Абак. Архив

"Кыргыз алтын" ишканасынын жетекчиси Үкүбаев эки айга камалды

65
Улуттук коопсуздук кызматы Үкүбаевди 12-февралда алтын казуучу ишканалардын айрым жетекчилеринен пара талап кылган деген шек менен кармаган.

БИШКЕК, 15-фев. — Sputnik. Пара талап кылууга шектелип кармалган "Кыргыз алтын" ишканасынын жетекчиси Элмырза Үкүбаев эки айга камакка алынды. Бул тууралуу УКМКнын маалымат кызматы кабарлады.

Билдирүүдө айтылгандай, чечим Бишкектин Биринчи май райондук соту тарабынан чыгарылган.

УКМК Үкүбаевди 12-февралда кармаган. Ал алтын казуучу ишканалардын айрым жетекчилеринен пара талап кылган деп шектелүүдө.

34 жаштагы Элмырза Үкүбаев былтыр ноябрь айында "Кыргыз алтын" мамлекеттик ишканасына жетекчи болуп дайындалган.

65
Белгилер:
УКМК, Кыргызалтын, шектүү, пара, абак, чечим
Тема боюнча
"Кыргыз алтын" ишканасынын жетекчиси Элмырза Үкүбаев кармалды
Шаардык сот Мухаммедкалый Абылгазиевдин баш коргоо чарасын өзгөрткөн жок
Президенттин алдындагы мамлекеттик башкаруу академиясынын бүтүрүүчүлөрү ассоциациясынын мүчөсү, эксперт Самат Ашымов

Ашымов: мамлекет даярдап чыгарган кадрынан өзү баш тартып коюуда

5
Президенттин алдындагы мамлекеттик башкаруу академиясынын бүтүрүүчүлөрү ассоциациясынын мүчөсү, эксперт Самат Ашымов өлкөдө кадр саясатын жүргүзүүнүн туруктуу механизми жоктугун айтты.

Мамлекет өзү мектептен, ЖОЖдон, анан да ар кандай даярдоо курстарынан өткөрүп, акысыз билим берип кадр даярдайт. Бирок ал адис жетекчилик кызматка бышып жетилип калганда саясий орундарга сырттан келгендер отуруп, ошол мекемени башкарып калып жатат. Бул чоң ката. Мындай пикирин Самат Ашымов Sputnik Кыргызстан радиосуна маек куруп жатып билдирди.

Ашымов: мамлекет даярдап чыгарган кадрынан өзү баш тартып коюуда

Анын айтымында, административдик кызматтарда жаш кадрларга стимул бере турган эч кандай аракеттер жок.

"Кыргызстанда кадр саясатын жүргүзүү жолго коюлган эмес. Өлкө өз каражатына даярдаган адистери бышып, жетилип калганда аларды жетекчилик кызматка койгондун ордуна саясий орундарга сырттан алып келишет. Алган маянасы аз, ошого карабай өз ишинин кесипкөй адиси болуп, карьера жасоону максат кылган жаштар үчүн мындай сокку анын кызматын таштап кетүүсүнө себеп болот. Мындан кайра эле мамлекет утулат. Анткени сырттан келген жетекчи тармакты түшүнүп ишке аралашканча бир жылдай убакыт өтүп кетет. Ал эми ал ишкана тууралуу баарын ичинен билген кыззматкер жеке тармакка жумушка орношуу менен ошол мамлекеттик органга атаандаштык жаратууда күчтүү кадрга айланат. Анткени ал өзү иштеп кеткен жердин бардык сырын билет. Андыктан саясий кызматтарга ошол тармакты мыкты билген, ашынган кесипкөй бирөө болсо гана сырттан келбесе, негизинен ичинде өсүп келе жаткан адистерден башчылыкка коюуну жолго салуу зарыл", — деди Ашымов.

Серепчи, ошондой эле, учурда өкмөт курамында жүрүп жаткан кадрдык өзгөрүүлөрдөн деле иреттелген кадамдар көрүнбөй жатканын кошумчалады.

5
Белгилер:
өкмөт, саясат, кадрлар
Тема боюнча
Орозбаев: мамлекеттик кадр саясатын жүргүзүүдө бизнестен үлгү алса болот
Автосалонда киши. Архив

Жаңы автоунаа сатып алууда айдоочулар беш нерсени эске алышы керек

58
Автоунаа чыгарган компания жана заводдор менен келишими жок иштеген сатуучулар жоопкерчилик албай турганы эскертилди.

БИШКЕК, 26-фев. — Sputnik. Айдоочулар жаңы автоунаа сатып алууда беш нерсени эске алышы керектигин РИА Новости жазды.

Адистердин айтымында, биринчи кезекте унаа чыгарган компания жана заводдор менен келишими жок иштеген сатуучулардан (дилер) качуу керек. Себеби кийин көйгөйлөр болсо аларды жоопкерчиликке тартууга мүмкүн эмес.

Экинчиден, компанияда токтоп турган жаңы унаалардан албай эле, өзүңүздүн атыңызга буюртма кылып күтө турган оң. Себеби ашыкча эле опцияларга каражат кетиши мүмкүн.

Документтерди толтурууда майда-чүйдөсүнө чейин көңүл бурууга чакырды.

Ошондой эле адистер автоунаанын баасы, алып кетүү убактысы жана дилердин жоопкерчилиги тууралуу кенен маалымат алууга кеңеш берген.

Мындан тышкары, автокөлүктү сатып алууда арзандатуулар тууралуу сурап, машинанын алды-артын кылдат текшерүүнү эскертишкен.

58
Белгилер:
кеңеш, сатуу-сатып алуу, айдоочу, унаа
Тема боюнча
Бишкектеги автомектептердин тизмеги. Шарты жана баалары
Кышында унаадагы күйүүчү майды үнөмдөөнүн жолу айтылды