Киши массаж учурунда. Архив

Дарыгер омуртканын "кепилдик мөөнөтүн" жана аны узартуу жолдорун айтты

149
(жаңыланган 11:46 16.02.2021)
Омуртканын кызматы белгилүү бир мөөнөткө белгиленген. Адамда 35 жаштан кийин омуртка менен байланышкан муун, тарамыш жана кемирчек оорулары башталат.

БИШКЕК, 16-фев. — Sputnik. Омуртканын "кепилдик мөөнөтү" 35-45 жылды түзөт, бирок аны узартууга болот. Бул тууралуу Россиянын эмгек сиңирген дарыгери, терапевт Андрей Кабычкин билдиргенин Sputnik радиосу жазды.

Анын айтымында, омуртканын кызматы белгилүү бир мөөнөткө белгиленген. Омуртка менен байланышкан муун, тарамыш жана кемирчек оорулары адатта 35 жаштан кийин башталат. Айрымдарда мындан да кечирээк болот. Мунун баары организмдеги физиологиялык процесске байланыштуу.

"Тарамыш, кемирчек, муун жана омурткабыздын "кепилдик мөөнөтү" 35-45 жылды түзөт. Бул көрсөткүч ар бир адамда ар башка болушу мүмкүн. Ушул "кепилдик мөөнөтүнөн" кийин адамдарда омуртка жана муундар менен байланышкан көйгөйлөр пайда болот. Бул адамдагы физиология. Кан айлануу төмөндөп, зат алмашуу бузулат", —деп түшүндүрдү дарыгер.

Кабычкин омуртканын "кепилдик мөөнөтүн" узартуу үчүн күнү бою омурткага күч келүүнү көзөмөлдөп турууга чакырды.

"Адам тикесинен тик туруп иштегенде омурткасына көбүрөөк күч келет, ал эми отурганда төмөндөйт. Бирок адам туура эмес абалда отурса, минтип иштөө дайыма натыйжалуу боло бербейт. Бул омуртканын абалына байланыштуу", — деген ал.

Эгерде отуруп иштеген жериңиз ыңгайсыз болсо, дарыгер абалды тез-тез алмаштырып, улам-улам эс алып, гимнастикалык көнүгүүлөрдү жасоону сунуштаган.

149
Белгилер:
дарыгер, ден соолук, оору, омуртка
Тема боюнча
Сыздоок тогуздап чыкпашы үчүн эмне кылуу керек. Дарыгердин кеңеши
Дарыгер диабеттин өрчүшүнө коркунуч келтирген адатты атады
Кишилер Facebook логотибине заметкаларды жазып жатышат. Архив

Facebook жүздү таануу технологиясын колдонгону үчүн 650 млн. доллар айыпка жыгылды

3
(жаңыланган 15:13 01.03.2021)
2015-жылы штат жашоочулары Facebook компаниясына каршы доо арыз жазышкан. Анда тургундар компанияны биометрикалык маалымат чогултуу үчүн жүзүнөн таануу технологияларын колдонууда мыйзам бузган деп айыпташкан.

БИШКЕК, 1-мар. — Sputnik. Американын Иллинойс штатынын тургундары Facebook компаниясы адамдын жүзүн таануу технологиясын колдонгондугу үчүн сотко берип 650 миллион доллар төлөттүрүп алды. Бул тууралуу Chicago Tribune гезити жазды.

2015-жылы штаттын жашоочулары Facebook компаниясына каршы доо арыз жазышкан. Анда тургундар компанияны биометрикалык маалымат чогултуу үчүн адамды жүзүнөн таануу технологияларын колдонууда мыйзам бузган деп айыпташкан. Facebook талашты жөнгө салуу үчүн 650 миллион доллар сунуштаган, андан мурда компания 550 миллион берерин айткан. Бирок Сан-Францисконун аймактык соту бул сумманын жетиштүү экенинен күмөн санаган.

Соттун чечимине ылайык, штаттагы 1,6 миллион тургундун сотко кайрылгандарынын ар бири компенсация катары 345 доллардан алмай болду. Каражаттын бир бөлүгү юристтин ишине жумшалат.

Маалыматта Facebook мындан ары жүздү таануу автоматтык технологиясын колдонбой турганы белгиленди. Компания колдонуучулар буга чейин деле жүздү таануу функциясын колдонуу же колдонбоону өздөрү чечип келгенин, бирок эми ал кызмат өчүк болорун, каалоочулар баракчанын тескөө бөлүмүнөн иштетип алса болорун айтышты.

3
Белгилер:
айып, Facebook, функция, сот, АКШ
Тема боюнча
Компьютерди талкалап кирген хакер эмнелерди көрө алат. Шок кылган видео
Анжелика, Асел, Самара. Instagram баракчасындагы "миллионер" жылдыздар
Ош шаарындагы шайлоо участкасында добуш берүү учурунда кишилер. Архив

УКМК Ошто облус башчысы Абдраимовдун партиясы шайлоого катышып жатканын сындады

117
(жаңыланган 14:32 01.03.2021)
Облус башчысы шайлоого катышып жаткан "Ишеним" саясий партиясынын негиздөөчүлөрүнүн бири катары катталган.

БИШКЕК, 1-мар. — Sputnik. УКМК өкмөттүн Ош облусундагы өкүлү Жарасул Абдраимовго таандык партия жергиликтүү кеңештерге шайлоого катышып жатканын сындады.

Атайын кызмат шайлоо процесстери ачык жана коопсуз өтүшүн камсыздоого, бийлик тарабынан административдик ресурстун колдонулушуна бөгөт коюуга өзгөчө көңүл бура турганын белгиледи.

"Деген менен өкмөттүн Ош облусундагы өкүлү Жарасул Абдраимовдун "Ишеним" саясий партиясынын жергиликтүү кеңештерге шайлоого аттанып жатканы тынчсыздандырат. Ал партиянын негиздөөчүлөрүнүн бири катары катталган. УКМК дал ушул сыяктуу административдик ресурс колдонуу, шайлоонун таза эмес өтүшү 2020-жылдагы октябрь окуяларынын негизги себеби болгон деп эсептейт", — деп айтылат маалыматта.

Ошондой эле УКМК бардык саясий күчтөргө шайлоо мыйзамдарын так сактоону эскертип, эгер жаза басуулар болсо, белгиленген тартипте чара көрүлөрүн билдирди.

117
Белгилер:
Жарасул Абдураимов, саясый партия, шайлоо, УКМК
Тема боюнча
Уюшкан кылмыштуу топтун мүчөлөрү бир да шайлоого катыша албайт. Мыйзам долбоору
Жергиликтүү кеңештердин шайлоосуна канча акча сарпталары белгилүү болду