Ашык салмактагы аял. Архив

Эндокринолог күтүүсүздөн семирип кетүүнүн беш себебин атады

190
Ашыкча салмакка алып келген дагы бир себеп — бул организмдеги суунун жетишсиздиги. Дарыгердин айтымында, тынбай суу ичип турганда зыяндуу калорийлердин саны азайып, организм тазаланат.

БИШКЕК, 16-фев. — Sputnik. Россиянын "Мединцентр" клиникалык-диагностикалык борборундагы эндокринология бөлүмүнүн башчысы дарыгер-эндокринолог Елена Губкина дароо семирип кетүүнүн беш себебин атап берген. Бул тууралуу "Известия" басылмасы жазды.

"Адамдын жашоо образы анын ден соолугуна түздөн-түз таасирин тийгизет. Уйкунун бузулушу, туура эмес тамактануу, көп кыймылдабоо жана суу ичүү режими — мунун баары ар түрдүү оорунун келип чыгышына себеп болот", — деген Губкина.

Адистин айтымында, уйкунун канбай калуусу метаболизм процессине таасир этип, киши семирет. Стресс узак убакытка созулган учурда да адам дароо толуп кетиши мүмкүн. Губкина түшүндүргөндөй, стресс учурунда кортизол гормону көп көлөмдө бөлүнүп чыгып, май запастарын тез эле толтуруп коёт. Эгер стресстен адам өз алдынча чыга албай жатса, анда адиске кайрылуу сунушталган.

Ашыкча салмакка алып келген дагы бир себеп — бул организмдеги суунун жетишсиздиги. Дарыгердин айтымында, тынбай суу ичип турганда зыяндуу калорийлердин саны азайып, организм тазаланат. Ар түрдүү дары-дармектерди колдонуу дагы адамды ашыкча салмакка алып келиши ыктымал. Буга байланыштуу препараттарды дарыгердин көрсөтмөсү жок ичүүгө болбойт.

Эндокринолог чылымды таштоого аракет кылгандар дагы дароо толуп кетиши мүмкүн экенин эскерткен.

190
Белгилер:
эндокринолог, туура тамактануу, салмак, дарыгер, адис
Тема боюнча
COVID-19га кабылган эркекте кийин төшөк маселесинде көйгөй жаралышы мүмкүн
Адис кыйналбай эрте туруунун сырын ачты
Медициналык кызматкер шприцке COVID-19 каршы вакцинаны алып жатат. Архив

Ашказан-ичеги оорусу барлар вакцина алса болобу? Адистин жообу

44
(жаңыланган 23:14 07.03.2021)
Буга чейин ашказан, тамак сиңирүү органдары ооругандар эмдөөдөн өтсө болобу деген маселе коомчулукта кайра-кайра көтөрүлгөн.

БИШКЕК, 7-мар. — Sputnik. Ашказан, ичеги-карын оорулары менен жабыркаган адамдар коронавируска каршы вакцина ала алышат. Бул тууралуу РИА Новости агенттиги жазды.

Москванын Саламаттык сактоо департаментинин штаттан тышкаркы башкы гастроэнтеролог адиси Дмитрий Бординдин айтымында, тамак сиңирүүсү начар бейтаптар SARS-CoV-2ге каршы эмдөөдөн өтө алат.

"Буга чейин ичегиси сезгенип, ашказаны ооругандар эмдөөдөн өтсө болобу деген маселе коомчулукта кайра-кайра көтөрүлгөн. Январь айында ал боюнча эл аралык сунуштама чыкты, февралда аталган илдет боюнча иш алып барган бүткүл россиялык коом да бир пикирге келди. Ичеги-карыны жакшы иштебегендер коронавируска каршы вакцина алышы керек", — деди Бордин.

Буга чейин адистер эмдөөнүн кыйыр таасири туурасында кеп кылып, анын иммунитеттен көз каранды эместигин айтышкан эле.

44
Белгилер:
кеңеш, дарыгер, эмдөө, коронавирус
Тема:
Дүйнөгө жайылган коронавирус
Тема боюнча
ДССУ башчысы коронавирус пандемиясын согуш менен салыштырды
"Спутник V" Pfizer вакцинасын озду. Аны дүйнөдө 45 мамлекет жактырды
Окумуштуу: эмдөө карылыкты токтотууга жардам берет
Жоогазындар. Архив

8-мартка карата аба ырайы

80
7-марттан 9-мартка чейин күтүлүп жаткан жаан-чачынга байланыштуу республиканын тоолуу райондорунун жолдоруна кар көчкү түшүп, күрткү пайда болушу мүмкүн.

БИШКЕК, 7-мар. — Sputnik. 8-мартка караган түнү өлкөнүн тоолуу жана тоо этектериндеги аймактарында кар жаайт. Дыйканчылык өрөөндөрдө жаан-чачындын болушу болжолдонгон жок. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет маалымдады.

Абанын температурсы Чүй облусунда +10...+15, Таласта +9...+14, Ош, Жалал-Абад жана Баткен жергесинде +12...+17, Ысык-Көлдө +6...+11, Нарын аймагында +4...+9 градус болору айтылды.

Синоптиктер Ош жана Бишкек шаарларында күн ачык болуп, борбор калаада термометр +10...+12, ал эми экинчи борбор Ошто +15...+17 градусту көрсөтүп турарын билдиришти.

80
Белгилер:
Кыргызстан, март, аба ырайы
Тема боюнча
Автоунаа ээлери, абайлагыла. Аба ырайы боюнча шашылыш билдирүү
Жеңил атлетчилер марафон учурунда. Архив

Кыргызстандык жеңил атлетчилер Беларуста бир нече медаль алышты

0
(жаңыланган 00:16 08.03.2021)
Аталган спорттук иш-чарада кыргызстандык спортчулар баш-аягы эки алтын, бир күмүш жана үч коло медаль алышты.

БИШКЕК, 8-мар. — Sputnik. Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды. Бул тууралуу КРдин Жеңил атлетика федерациясынан билдиришти.

Кыргызстанские легкоатлеты во время соревнований в Беларуси
© Фото / пресс-служба федерации легкая атлетика КР
Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды

Маалыматка ылайык, Минск шаарындагы мелдеште узундукка секирүү боюнча Светлана Майер биринчи орунга жетип алтын медалга татыган. Анастасия Бондаренко 200 жана 60 метрге чуркап коло менен күмүш медаль алса, ал эми Артем Слесаренко 60 метрге чуркап коло медалга ээ болгон.

Дагы бир жөө күлүк Калыс Таштанов 1500 метр аралыкта марага биринчи жетип алтын, 800 метр аралыкта үчүнчү келип коло медалды байге куржунуна салган.

Аталган спорттук иш-чарада кыргызстандык спортчулар жалпы эки алтын, бир күмүш жана үч коло медаль алышты. 

0
Белгилер:
медаль, мелдеш, жеңил атлетика, Беларусь
Тема боюнча
Надыров: Ысык-Көл марафонунун байге фонду 1 млн. 44 миң сомду түзөт
ШКУнун эл аралык марафону 15-майда Чолпон-Ата шаарында старт алат