Ысык-Көлдө иштеген милиция кызматкери. Архивдик сүрөт

Каракол шаарында милициянын мобилдик топтору иштей баштады

81
(жаңыланган 10:11 19.02.2021)
Алар өзүнө бөлүнгөн аймактарда коомдук тартип менен биргеликте жол кыймылынын коопсуздугун дагы көзөмөлдөшөт.

БИШКЕК, 19-фев. — Sputnik. Ысык-Көл облустук милициясынын жаңы жетекчиси Канат Жумагазиевдин тапшырмасы менен Каракол шаарында милициянын мобилдик топтору түзүлдү. Бул тууралуу мекеменин маалымат кызматына шилтеме берип Sputnik агенттигинин аймактык кабарчысы билдирди.

"2020-жылды анализдөөнүн натыйжасында Каракол шаарындагы коомдук жайларда жасалган кылмыштардын жана жоруктардын саны мурдагы жылга салыштырмалуу 154 учурга көбөйгөн. Эми шаарда беш мобилдик топ иштейт. Бир топко облустук Милициянын кайгуул-посттук кызматынан эки киши, облус боюнча Жол кыймылы коопсуздугун камсыздоо башкармалыгынан бир киши жана Каракол милициясынын аймактык кызматкери кошулат", — деп айтылат билдирүүдө.

Алар өзүнө бөлүнгөн аймактарда коомдук тартип менен биргеликте жол кыймылынын коопсуздугун дагы көзөмөлдөшөт.

"Үй-бөлүлүк зомбулук жана башка кылмыштар тууралуу милицияга кабар түшөрү менен бул тууралуу мобилдик топко маалымат берилип, алар жерине 3-5 мүнөттө жетип барат. Эгер жеринде кылмыш болгону аныкталса, милициянын ыкчам-тергөө тобу келмейинче ал жерди карап турушат", — деп айтылат билдирүүдө.

Ошондой эле Караколдо 10 маршрут боюнча 32 кызматкер жөө басып, көзөмөл жүргүзүп турары белгилүү болду.

81
Белгилер:
Канат Жумагазиев, мобилдик топ, милиция, Каракол
Тема боюнча
Бишкек шаардык милициясына жаңы жетекчи дайындалды
Ош милициясынын жетекчиси Мурат Боронов иштен кетти
Окуучу. Архив

Мектептерди ачууну талкуулайт. Новиков ата-энелер менен жолугушууга ниеттенүүдө

30
(жаңыланган 22:55 02.03.2021)
Новиков борбордогу мектептер менен бала бакчалардын ишин этабы менен калыбына келтирүү боюнча кеңешме өткөрдү.

БИШКЕК, 2-мар. — Sputnik. Биринчи вице-премьер Артём Новиков борбор калаадагы мектептердеги окуучулардын ата-энелери менен жолугушуп, билим берүү мекемелеринин ишин жандандыруу маселесин талкуулоону пландап жатат.

Өкмөттүн маалымат кызматы билдиргендей, Новиков борбордогу мектептер менен бала бакчалардын ишин этап-этабы менен калыбына келтирүү боюнча кеңешме өткөргөн.

Мэриянын өкүлдөрү аткарылып жаткан иштер жана билим берүү процессин салттуу форматта жандандырууга даярдыгы жөнүндө айтып беришкен.

"Мектептердин жана бала бакчалардын ишин жандандыруу калк үчүн маанилүү. Жакынкы күндөрү окуучулардын ата-энелери менен жолугушуп, ушул темада талкуу жүргүзүүнү пландап жатам. Бул иштерди аткарууда санитардык-эпидемиологиялык эрежелердин так сакталышын камсыз кылуу маанилүү", — деген Новиков.

Ошондой эле ал Билим берүү жана илим министрлигине Саламаттык сактоо жана социалдык өнүктүрүү министрлиги менен биргеликте "Мектеп медицинасы" долбоорун ишке ашыруу үчүн финансылык эсептөө жүргүзүүнү тапшырган. Министрлик бир жуманын ичинде каржы булагын да аныкташы керек.

30
Белгилер:
жолугушуу, ата-эне, бала бакча, мектеп, Артем Новиков
Тема боюнча
Окуучулардын онлайн окууну таштайбыз деген талабы. Мэриянын жообу
Жамгыр. Архив

Шаршембиге карата аба ырайы

40
3-мартка караган түнү өлкөдө жаан-чачын күтүлбөйт. Ал эми күндүз Бишкек жана Ош шаарларында жамгыр жаашы мүмкүн.

БИШКЕК, 2-мар. — Sputnik. Шаршембиде күндүз республиканын кээ бир аймактарында кар жаайт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.

Абанын температурасы Чүй облусунда +1…+6, Таласта +2…+7, Ош, Жалал-Абад, Баткен аймактарында +6…+11, Ысык-Көл жергесинде +3…+8, Нарын өрөөнүндө -2…+3 градус болору боолголонду.

Бишкек жана Ош шаарларында жамгыр жаайт. Күндүн табы борбордо +4…+6, Ош шаарында +9…+11 градус болот.

40
Белгилер:
Кыргызстан, аба ырайы
Тема боюнча
Кайрадан суук түшөбү? Мартка карата аба ырайы
Абактын терезеси. Архив

Сокулук РИИБдин убактылуу кармоо жайында бир киши көз жумду. Ишти УКМК иликтейт

0
(жаңыланган 00:35 03.03.2021)
Ишти ар тараптуу жана объективдүү иликтөө үчүн текшерүү дайындалган. ИИМ, Чүй ОИИБи менен прокуратура жетекчилиги аны көзөмөлгө алган.

БИШКЕК, 3-мар. — Sputnik. Сокулуктагы убактылуу кармоочу жайда бир киши каза болгонун Чүй облустук ички иштер башкармалыгынын маалымат кызматы кабарлады.

2-март таң эрте Сокулук райондук милициясынын убактылуу кармоочу жайынын күзөтчүсү камактагы 51 жаштагы эркек кишини эс-учун жоготкон абалда тапкан.

"Окуя болгон жерге дароо Тез жардам кызматы чакырылып, медиктер киши көз жумганын аныкташкан. Анын өлүмүнүн себебин аныктоо үчүн экспертиза дайындалды", — деп айтылат билдирмеде.

Каза тапкан адам Кылмыш-жаза кодексинин 200-беренеси ("Уурулук") менен шектелип, эки айга камакка алынган.

Ишти ар тараптуу жана объективдүү иликтөө үчүн текшерүү дайындалган. ИИМ, Чүй ОИИБи менен прокуратура жетекчилиги ишти көзөмөлгө алган. Аталган факт каттоого алынып, чогултулган материалдар кошумча иликтөө үчүн УКМКга өткөрүлүп берилген.

0
Белгилер:
шектүү, өлүм, милиция, Сокулук району, Чүй облусу
Тема боюнча
Бүгүн таңда Кара-Сууда үй ээсин өлтүрүп, сейфин алып кетишти. Эки шектүүнүн сүрөтү