13-февралда министр Алмазбек Бейшеналиев Абу-Даби шаарына барып Бириккен Араб Эмирлигинин билим берүү министри Хусейн Ибрахим Аль-Хамадин менен жолуккан

Кыргызстанда кыргыз-араб илим-изилдөө борборунун курулушу күтүлүүдө

110
(жаңыланган 10:04 15.02.2021)
13-февралда министр Алмазбек Бейшеналиев Абу-Даби шаарына барып Бириккен Араб Эмирлигинин билим берүү министри Хусейн Ибрахим Аль-Хамадин менен жолуккан.

БИШКЕК, 15-фев. — Sputnik. Өлкөдө кыргыз-араб илим-изилдөө борборун куруу күтүлүүдө. Бул тууралуу Билим берүү жана илим министрлигинин маалымат кызматы кабарлады.

Билдирмеге караганда, 13-февралда министр Алмазбек Бейшеналиев Абу-Даби шаарына барып Бириккен Араб Эмирлигинин билим берүү министри Хусейн Ибрахим Аль-Хамадин менен жолуккан. Анда тараптар билим берүүдөгү кызматташтыктын актуалдуу маселелерин талкуулашкан.

"Жолугушууда биргелешкен кыргыз-араб илимий-изилдөө борборун куруу, студенттерге БАЭнин ЖОЖдорунда стипендиялык программалар аркылуу окуу үчүн квоталарды бөлүү тууралуу сөз болгон", — деп жазылат маалыматта.

Мындан сырткары, буга чейин түзүлгөн жумушчу топтордун алкагында эки министрликтин кызматташуусун улантуу тууралуу маек болгон.

110
Белгилер:
билим берүү, кызматташуу, Кыргызстан
Тема боюнча
Россиялык ЖОЖдорго тапшыруу 5 эсе жеңилдеди. Абитуриенттер үчүн суперсервис
Партктагы гүлдөр. Архив

Бейшембиге карата аба ырайы

45
(жаңыланган 21:08 03.03.2021)
4-мартка караган түнү республиканын көпчүлүк аймактарында жаан, тоо этектеринде жана тоолуу райондорунда кар жаашы күтүлөт. Жолдорго муз тоңуп, тайгак болот.

БИШКЕК, 3-мар. — Sputnik. Бейшемби күнү өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир аймактарда 14 метрге жетет. Бул тууралуу Кыргызгидромет билдирди.

Абанын температурасы Чүй, Талас жергесинде +9...+14 градус, Ош, Жалал-Абад жана Баткен облустарында +10...+15, Ысык-Көлдө +3...+8, ал эми Нарын аймагында -1...+4 градуска чейин жылуу болору айтылды.

Борбор калаада күн ачык болуп, күндүн табы +12...+14 градуска чейин көтөрүлсө, Ош шаарында мезгил-мезгили менен жаан жаап, +13...+15 градус жылуу болот.

45
Белгилер:
март, Кыргызстан, аба ырайы
Тема боюнча
Төө-Ашуудагы тайгактан жүк ташуучу унаалар өйдө чыга албай жатат. Видео
Кишенчен киши. Архив

Бизнесмен Жалил Атамбаев кармалып, камакка алынды

870
(жаңыланган 19:15 03.03.2021)
Шектүү мамлекеттик кызматта турганда мыйзамсыз негизде байыган деп УКМКнын тергөө абагына камакка алынды.

БИШКЕК, 3-мар. — Sputnik. Мыйзамсыз баюу фактысы боюнча Жалил Атамбаев кармалды. Бул тууралуу УКМКдан билдиришти.

Маалыматка караганда, ички иштер органдарынын мурунку кызматкери Атамбаевге каршы козголгон бир катар кылмыш иштери боюнча, анын ичинде мамлекеттик кызматта турганда мыйзамсыз баюу фактысы тууралуу тергөө иштери жүрүп жатат.

"Ички иштер органдарынын мурдагы кызматкери болуп саналган Жалил Атамбаев олуттуу финансылык ресурстарга ээ болуп, кымбат баалуу кыймылсыз мүлктү өзүнүн жакын туугандарынын атына каттатып алган", — деп айтылат маалыматта.

Шектүү Кылмыш-жаза кодексинин 323-беренесинин 2-бөлүмүнүн 2-пункту ("Мыйзамсыз баюу") боюнча кармалып, УКМКнын тергөө абагына киргизилди.

870
Белгилер:
бизнесмен, камак, мыйзамсыз, Жалил Атамбаев
Тема боюнча
Жеке клиниканын башкы дарыгери Матраимовдун абалы начар экенин айтты
УКМК ЖК депутаты Абжалиевди мыйзамсыз байыган деп иш козгоду