Бишкекте Өкмөт үйүнүн алдында чек ара көйгөйү боюнча тынчтык митинги өтүп жатат

Бишкекте чек ара көйгөйүн тез арада чечүүнү талап кылып митингге чыгышты. Сүрөт

169
(жаңыланган 13:14 15.02.2021)
Чогулгандар мамлекет башчы Садыр Жапаров менен жолугууну сурап, "президент, элди кабыл ал!" деп кыйкырып турушат.

БИШКЕК, 15-фев. — Sputnik. Бишкекте Өкмөт үйүнүн алдында чек ара көйгөйү боюнча тынчтык митинги өтүп жатат.

Акцияга чыккан 80ге жакын адам кыргыз-тажик чек арасындагы маселе чечилбей жатканына нааразы.

"Баткен облусунун Көк-Таш айылындагы такталбаган 40 гектар жерге тажик тарап көчөт отургузууда. Ал эми Ак-Сай тарабындагы капчыгай, тоолорго куралчан чек арачылары келип кайтарууга өттү. Дыйкандары ал жерлерди иштете баштады. Биздин чек арачыларды расмий бийлик артка тартып коюуда", — деди митингчилердин бири Бекназар Айдаралиев.

Мындан улам алар бийликтен көйгөйлөрдү тез арада чечүүнү талап кылышууда. Ал үчүн мамлекет башчы Садыр Жапаров менен жолугууну сурап, "президент, элди кабыл ал!" деп кыйкырып турушат.

169
Белгилер:
Бишкек, чек ара, митинг, Садыр Жапаров
Тема боюнча
Матраимовду камайбы же коргойбу? Митингде Жапаровдон убадасын аткаруу талап кылынды
Марипов чуу жараткан Төрткүл суу сактагычы боюнча видео кайрылуу жасады
Участники празднования дня ак калпака в Бишкеке

Парад, жарманке. Бишкекте Калпак күнүнө карата иш-чара өтөт

3
(жаңыланган 11:27 03.03.2021)
Иш-чарада салттуу кийим кийгендер "Ала-Тоо" кинотеатрынан "Ала-Тоо" аянтына чейин параддан өтөрү айтылды.

БИШКЕК, 3-мар. — Sputnik. Бишкекте Ак калпак күнүнө карата салтанаттуу иш-чара өткөрүлөт. Бул тууралуу Маданият, маалымат, спорт жана жаштар саясаты министрлигинен кабарлашты.

Билдирмеге караганда, иш-чараны министрлик, Бишкек мэриясы жана "Улуттук намыс" уюму уюштурат.

"Анда салттуу кийимдердин парады болуп, кол өнөрчүлөрдүн жарманкеси өтөт. Калпактардын түрлөрү, салттуу кийимдер жана кол өнөрчүлөрдүн эмгектери коюлат", — деп жазылат маалыматта.

Иш-чара 4-март күнү саат 10:00дө баштала турганы айтылып, салттуу кийим кийгендер "Ала-Тоо" кинотеатрынан "Ала-Тоо" аянтына чейин параддан өтөрү кошумчаланды.

3
Белгилер:
жарманке, баш кийим, министрлик, маданият, иш-чара, калпак
Тема боюнча
Жапаров элди Туу күнү менен куттуктап, чакырык таштады
Кеп такыячан эл алдына чыгуу уят болот. Салттуу баш кийимдердин сырлары
Pfizer вакцинасы. Архив

Австрияда Pfizer жана BioNTech вакцинасын алган соң 41 адам каза тапты

17
(жаңыланган 11:06 03.03.2021)
Дарыгерлер бейтаптардын өлүмү менен препаратты колдонуунун ортосундагы байланышты аныкташкан эмес.

БИШКЕК, 3-мар. — Sputnik. Австрияда 41 бейтап Pfizer жана BioNtech вакцинасын алгандан кийин көз жумду. Бул тууралуу РИА Новости кабарлады.

Ага ылайык, ошол эле маалда дарыгерлер бейтаптардын өлүмү менен препараттын ортосундагы байланышты аныкташкан эмес.

Отчетте белгиленгендей, үч бейтаптын эмдөөдөн кийин дароо эле көз жумганы сөөктү сойгон соң билинген. Дагы 11 адам эмдөөнү коронавирустун инкубациялык маалында алып каза тапкан. Калган 19 кишинин оорусу өлүмгө алып келди деп боолголонсо, сегизинин өлүмүнүн себеби учурда такталып жатканы айтылды.

Декабрь айынын башында америкалык Pfizer жана германиялык BioNTech компаниялары биргелешип чыгарган вакцина COVID-19га каршы АКШда жана Европа өлкөлөрүндө эмдөөгө колдонула баштаган.

17
Белгилер:
бейтап, вакцина, коронавирус, Австрия
Тема:
Дүйнөгө жайылган коронавирус
Тема боюнча
Роспотребнадзор коронавирустун "британиялык" штаммын аныктоочу тест жасады
Жер жашоочуларынын 10%ында гана COVID-19га каршы антитело бар