УКМК төрагасы Камчыбек Ташиев качан өлкөгө кайтары айтылды
(жаңыланган 17:46 17.02.2021)
Камчыбек Ташиев ден соолугуна байланыштуу 6-февраль күнү чет өлкөгө учуп кеткен. 12-февраль күнү ага Германияда операция жасалган.БИШКЕК, 17-фев. — Sputnik. УКМКнын төрагасы Камчыбек Ташиев Кыргызстанга 18-февраль күнү саат 10:00дө учуп келет. Бул тууралуу анын жакын адамдарынын бири Өткүрбек Рахманов Facebook баракчасына жазды.
Ушундай эле маалымат президент Садыр Жапаровдун Telegram каналына жарыяланды.
Анда айтылгандай, Ташиев келери менен кайра эле Баткен облусуна учуп кетет.
"Урматтуу мекендештер, УКМКнын төрагасы Камчыбек Ташиев буюрса эртең, 18-февралда, саат 10:00дө чет мамлекеттен "Манас" аэропортуна учуп келип, саат 11:00дө Баткен облусуна учат. Тийиштүү маселелер жеринде каралат", — деп айтылат билдирүүдө.
Эске салсак, буга чейин Камчыбек Ташиев Facebook баракчасы аркылуу чет өлкөгө кетип жатканын билдирген. Бирок кайсы өлкөгө кетерин, эмнесине операция жасатарын жазган эмес.
Көп өтпөй УКМК төрагасына жакын адамдары операция 12-февраль күнү Германияда жасалып, ийгиликтүү болгонун айтышкан.
Ашказан-ичеги оорусу барлар вакцина алса болобу? Адистин жообу
(жаңыланган 23:14 07.03.2021)
Буга чейин ашказан, тамак сиңирүү органдары ооругандар эмдөөдөн өтсө болобу деген маселе коомчулукта кайра-кайра көтөрүлгөн.БИШКЕК, 7-мар. — Sputnik. Ашказан, ичеги-карын оорулары менен жабыркаган адамдар коронавируска каршы вакцина ала алышат. Бул тууралуу РИА Новости агенттиги жазды.
Москванын Саламаттык сактоо департаментинин штаттан тышкаркы башкы гастроэнтеролог адиси Дмитрий Бординдин айтымында, тамак сиңирүүсү начар бейтаптар SARS-CoV-2ге каршы эмдөөдөн өтө алат.
"Буга чейин ичегиси сезгенип, ашказаны ооругандар эмдөөдөн өтсө болобу деген маселе коомчулукта кайра-кайра көтөрүлгөн. Январь айында ал боюнча эл аралык сунуштама чыкты, февралда аталган илдет боюнча иш алып барган бүткүл россиялык коом да бир пикирге келди. Ичеги-карыны жакшы иштебегендер коронавируска каршы вакцина алышы керек", — деди Бордин.
Буга чейин адистер эмдөөнүн кыйыр таасири туурасында кеп кылып, анын иммунитеттен көз каранды эместигин айтышкан эле.
8-мартка карата аба ырайы
БИШКЕК, 7-мар. — Sputnik. 8-мартка караган түнү өлкөнүн тоолуу жана тоо этектериндеги аймактарында кар жаайт. Дыйканчылык өрөөндөрдө жаан-чачындын болушу болжолдонгон жок. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет маалымдады.
Абанын температурсы Чүй облусунда +10...+15, Таласта +9...+14, Ош, Жалал-Абад жана Баткен жергесинде +12...+17, Ысык-Көлдө +6...+11, Нарын аймагында +4...+9 градус болору айтылды.
Синоптиктер Ош жана Бишкек шаарларында күн ачык болуп, борбор калаада термометр +10...+12, ал эми экинчи борбор Ошто +15...+17 градусту көрсөтүп турарын билдиришти.
Белгилер:
Кыргызстандык жеңил атлетчилер Беларуста бир нече медаль алышты
(жаңыланган 00:16 08.03.2021)
Аталган спорттук иш-чарада кыргызстандык спортчулар баш-аягы эки алтын, бир күмүш жана үч коло медаль алышты.БИШКЕК, 8-мар. — Sputnik. Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды. Бул тууралуу КРдин Жеңил атлетика федерациясынан билдиришти.
©
Фото / пресс-служба федерации легкая атлетика КР
Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды
Дагы бир жөө күлүк Калыс Таштанов 1500 метр аралыкта марага биринчи жетип алтын, 800 метр аралыкта үчүнчү келип коло медалды байге куржунуна салган.
Аталган спорттук иш-чарада кыргызстандык спортчулар жалпы эки алтын, бир күмүш жана үч коло медаль алышты.