талаптарынын бири болуп турат", — деди президент.

Өлкө башчы маданият тармагынын өкүлдөрүнө кайрылып, театрларды эффективдүү иштетүүнүн жолун таап, алардын чыгармачылыгын өстүрүү башкы милдет экенин айтты.

Жапаровдун белгилешинче, улуттук маданиятты өнүктүрмөйүн элдин жашоо-шартын жакшыртууга болбойт. Ал заманбап таланттуу акындардын, жазуучулардын жана композиторлордун жаңы чыгармалары элге керек болуп турганын белгиледи.

16
Белгилер:
театр, Манас, Садыр Жапаров, Кыргызстан
Тема боюнча
Дүйнөлүк театр искусствосунун улуу актрисасы. Сейдакматовага жазылган некролог
Москвадагы театралдык окуу жай кыргызстандыктарды кабыл алат. Талаптары
Кышкы ачык асман. Архивдик сүрөт

Жекшембиге карата аба ырайы

27
Жаап өткөн жаан-чачынга байланыштуу 27-февралдан 2-мартка чейин тоолуу райондордо жана айрым ашууларда кар көчкү түшүп, күрткү пайда болушу ыктымал. Унаалардын ортосундагы 500 метр аралык кыймыл чектелиши зарыл.

БИШКЕК, 27-фев. — Sputnik. Жекшемби күнү, 28-февралда, республика аймагында күн ачык болот. Бул тууралуу Кыргызгидромет маалымдады.

Маалыматка ылайык, тоолуу райондордо жолдор тоңуп, тайгак болот. Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй өрөөнүндө +4...+9, Талас жергесинде +3...+8, Ош, Жалал-Абад, Баткен облустарында +5...+10, Ысык-Көл аймагында 0...+5, ал эми Нарында -1...-6 градус болору айтылды.

Күндүн табы Бишкек шаарында жана Ош калаасында +5...+7 градусту көрсөтөт.

27
Белгилер:
аба ырайы, Кыргызстан, февраль
Тема боюнча
Тоңуп калган. Кеминде мал айдап келем деп кайтпай калган аялдын сөөгү табылды