Студеттер сабак учурунда. Архив

Өкмөт ЖОЖдордун контракт баасын арзандатууну карап жатат

134
(жаңыланган 16:30 16.02.2021)
Кечээ күнү жогорку окуу жайда билим алган студенттердин митинги болуп өттү. Алар пандемия учурунда каржылык жактан аксап калгандыктан контрактын суммасын азайтууну талап кылышкан.

БИШКЕК, 16-фев. — Sputnik. Кыргызстандын өкмөтү жогорку окуу жайларда окуган студенттердин контракт баасын арзандатуу маселесин карап жатат. Бул тууралуу премьер-министр Улукбек Марипов Facebook баракчасы аркылуу билдирди.

"Президент Садыр Жапаров тапшырма берген болчу, биз ал боюнча иш алып барып жатабыз. 2020-жылы жогорку окуу жайлар, мектептер окуучулар менен студенттерди аралыктан окутушту. Азыр деле онлайн-форматта окуп жаткандар бар. Окуу жайлардын жетекчилери болжол менен 1000 сомго эле жеңилдик беришиптир. Бирок биз буга макул эмеспиз, маселени карап жатабыз", — деди Марипов.

Ал чечим кабыл алынары менен маалымат берүүнү убадалады.

15-февралда Билим берүү жана илим министрлигинин алдында жогорку окуу жайда билим алган студенттердин митинги болуп өттү. Алар пандемия учурунда каржылык жактан аксап калгандыктан контракттын суммасын азайтууну талап кылышкан.

134
Белгилер:
контракт, студент, Жогорку окуу жайы, пандемия, Кыргызстан
Тема боюнча
Премьер-министр Марипов азык-түлүктү арзандатуунун төрт жолун айтты
Ооруканадагы дарыгер. Архив

Жеке клиниканын башкы дарыгери Матраимовдун абалы начар экенин айтты

36
(жаңыланган 18:22 03.03.2021)
Матраимов УКМКнын тергөө абагынан жеке клиникага качан которулганы айтылган жок. Атайын кызмат бул боюнча комментарий берүүдөн баш тартты.

БИШКЕК, 3-мар. — Sputnik. Бишкектеги кардиологиялык жеке клиникалардын биринин башкы дарыгери Дамир Осмонов Бажы кызматынын жетекчисинин мурдагы орун басары Райымбек Матраимовдун саламаттыгы боюнча маалымат берди.

"Бейтаптын кан басымы кооптуу чекке жеткен абалда келди. Азыр дагы улам өзгөрүп жатат. Абалы туруктуу эмес. Чукул арада ден соолугун текшерүү керек, биринчи кезекте коронарографиядан жана бөйрөк артериясы боюнча текшерүүдөн өткөрүү зарыл. Анын абалы толук турукташканча медициналык көзөмөлдө болот", — деди Осмонов.

Матраимов УКМКнын тергөө абагынан жеке клиникага качан которулганы айтылган жок. Атайын кызмат бул боюнча комментарий берүүдөн баш тартты.

Бажы кызматынын жетекчисинин мурдагы орун басары буга чейин артериялык кан басымы жогорулап жатканын айтып даттанган.

Эскерте кетсек, Матраимов экинчи ирет 18-февралда кармалып, эки күндөн кийин Биринчи май райондук соту эки айга камакка алуу чечимин чыгарган.

36
Белгилер:
абал, клиника, Райымбек Матраимов, Кыргызстан
Тема боюнча
Абактагы Райым Матраимов кан басымы көтөрүлүп жатканын айтты
Гезиттер. Архив

"Кыргыз Туусуна" жаңы башкы редактор дайындалды

16
Басма үйүнүн мурдагы жетекчиси Эрнис Балбаков үстүбүздөгү жылдын февраль айында иштен кеткен. Бүгүн жаңы жетекчи дайындалды.

БИШКЕК, 3-мар. — Sputnik. Мырзакат Тыналиев "Кыргыз Туусу" басма үйүнүн директору-башкы редактору болуп дайындалды. Бул тууралуу өкмөттөн билдиришти.

Тийиштүү буйрукка премьер-министр Улукбек Марипов кол койгон.

Эске салсак, басма үйүнүн мурдагы башкы редактору Эрнис Балбаков үстүбүздөгү жылдын февраль айында иштен алынган болчу.

16
Белгилер:
редактор, гезит, "Кыргыз Туусу" гезити, Кыргызстан
Тема боюнча
Балбаков: "Кыргыз Туусу" мамлекеттик болгону менен өкмөттөн каржыланбайт