Автокатализатор. Архив

Автокатализаторлорду сатууга жана сатып алууга тыюу салынып, айып салуу каралууда

200
(жаңыланган 15:43 16.02.2021)
Экология коопсуздугун көзөмөлдөй турган органга мыйзам бузгандарды айыпка жыгуу укугун берүү пландалып жатат.

БИШКЕК, 16-фев. — Sputnik. Кыргызстандын өкмөтү өлкө аймагында автокатализаторлорду сатууга тыюу салмакчы.

Мыйзам долбоору коомдук талкууга чыкты. Негиздемесинде айрым учуда кээ бир товарларды сатууну чектөөгө укук бериле турганы айтылат.

Мында абаны зыяндуу заттардан коргогон автокатализаторлор тууралуу сөз болууда.

Экономика жана финансы министрлигинин маалыматы боюнча, өлкөдөгү автоунаанын 80 пайыздайынын катализатору жок же иштебейт. Өкмөт Бишкекте ыш маселеси өтө курч турганын эскертти.

Мындан тышкары, катализатордогу палладий дүйнөдө дефицит экени кошумчаланды.

"Курамында баалуу металл бар палладийге болгон суроо-талаптын күчөшү жана баасынын өсүшү катализаторлорду унаадан чыгарып же уурдала башташын шарттайт", — деп айтылат негиздемеде.

Эгер мыйзам долбоору кабыл алынып калса, чектөөлөрдү экологиялык жана техникалык коопсуздукка жоопкер орган көзөмөлдөшү керек болот. Ал катализатор саткан же сатып алгандарды айыпка жыгуу укугуна ээ.

Айып пулдун көлөмү Эреже бузуулар кодексинин төртүнчү категориясына ылайык, жеке жактарга 7 500 сом, юридикалык тараптар үчүн 23 000 сом өлчөмүндө чегерүү каралып жатат.

200
Белгилер:
ыш, айып, тыюу салуу, мыйзам, катализатор, автоунаа
Тема боюнча
Балбак Түлөбаев Бишкекке катализатору жок унааларды киргизбөөнү сунуштады
Бишкекте 19 буу казан газга өтөт. Меморандумга кол коюлду
Партктагы гүлдөр. Архив

Бейшембиге карата аба ырайы

47
(жаңыланган 21:08 03.03.2021)
4-мартка караган түнү республиканын көпчүлүк аймактарында жаан, тоо этектеринде жана тоолуу райондорунда кар жаашы күтүлөт. Жолдорго муз тоңуп, тайгак болот.

БИШКЕК, 3-мар. — Sputnik. Бейшемби күнү өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир аймактарда 14 метрге жетет. Бул тууралуу Кыргызгидромет билдирди.

Абанын температурасы Чүй, Талас жергесинде +9...+14 градус, Ош, Жалал-Абад жана Баткен облустарында +10...+15, Ысык-Көлдө +3...+8, ал эми Нарын аймагында -1...+4 градуска чейин жылуу болору айтылды.

Борбор калаада күн ачык болуп, күндүн табы +12...+14 градуска чейин көтөрүлсө, Ош шаарында мезгил-мезгили менен жаан жаап, +13...+15 градус жылуу болот.

47
Белгилер:
март, Кыргызстан, аба ырайы
Тема боюнча
Төө-Ашуудагы тайгактан жүк ташуучу унаалар өйдө чыга албай жатат. Видео
Кишенчен киши. Архив

Бизнесмен Жалил Атамбаев кармалып, камакка алынды

877
(жаңыланган 19:15 03.03.2021)
Шектүү мамлекеттик кызматта турганда мыйзамсыз негизде байыган деп УКМКнын тергөө абагына камакка алынды.

БИШКЕК, 3-мар. — Sputnik. Мыйзамсыз баюу фактысы боюнча Жалил Атамбаев кармалды. Бул тууралуу УКМКдан билдиришти.

Маалыматка караганда, ички иштер органдарынын мурунку кызматкери Атамбаевге каршы козголгон бир катар кылмыш иштери боюнча, анын ичинде мамлекеттик кызматта турганда мыйзамсыз баюу фактысы тууралуу тергөө иштери жүрүп жатат.

"Ички иштер органдарынын мурдагы кызматкери болуп саналган Жалил Атамбаев олуттуу финансылык ресурстарга ээ болуп, кымбат баалуу кыймылсыз мүлктү өзүнүн жакын туугандарынын атына каттатып алган", — деп айтылат маалыматта.

Шектүү Кылмыш-жаза кодексинин 323-беренесинин 2-бөлүмүнүн 2-пункту ("Мыйзамсыз баюу") боюнча кармалып, УКМКнын тергөө абагына киргизилди.

877
Белгилер:
бизнесмен, камак, мыйзамсыз, Жалил Атамбаев
Тема боюнча
Жеке клиниканын башкы дарыгери Матраимовдун абалы начар экенин айтты
УКМК ЖК депутаты Абжалиевди мыйзамсыз байыган деп иш козгоду