Селсаяктар кезекте турушат. Архив

Фирмасын селсаяктарга каттаган. Финпол коррупциялык схеманы жок кылды. Сүрөт

324
(жаңыланган 14:04 16.02.2021)
Кылмыштуу топ башка мамлекетке көчүп кетип жаткан жарандарды, психикалык жактан оорулууларды жана селсаяктарды пайдаланганы айтылат.

БИШКЕК, 16-фев. — Sputnik. Финансы полициясы өзгөчө ири өлчөмдө салык төлөмдөрүн жашырып келген коррупциялык схеманы аныктап, жок кылды. Бул туурасында аталган органдын маалымат кызматы билдирди.

Аталган топтун ЕАЭБге мүчө-өлкөлөрдөн товардык-материалдык баалуулуктарды Кыргызстанга салык төлөбөй ташып киргени айтылат.

Финполдун маалыматына ылайык, кылмыштуу топ бийлик өкүлдөрү менен жең ичинен сүйлөшүп алып башка мамлекетке көчүп кетүүгө камынган жарандарды, психикалык жактан оорулууларды жана селсаяктарды пайдаланган. Бул адамдарга 20-30 миң доллар берүүнү убадалап, алардын атына өзүлөрүнүн фирмасын каттаткан.

"Аталган фирмаларга ЕАЭБ өлкөлөрүнөн элдик керектөөчү товарлар ири көлөмдө ташып келинип, бирок тийиштүү салыктар төлөнгөн эмес. Мыйзам боюнча импорт товарлары үчүн фирма ээси салык төлөшү керек. Бул учурда фирманын жасалма түрдө катталган ээлери жоголуп кетет да, чыныгы ээлерине жоопкерчиликтен качууга шарт түзүлгөн", — деп айтылат маалыматта.
Сотрудники финансовой полиции задержали подозреваемого в организации преступной схемы. 13 февраля 2021 года
© Фото / пресс-служба ГСБЭП при ПКР
Бул факт боюнча 13-февраль күнү аталган кылмыштуу схеманын башкы уюштуруучусу делген А.А. аттуу жаран кармалган

Бул факт боюнча 13-февраль күнү аталган кылмыштуу схеманын башкы уюштуруучусу делген А.А. аттуу жаран кармалган. Шектүүнүн баш коргоо чарасы Биринчи май райондук сотунда тандалып, Бишкек шаарынын №1 тергөө абагына киргизилген. Ал тергөө бүткөнгө чейин камакта болору айтылат.

Кармалган жарандын үйүн жана автоунаасын тинтүү учурунда Казакстан, Россия компанияларынын мөөрлөрү, бухгалтердик документтери, КР жаранынын паспорту, ошондой эле ири суммадагы акча табылган.

Ошондой эле Финпол бул коррупциялык схеманы жок кылуу жагымдуу климатты жана бизнес өкүлдөрүнүн бирдей шарттагы атаандаштыгын түзөрүн белгилейт.

Аны менен катар учурда экономикалык коопсуздукту, анын ичинде бизнести коргоого багытталган иштерди жигердүү алып барып жатканын эскертти.

324
Белгилер:
аныктоо, фирма, кармоо, салык, товар, финансы полициясы
Тема боюнча
УКМК коррупция боюнча дагы эки мамлекеттик кызматкерди колго түшүрдү
12 млн. долларлык зыян. "Манас" аэропортунда ири коррупциялык схема аныкталды
Тазалык исканасынын кызматкерлери. Архив

Марттан тарта шаардагы көчө шыпырган "тазалыкчылардын" айлыгы көтөрүлмөй болду

14
(жаңыланган 17:14 03.03.2021)
8-март — Аялдардын эл аралык күнүнө карата "Тазалык" ишканасында иштеген аялдарга сый акы бериле турганы маалым болду.

БИШКЕК, 3-мар. — Sputnik. Март айынан тарта Бишкектеги көчө шыпыргандардын айлыгы 40 пайызга чейин жогорулайт. Бул тууралуу "Тазалык" ишканасынын маалымат катчысы Жибек Каракеева Facebook баракчасына жазды.

Анын айтымында, ай сайын өзгөчөлөнүп, ишин сапаттуу жана убагында аткарган жумушчуларга окладдын 30 пайызына барабар болгон сый акы да берилип турат.

Айлык маянаны жогорулатуу жана кызматкерлерге сый акы берүү демилгеси мэрдин милдетин аткаруучу Бактыбек Кудайбергенов, вице-мэр Жамалбек Ырсалиев жана "Тазалык" ишканасынын жетекчиси Рыспек Сарпашовдун колдоосу менен ишке аша турганы кошумчаланды.

Майрамды утурлай "Тазалык" ишканасында иштеген аялдарга сый акы берилери маалым болду.

14
Белгилер:
айлык-акы, "Тазалык" ишканасы
Тема боюнча
Былтыркы жылдын тогуз айында кыргызстандыктардын кирешеси 5%га азайды

Сегиз саат сазда жүрүп тартылган Айтурган Темирова. "Снайперлердеги" таберик сүрөт

47
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, анын тарыхын баяндоону улантат.
Токойдун четинде эс алып тамактанып отурган советтик жоокерлердин ортосундагы КРдин эл артисти Айтурган Темирова менен РФтин эл артисти Вера Глаголеванын сүрөтү 1985-жылы Беларуста тартылган.
© Фото / из семейного архива Шамшиевых

Токойдун четинде эс алып тамактанып отурган советтик жоокерлердин ортосундагы КРдин эл артисти Айтурган Темирова менен РФтин эл артисти Вера Глаголеванын сүрөтү 1985-жылы Беларуста тартылган.

Ошол жылы режиссер Болот Шамшиев казакстандык снайпер, Советтер Союзунун Баатыры Алия Молдагулова жөнүндө "Снайперлер" тасмасын тартууну баштап, башкы каармандын ролун Темирова аткарган.

Ал кезеңди белгилүү актриса мындайча эскерет:

"Бул сүрөт жоокерлер согуш талаасында кандай салгылашуу болгонун сүйлөшүп жатканда тартылып алынган экен. Жанымда курбу кызым Вера Глаголева отурат. Мен болсо алардын айтканына ичим чыкпай нааразы болуп, башка пландарды түзүп жаткам. Бул эпизоддор Беларустун Смолевич аскер полигонунда тартылган. Ал жерде көптөгөн советтик аскердик фильмдер жаралган. "Снайперлер" аябагандай оор шарттарда тартылган эле. Анын кесепетинен үч жолу операция болуп, эки жылдан кийин гана калыбыма келгем", — деди Темирова.

Анда Шамшиев 44, Темирова 27 жашта болуп, экөө бир уул, бир кызды тарбиялап жаткан.

Актрисанын кызы Сүйүтай Шамшиева буларды кошумчалады:

"Биз ата-энебиздин чыгармачылыгына аралашып, аларга кол кабыш кылып турчубуз. Мисалы, мен 12 жашымда "Снайперлер" фильминде апамдын мылтыгын ары-бери ташып жүрчүмүн. Ага боорум ооруп кетчү, эмгегин баалап аячумун. Себеби аталган кинокартина тартылып жатканда ал сегиз саат бою сазда жүргөнгө мажбур болгон", — деди Шамшиева.

Аталган тасмага казакстандык, россиялык, кыргызстандык актерлор катышкан. Кинокартина соңуна чыккан соң 1986-жылы Алмата шаарында өткөн ХIХ Бүткүл союздук фестивалда "Мыкты аскердик-патриоттук тасма" сыйлыгына ээ болуп, башкы кармандын образын жараткан Темировага СССРдин Коргоо министрлиги ефрейтор аскер чинин ыйгарган.

47
Белгилер:
таберик сүрөт, Айтурган Темирова, актриса, Кыргызстан
Тема:
"Таберик сүрөт" — сейрек кездешкен ирмемдер
Тема боюнча
Бири-бирин "соороткон" Чокморов менен Сейдакматова. "Уландан" таберик сүрөт
Мурутуна муз тоңуп. Киши чыдагыс аязда кино тартып жаткан мыктылардын таберик сүрөтү