Бишкектеги борбордук мечиттин ички көрүнүшү. Архив

Бишкектеги борбордук мечиттин 3D форматындагы ички-тышкы көрүнүшү жарыяланды

223
(жаңыланган 18:52 17.02.2021)
Борбордук мечиттин заманбап 3D форматтагы ички жана тышкы көрүнүшүн интернетке киргизүү Virtual Tour KG чыгармачыл бирикмеси тарабынан жасалган.

БИШКЕК, 17-фев. — Sputnik. Бишкектеги имам Сарахси атындагы борбордук мечиттин ички жана тышкы көрүнүшү заманбап 3D форматында Google Maps аркылуу интернетке жүктөлдү. Бул тууралуу муфтияттан кабарлашты.

Маалыматта айтылгандай, аталган эмгек Virtual Tour KG чыгармачыл бирикмеси тарабынан жасалган.

Бүгүн, 17-февралда, муфтийдин милдетин аткаруучу Жоробай ажы Шергазыев чыгармачыл бирикменин өкүлдөрү менен жолугушуп, аларга ыраазычылык баракчасын тапшырган.

Бирикменин өкүлдөрү Денис Будыло, Вадим Березин, Александр Притеев жакынкы айларда Каракол шаарынын борбордук мечитин 3D форматында жасашып, интернетке жүктөө пландары бар экенин айтышкан.

223
Белгилер:
Google, интернет, "Ас-Сарахсий" мечити
Тема боюнча
Жан кирип кеткендей экен. Мексикалык художниктин керемет эмгектери. Видео
Pfizer вакцинасы. Архив

Австрияда Pfizer жана BioNTech вакцинасын алган соң 41 адам каза тапты

14
(жаңыланган 11:06 03.03.2021)
Дарыгерлер бейтаптардын өлүмү менен препаратты колдонуунун ортосундагы байланышты аныкташкан эмес.

БИШКЕК, 3-мар. — Sputnik. Австрияда 41 бейтап Pfizer жана BioNtech вакцинасын алгандан кийин көз жумду. Бул тууралуу РИА Новости кабарлады.

Ага ылайык, ошол эле маалда дарыгерлер бейтаптардын өлүмү менен препараттын ортосундагы байланышты аныкташкан эмес.

Отчетте белгиленгендей, үч бейтаптын эмдөөдөн кийин дароо эле көз жумганы сөөктү сойгон соң билинген. Дагы 11 адам эмдөөнү коронавирустун инкубациялык маалында алып каза тапкан. Калган 19 кишинин оорусу өлүмгө алып келди деп боолголонсо, сегизинин өлүмүнүн себеби учурда такталып жатканы айтылды.

Декабрь айынын башында америкалык Pfizer жана германиялык BioNTech компаниялары биргелешип чыгарган вакцина COVID-19га каршы АКШда жана Европа өлкөлөрүндө эмдөөгө колдонула баштаган.

14
Белгилер:
бейтап, вакцина, коронавирус, Австрия
Тема:
Дүйнөгө жайылган коронавирус
Тема боюнча
Роспотребнадзор коронавирустун "британиялык" штаммын аныктоочу тест жасады
Жер жашоочуларынын 10%ында гана COVID-19га каршы антитело бар
Рим шаарынын тургундары. Архив

Италияда коронавирустун "нигериялык" штаммы табылды

17
(жаңыланган 10:46 03.03.2021)
Бул штамм улам-улам мутацияланып турат, учурда коронавируска каршы чыгарылган вакциналар таасир этпеши мүмкүн.

БИШКЕК, 3-мар. — Sputnik. Коронавирустун "нигериялык" штаммы Италиянын түндүгүндөгү Ломбардия провинциясынын Брешия шаарында табылды. Бул тууралуу ANSA агенттиги Италиянын вирусологдор коомунун президенти, микробиологиялык лабораториянын директору Арнальдо Карузого таянып билдиргенин РИА Новости жазды.

Адистин билдиришинче, бул штамм улам-улам мутацияланып турат, учурдагы вакциналар натыйжасыз болушу мүмкүн.

Карузо коронавирустун табылган түрүнүн өзгөчөлүктөрү жөнүндө башка эч кандай маалымат берген эмес.

Нигерияда коронавирустун жаңы штаммы табылганы декабрь айында маалым болгон. Африкалык ооруларды көзөмөлдөө жана алдын алуу борборунун (CDC) маалыматы боюнча, жаңы вариант Нигериянын Осун штатында чогултулган үлгүлөрдүн арасында эки бейтаптын анализин изилдөөдө табылган.

Буга чейин декабрдын орто ченинде Улуу Британияда коронавирус — VUI-202012/01 мутациясы табылган. Кийинчерээк ал мурунку вируска салыштырмалуу 56-70 пайызга тезирээк тарай турганы маалым болгон. Ошондой эле бул штамм бейтаптарды өлүмгө алып келиши мүмкүн экени айтылган болчу.

17
Белгилер:
Италия, Нигерия, коронавирус
Тема:
Дүйнөгө жайылган коронавирус
Тема боюнча
ДССУ: коронавирустун ыңгайлашып, көнүшүп кетүүсүнө жол бербейли!
Роспотребнадзор коронавирустун "британиялык" штаммын аныктоочу тест жасады
В Кара-Сууйском районе Ошской области сгорела школа

Кара-Суу районунда бир мектеп толугу менен күйүп кетти. Сүрөт

0
(жаңыланган 11:24 03.03.2021)
Окуя кечээ кечинде болгон. Ал жерге үч өрт өчүрүү бөлүмү тартылып, саат 20:15те тилсиз жоо толугу менен өчүрүлгөн.

БИШКЕК, 3-мар. — Sputnik. Оштун Кара-Суу районундагы Жоош айыл аймагынын Маданият айылында мектеп толугу менен күйүп кетти. Бул тууралуу ӨКМдин маалымат кызматы кабарлады.

Өрт кечээ, 2-март күнү, саат 18:28дер чамасында чыккан.

В Кара-Сууйском районе Ошской области сгорела школа
© Фото / пресс-служба МЧС
Оштун Кара-Суу районундагы Жоош айыл аймагынын Маданият айылында мектеп толугу менен күйүп кетти

Анда Султанов көчөсүндөгү №42 орто мектебинин жыгач устундуу шифер жабылган 262 чарчы метр чатыры жана 212 чарчы метр ички жасалгасы күйгөн.

Окуя болгон жерге үч өрт өчүрүү бөлүмү тартылып, саат 20:15те тилсиз жоо толугу менен өчүрүлгөн.

Учурда кырсыктын себеби такталууда.

0
Белгилер:
мектеп, өрт, Ош
Тема боюнча
Өрт чыккан үйдөн чиедей беш бир тууган көз жумду. Казакстандагы жүрөк тилген окуя