Дем алыш күндөрү Бишкектин 4 районунда жарманке өтөт. Азык-түлүктүн баасы
БИШКЕК, 19-фев. — Sputnik. Жуманын дем алыш күндөрү өтүп жаткан жарманке бул ирет Бишкек шаарынын төрт районунда уюштурулат. Бул туурасында Айыл, суу чарба жана аймактарды өнүктүрүү министрлиги маалымдады.
Азык-түлүк жарманкеси өтүүчү даректер:
- Ленин району, Чапаев — Айни көчөлөрүнүн кесилишинде;
- Октябрь району, 12-кичи район, Аалы Токомбаев көчөсү;
- Биринчи май району, Исхак Раззаков жана Киев, Токтогул көчөлөрүнүн кесилишинде;
- Свердлов району, Төрөкул Айтматов жана Токтогул көчөлөрүнүн кесилишинде.
Баалар төмөндөгүдөй болот:
- Уй эти - 405 сом;
- Жылкы эти - 380-390 сом;
- Кой эти - 410 сом;
- Тоок эти - 190-200 сом;
- Суу май - 118-120 сом;
- Жумуртка 10 даана - 85-88 сом;
- Үй жумурткасы 10 даана - 90-100 сом;
- Кумшекер - 56-57 сом;
- Күрүч - 55-60 сом;
- Алма - 30-50 сом;
- Сабиз - 12-15 сом;
- Картошка - 22-25 сом;
- Пияз - 15-16 сом.
Жарманкеге ондогон ата мекендик өндүрүшчүлөр жана фермерлер азык-түлүктөрүн алып чыгат.
Бейшембиге карата аба ырайы
(жаңыланган 21:08 03.03.2021)
4-мартка караган түнү республиканын көпчүлүк аймактарында жаан, тоо этектеринде жана тоолуу райондорунда кар жаашы күтүлөт. Жолдорго муз тоңуп, тайгак болот.БИШКЕК, 3-мар. — Sputnik. Бейшемби күнү өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир аймактарда 14 метрге жетет. Бул тууралуу Кыргызгидромет билдирди.
Абанын температурасы Чүй, Талас жергесинде +9...+14 градус, Ош, Жалал-Абад жана Баткен облустарында +10...+15, Ысык-Көлдө +3...+8, ал эми Нарын аймагында -1...+4 градуска чейин жылуу болору айтылды.
Борбор калаада күн ачык болуп, күндүн табы +12...+14 градуска чейин көтөрүлсө, Ош шаарында мезгил-мезгили менен жаан жаап, +13...+15 градус жылуу болот.
Белгилер:
Бизнесмен Жалил Атамбаев кармалып, камакка алынды
(жаңыланган 19:15 03.03.2021)
Шектүү мамлекеттик кызматта турганда мыйзамсыз негизде байыган деп УКМКнын тергөө абагына камакка алынды.БИШКЕК, 3-мар. — Sputnik. Мыйзамсыз баюу фактысы боюнча Жалил Атамбаев кармалды. Бул тууралуу УКМКдан билдиришти.
Маалыматка караганда, ички иштер органдарынын мурунку кызматкери Атамбаевге каршы козголгон бир катар кылмыш иштери боюнча, анын ичинде мамлекеттик кызматта турганда мыйзамсыз баюу фактысы тууралуу тергөө иштери жүрүп жатат.
"Ички иштер органдарынын мурдагы кызматкери болуп саналган Жалил Атамбаев олуттуу финансылык ресурстарга ээ болуп, кымбат баалуу кыймылсыз мүлктү өзүнүн жакын туугандарынын атына каттатып алган", — деп айтылат маалыматта.
Шектүү Кылмыш-жаза кодексинин 323-беренесинин 2-бөлүмүнүн 2-пункту ("Мыйзамсыз баюу") боюнча кармалып, УКМКнын тергөө абагына киргизилди.