Бала COVID-19 тестине тапшырып жатат. Архив

Балдардан ПЦР-тест алынат. Өкмөт мектеп, бакчаларга бир нече тапшырма берди

183
(жаңыланган 11:15 18.02.2021)
Биринчи вице-премьер мектеп жана бала бакчаларда коронавирустун белгилери байкалган бөбөк, жеткинчектерден ПЦР-тест алуу тапшырмасын берген.

БИШКЕК, 18-фев. — Sputnik. Өкмөт Саламаттык сактоо жана социалдык өнүктүрүү министрлиги, Билим берүү министрлиги жана Бишкек мэриясына жума ичинде балдарды медициналык кароодон өткөрүүнү тапшырды. Бул тууралуу өкмөттүн маалымат кызматы кабарлады.

Ага ылайык, бүгүн биринчи вице-премьер Артем Новиков балдардын пневмонияга чалдыгуусуна байланыштуу кеңешме өткөргөн.

Медициналык кароодон мектепте кадимки тартипте окуп жаткан окуучулар өтө турганы маалым болду.

Биринчи вице-премьер-министр Артем Новиков
© Фото / Пресс-служба правительства / Алишер Алиев
Биринчи вице-премьер мектеп жана бала бакчаларда коронавирустун белгилери байкалган бөбөк, жеткинчектерден ПЦР-тест алуу тапшырмасын берген. Ошондой эле 14 жашка чейинки балдарды медициналык көзөмөлдөн өткөрүү боюнча иш-чаралардын планын түзүп, мамлекеттик жана жеке менчик медициналык жайларда өз каалоосу менен сасык тумоого каршы эмдөө жүргүзүү да табышталган.

Новиков балдарды мектепке чейинки мекемелерде жана мектептерде профилактикалык кароо жүргүзүү системалык түрдө жасалышы зарыл экенин белгилеп, мындай практика кийинки жумадан тарта ар бир билим берүү мекемесинде ишке ашырылышы керектигин эскертти.

183
Белгилер:
оору, пневмония, бала, кеңешме, Артем Новиков
Тема:
Коронавируска байланыштуу Кыргызстандагы кырдаал (2555)
Тема боюнча
Узакбаев: жылда эле ушу маалда көп бала пневмонияга чалдыгат, дүрбөлөңгө түшпөгүлө
Партктагы гүлдөр. Архив

Бейшембиге карата аба ырайы

53
(жаңыланган 21:08 03.03.2021)
4-мартка караган түнү республиканын көпчүлүк аймактарында жаан, тоо этектеринде жана тоолуу райондорунда кар жаашы күтүлөт. Жолдорго муз тоңуп, тайгак болот.

БИШКЕК, 3-мар. — Sputnik. Бейшемби күнү өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир аймактарда 14 метрге жетет. Бул тууралуу Кыргызгидромет билдирди.

Абанын температурасы Чүй, Талас жергесинде +9...+14 градус, Ош, Жалал-Абад жана Баткен облустарында +10...+15, Ысык-Көлдө +3...+8, ал эми Нарын аймагында -1...+4 градуска чейин жылуу болору айтылды.

Борбор калаада күн ачык болуп, күндүн табы +12...+14 градуска чейин көтөрүлсө, Ош шаарында мезгил-мезгили менен жаан жаап, +13...+15 градус жылуу болот.

53
Белгилер:
март, Кыргызстан, аба ырайы
Тема боюнча
Төө-Ашуудагы тайгактан жүк ташуучу унаалар өйдө чыга албай жатат. Видео
Кишенчен киши. Архив

Бизнесмен Жалил Атамбаев кармалып, камакка алынды

919
(жаңыланган 19:15 03.03.2021)
Шектүү мамлекеттик кызматта турганда мыйзамсыз негизде байыган деп УКМКнын тергөө абагына камакка алынды.

БИШКЕК, 3-мар. — Sputnik. Мыйзамсыз баюу фактысы боюнча Жалил Атамбаев кармалды. Бул тууралуу УКМКдан билдиришти.

Маалыматка караганда, ички иштер органдарынын мурунку кызматкери Атамбаевге каршы козголгон бир катар кылмыш иштери боюнча, анын ичинде мамлекеттик кызматта турганда мыйзамсыз баюу фактысы тууралуу тергөө иштери жүрүп жатат.

"Ички иштер органдарынын мурдагы кызматкери болуп саналган Жалил Атамбаев олуттуу финансылык ресурстарга ээ болуп, кымбат баалуу кыймылсыз мүлктү өзүнүн жакын туугандарынын атына каттатып алган", — деп айтылат маалыматта.

Шектүү Кылмыш-жаза кодексинин 323-беренесинин 2-бөлүмүнүн 2-пункту ("Мыйзамсыз баюу") боюнча кармалып, УКМКнын тергөө абагына киргизилди.

919
Белгилер:
бизнесмен, камак, мыйзамсыз, Жалил Атамбаев
Тема боюнча
Жеке клиниканын башкы дарыгери Матраимовдун абалы начар экенин айтты
УКМК ЖК депутаты Абжалиевди мыйзамсыз байыган деп иш козгоду