Ош шаары. Архив

Мончо, спорт залдарды жылытып... УКМК Ош ТЭЦинен коррупциялык схема аныктады

278
(жаңыланган 12:38 19.02.2021)
Ош шаардык жылуулук борборунун жетекчилери коммерциялык объектилердин башчылары менен сүйлөшүп алып, жеке менчик мекемелерди жылуулук менен камсыздап турган.

БИШКЕК, 19-фев. — Sputnik. Улуттук коопсуздук мамлекеттик комитети Ош шаардык жылуулук электр борборунда коррупциялык схема аныкталганын маалымдады. Бул тууралуу атайын кызматтан кабарлашты.

Билдирүүгө ылайык, жылуулук борборунун жетекчилери коммерциялык объектилердин башчылары менен сүйлөшүп алып, жеке менчик мекемелерди жылуулук менен камсыздап турган.

Тактап айтканда, мончолор, спорт залдар, медициналык клиникалар жана көп кабаттуу турак үйлөр шаардын жылуулук борборуна атайын эрежелер сакталбай туруп мыйзамсыз кошулган. Ал эми аталган объектилерден түшкөн каражатты ЖЭБдин жетекчилиги жана айрым кызматкерлери өздөрү алып турушкан. Мындай коррупциялык схеманын кесепетинен мамлекет ири суммада зыян тарткан.

Учурда келтирилген зыяндын көлөмүн аныктоо жана ушул сыяктуу аракеттерди тактоо иштери улантылып жатканы айтылды.

278
Белгилер:
жемкорлук, УКМК, ЖЭБ, Ош, коррупция
Тема боюнча
УКМК: Абылгазиев Кумтөр боюнча эл кызыкчылыгына каршы келген токтомго кол койгон
10 млн. сомдук зыян. УКМК "Кыргыз жылуулук энергодогу" коррупцияны аныктады
Муфтийдин милдетин аткаруучу, белгилүү дин аалымы Кадыр Маликов. Архив

Кадыр Маликовдун атасы дүйнө салды

8
(жаңыланган 10:04 05.03.2021)
Дин аалымы Кадыр Маликов Кыргызстан мусулмандарынын муфтийинин орун басары болуп былтыр августта дайындалган. Муфтийдин милдетин аткаруучу ага көңүл айтты.

БИШКЕК, 5-мар. — Sputnik. Муфтийдин милдетин аткаруучу Жоробай ажы Шергазыев орун басары, белгилүү дин аалымы Кадыр Маликовдун атасы Курманбек Бийгелдиевдин дүйнөдөн өткөндүгүнө байланыштуу көңүл айтты. Бул тууралуу муфтият кабарлады.

"Урматтуу Кадыр ажы! Атаңыздын дүйнө салышына байланыштуу чын көңүлүмдөн көңүл айтам. Кабарды терең кайгыруу менен кабыл алдым. Сабыр кылыңыз. Жараткан маркум атаңызды өз ырайымына алып, бейиштин төрүнөн орун насип кылсын. Кыргызстан мусулмандарынын дин башкармалыгынын атынан сизге, үй-бүлөңүзгө жана тууган-уруктарыңызга терең кайгыруу менен көңүл айтабыз жана кайгыңарды тең бөлүшөбүз", — деп айтылат маалыматта.

Кадыр Маликов Кыргызстан мусулмандарынын муфтийинин орун басары болуп былтыр августта дайындалган.

Курманбек Байгелдиев — Кыргыз эл акыны, жазуучу жана драматург Кубанычбек Маликовдун уулу.

8
Белгилер:
өлүм, ата, муфтият, Кадыр Маликов
Тема боюнча
Кадыр Маликов муфтияттагы кырдаал боюнча үн катты
Кыргызстандын президенти Садыр Жапаров. Архив

Улуулуктун символу. Жапаров кыргызстандыктарды Ак калпак күнү менен куттуктады

18
(жаңыланган 09:48 05.03.2021)
Улуттук кийимдин маанилүүлүгүн сактоо максатында 2016-жылдын 29-июнунда Жогорку Кеңештин "Ак калпак жана улуттук кийимдер күнү жөнүндө" расмий токтому чыккан.

БИШКЕК, 5-мар. — Sputnik. Өлкө башчысы Садыр Жапаров бүгүн, 5-мартта, кыргызстандыктарды Ак калпак күнү менен куттуктаганын өлкө башчынын маалымат кызматы билдирди.

Өлкө башчысы калпак кыргыз элинин улуттук баалуулуктарынын бири болгонун белгилеп, абалтадан элибиз улуттук кийимдерин аздектеп, өзгөчө баш кийимге аяр мамиле кылып келгенин белгилеген.

"Ата-бабабыз кастарлаган ак калпак  кыргыздын улуттук көркөм дөөлөттөрүнүн көрөңгөсү экендиги талашсыз. Кыргыз эли эл болуп түзүлгөндөн бери жашоонун, улуулуктун, тазалыктын символу, ыйык белгиси катары акылман, уз-чебер энелерибиз ак мөңгүлүү Ала-Тообузду көзгө тартып, шөкөттөп, ак калпагыбызды урпактарга таберик мурас калтырган. Анын ар бир кыюусу, сайылган саймасына чейин терең философиялык маани берип, эр-азаматтардын жаш курагына ылайыктап кийгизген", — деп айтылат куттуктоодо.

Улуттук кийимдин маанилүүлүгүн сактоо максатында 2016-жылдын 29-июнунда Жогорку Кеңештин "Ак калпак жана улуттук кийимдер күнү жөнүндө" расмий токтому чыккан.

2019-жылы ЮНЕСКОнун адамзаттын материалдык эмес маданий мурастарынын тизмесине "Кыргыз элинин эркектеринин баш кийими ак калпакты жасоодогу салттуу ыкмалары жана кийүү маданияты" деген аталышта катталып, мекендештерибизди сыймыкка бөлөгөн.

"Кыргыздын улуттук кийимдери элдин этностук тарыхынын ажырагыс бир бөлүгү катары тарыхый узак мезгилде көчмөн маданиятыбыздын үлгүсү болуп, муундан-муунга таберик болуп сакталып калды", — деди президент.

Сөзүнүн соңунда кыргыздын байыркы нарк-насили, улуттук көркөм дөөлөттөрү сакталып, кыраакы кыргыз дүйнөсүн ааламга тааныта берерине тилектештигин билдирген.

18
Белгилер:
куттуктоо, калпак, Садыр Жапаров
Тема боюнча
Жапаров элди Туу күнү менен куттуктап, чакырык таштады
Дүйнө кыдырган ак калпак. Чет элдик атактуулар, кыйындар кийип түшкөн сүрөттөр