Карыя киши. Архив

Бишкектин жанындагы Ак-Жардан чыгып кеткен 70 жаштагы Дуулатов изделүүдө. Сүрөт

105
(жаңыланган 14:05 15.02.2021)
Туугандары изделип жаткан жарандын жанында күбөлүгү жана уулунун телефондору жазылган кагазы бар экендигин билдиришти.

БИШКЕК, 15-фев. — Sputnik. Альцгеймер илдетинен жапа чеккен, Бишкек шаарынын чет жакасында жашаган 70 жаштагы Садык Дуулатов үйүнөн чыгып кеткен боюнча кайтып келбей изделип жатат. Бул тууралуу туугандары Sputnik Кыргызстан агенттигине билдирди.

Пропавший 70-летний Садык Дуулатов, страдающий болезнью Альцгеймера
© Фото / предоставлено родственниками пропавшего
Альцгеймер илдетинен жапа чеккен, Бишкек шаарынын чет жакасында жашаган 70 жаштагы Садык Дуулатов үйүнөн чыгып кеткен боюнча кайтып келбей изделип жатат
"Ал 13-февралда болжол менен саат 17:00дө Бишкектин чет жакасында жайгашкан Ак-Жар конушундагы жашаган жеринен чыгып кеткен. Кара пальто, кара тумак жана камуфляж түстөгү шымчан болчу. Чачын ак аралаган. Бою 165-167 сантиметр", — деп билдиришти туугандары.

Аксакалдын жанында күбөлүгү жана уулунун жазылган телефондору бар экендигин кошумчалашты.

Алар Садык Дуулатовду көрүп-билгендер же маалыматы барлар 0505 23 19 08, 0706 29 52 90 номерине чалууну суранышты.

Изделип жаткан кишинин үй-бүлөсү бул окуя боюнча Чүй облусунун Аламүдүн райондук милициясына кайрылышкан.

105
Белгилер:
издөө, Альцгеймер оорусу, Аламүдүн району, Чүй облусу, Кыргызстан
Тема боюнча
Жалал-Абадда үч баласы менен дайынсыз болуп жаткан келин Оштон табылды
Партктагы гүлдөр. Архив

Бейшембиге карата аба ырайы

61
(жаңыланган 21:08 03.03.2021)
4-мартка караган түнү республиканын көпчүлүк аймактарында жаан, тоо этектеринде жана тоолуу райондорунда кар жаашы күтүлөт. Жолдорго муз тоңуп, тайгак болот.

БИШКЕК, 3-мар. — Sputnik. Бейшемби күнү өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир аймактарда 14 метрге жетет. Бул тууралуу Кыргызгидромет билдирди.

Абанын температурасы Чүй, Талас жергесинде +9...+14 градус, Ош, Жалал-Абад жана Баткен облустарында +10...+15, Ысык-Көлдө +3...+8, ал эми Нарын аймагында -1...+4 градуска чейин жылуу болору айтылды.

Борбор калаада күн ачык болуп, күндүн табы +12...+14 градуска чейин көтөрүлсө, Ош шаарында мезгил-мезгили менен жаан жаап, +13...+15 градус жылуу болот.

61
Белгилер:
март, Кыргызстан, аба ырайы
Тема боюнча
Төө-Ашуудагы тайгактан жүк ташуучу унаалар өйдө чыга албай жатат. Видео
Кишенчен киши. Архив

Бизнесмен Жалил Атамбаев кармалып, камакка алынды

964
(жаңыланган 19:15 03.03.2021)
Шектүү мамлекеттик кызматта турганда мыйзамсыз негизде байыган деп УКМКнын тергөө абагына камакка алынды.

БИШКЕК, 3-мар. — Sputnik. Мыйзамсыз баюу фактысы боюнча Жалил Атамбаев кармалды. Бул тууралуу УКМКдан билдиришти.

Маалыматка караганда, ички иштер органдарынын мурунку кызматкери Атамбаевге каршы козголгон бир катар кылмыш иштери боюнча, анын ичинде мамлекеттик кызматта турганда мыйзамсыз баюу фактысы тууралуу тергөө иштери жүрүп жатат.

"Ички иштер органдарынын мурдагы кызматкери болуп саналган Жалил Атамбаев олуттуу финансылык ресурстарга ээ болуп, кымбат баалуу кыймылсыз мүлктү өзүнүн жакын туугандарынын атына каттатып алган", — деп айтылат маалыматта.

Шектүү Кылмыш-жаза кодексинин 323-беренесинин 2-бөлүмүнүн 2-пункту ("Мыйзамсыз баюу") боюнча кармалып, УКМКнын тергөө абагына киргизилди.

964
Белгилер:
бизнесмен, камак, мыйзамсыз, Жалил Атамбаев
Тема боюнча
Жеке клиниканын башкы дарыгери Матраимовдун абалы начар экенин айтты
УКМК ЖК депутаты Абжалиевди мыйзамсыз байыган деп иш козгоду