Бала компьютер менен отурат

Ош мэриясы "шаарда балдар өлүмү көп катталууда" деген билдирүүгө үн катты

391
(жаңыланган 18:10 18.02.2021)
Социалдык тармактын колдонуучусу шаарга жакын жердеги көрүстөнгө бир жуманын ичинде эле 20 бала коюлганын билдирген.

БИШКЕК, 18-фев. — Sputnik. Ош мэриясынын маалымат кызматы калаада балдар өлүмү көп катталууда деген билдирүүнү төгүндөдү.

Бүгүн Facebook тармагынын Ахрор Иминов аттуу колдонуучусу Ош шаарына жакын жердеги көрүстөнгө жаш балдар көп коюлуп жатканын, бир жуманын ичинде эле 20 бала жерге берилгенин айткан. Ага таянып маалыматты айрым ЖМКлар дагы жазган.

Ал эми Ош шаардык балдар ооруканасынын башкы дарыгери январь айынан бери балдар өлүмү катталбаганын билдирди.

"Интернетте тарап жаткан маалыматтар чындыкка дал келбейт. Ушул жылдын январь айынан баштап ар түрдүү оорулар менен 356 бала ооруканадан дарыланып чыккан. Өлүм катталган эмес. Пневмония менен ооруган балдардын саны былтыркыга салыштырмалуу аз. 356 бейтаптын ичинен 98 бала пневмония болгон. Ал да коронавируска байланыштуу пневмония эмес", — деп айтылат маалыматта.

Ал эми акыркы 10 күндүн ичинде 14 жашка чейинки балдар арасында 56 бала пневмония болуп, өлүм катталбаганы айтылат.

391
Белгилер:
өлүм, оорукана, оору, бала, Ош шаары
Тема:
Кыргызстандыктарды кыйнаган пневмония (51)
Тема боюнча
Балдар ооруканасынын башчысы: январда Кавасаки синдрому менен көп бала ооруду
Узакбаев: жылда эле ушу маалда көп бала пневмонияга чалдыгат, дүрбөлөңгө түшпөгүлө
Ымыркай. Архив

Швецияда жарыкка келген ымыркайдан коронавирустун жаңы штаммы табылды

2
(жаңыланган 11:30 03.03.2021)
Баштапкы изилдөөлөр эне менен баланын вирустары бирдей экендигин көрсөткөн, бирок кийинки анализдерде ымыркайда оорунун жаңы түрү аныкталган.

БИШКЕК, 3-мар. — Sputnik. Швецияда жаңы төрөлгөн ымыркайдан коронавирустун жаңы штаммы табылганын "Известия" жазды.

Мальме ооруканасына ичи катуу ооруган кош бойлуу аял түшкөн. Медиктер кычкылтек жетишсиздигинен курсактагы баланын жүрөгү начар согуп жатканын аныкташкан. Аялга операция жасашып, коронавируска анализ алынгандан кийин баласы экөөнөн тең оору аныкталган. Геномдун анализи ымыркай инфекцияны төрөлгөнгө чейин эле жуктурганын көрсөткөн.

Баштапкы изилдөөлөр эне менен баланын вирустары бирдей экендигин аныктап чыккан, бирок кийинки анализдерде ымыркайда вирустун жаңы түрү белгилүү болгон.

Дарыгерлер бала төрөлөрү менен коронавирус аныкталган учур биринчи жолу катталып жатканын айтышты. Ал вирусту төрөлүп жатканда жуктуруп алышы мүмкүндүгү болжолдонгон.

COVID-19 жуктурган аял ооруну жеңил эле көтөргөндүктөн төрт күндөн кийин чыгарылган. Бала эрте төрөлгөнү үчүн медиктер көбүрөөк жардам берген, бирок антитело бат иштелип чыгып айыгып кеткен.

2
Белгилер:
кош бойлуу, ымыркай, коронавирус, Швеция
Тема:
Дүйнөгө жайылган коронавирус
Тема боюнча
Италияда коронавирустун "нигериялык" штаммы табылды
ДССУ: коронавирустун ыңгайлашып, көнүшүп кетүүсүнө жол бербейли!
Калпакчан балдар. Архив

Парад, жарманке. Бишкекте Калпак күнүнө карата иш-чара өтөт

3
(жаңыланган 11:28 03.03.2021)
Иш-чарада салттуу кийим кийгендер "Ала-Тоо" кинотеатрынан "Ала-Тоо" аянтына чейин параддан өтөрү айтылды.

БИШКЕК, 3-мар. — Sputnik. Бишкекте Ак калпак күнүнө карата салтанаттуу иш-чара өткөрүлөт. Бул тууралуу Маданият, маалымат, спорт жана жаштар саясаты министрлигинен кабарлашты.

Билдирмеге караганда, иш-чараны министрлик, Бишкек мэриясы жана "Улуттук намыс" уюму уюштурат.

"Анда салттуу кийимдердин парады болуп, кол өнөрчүлөрдүн жарманкеси өтөт. Калпактардын түрлөрү, салттуу кийимдер жана кол өнөрчүлөрдүн эмгектери коюлат", — деп жазылат маалыматта.

Иш-чара 4-март күнү саат 10:00дө баштала турганы айтылып, салттуу кийим кийгендер "Ала-Тоо" кинотеатрынан "Ала-Тоо" аянтына чейин параддан өтөрү кошумчаланды.

3
Белгилер:
жарманке, баш кийим, министрлик, маданият, иш-чара, калпак
Тема боюнча
Жапаров элди Туу күнү менен куттуктап, чакырык таштады
Кеп такыячан эл алдына чыгуу уят болот. Салттуу баш кийимдердин сырлары