Эт сатуучу базар. Архив

Кара-Сууда 500 адамга жумуш берген этти кайра иштетүүчү завод ачылат. Сүрөт

196
(жаңыланган 13:31 19.02.2021)
Облус башчысынын айтымында, учурда райондун аймагында мал союучу үч ишкана курулуп жатат. Алардын сырьесу бул заводго түшүп, даяр продукция катары экспортко чыгарылат.

БИШКЕК, 19-фев. — Sputnik. Ош облусунун Кара-Суу районунда этти кайра иштетүүчү ири завод ачылат. Бул туурасында өкмөттүн облустагы өкүлчүлүгүнүн маалымат кызматы билдирди.

  • Здание в городе Ош, где планируется открыть мясной завод
    Ош облусунун Кара-Суу районунда этти кайра иштетүүчү ири завод ачылат
    © Фото / пресс-служба полпредства правительства в Ошской области
  • Здание в городе Ош, где планируется открыть мясной завод
    Аталган заводду ишке киргизүү долбоорунда консерванттар үчүн айнек банка, бөтөлкө, капкак жасоочу бөлүмдөр да каралганы айтылат
    © Фото / пресс-служба полпредства правительства в Ошской области
  • Полномочный представитель Правительства КР в Ошской области Жарасул Абдураимов на месте, где планируется открыть мясной завод
    Облус башчы завод курулчу жерге барып 1970-жылдардагы "Кыргызстандын эти" деген брендди кайра кайтаруу ниетин билдирген.
    © Фото / пресс-служба полпредства правительства в Ошской области
1 / 3
© Фото / пресс-служба полпредства правительства в Ошской области
Ош облусунун Кара-Суу районунда этти кайра иштетүүчү ири завод ачылат

Аталган заводду ишке киргизүү долбоорунда консерванттар үчүн айнек банка, бөтөлкө, капкак жасоочу бөлүмдөр да каралганы айтылат.

"Долбоорду Ош облусунун башчысы Жарасул Абдураимов иштеп чыккан. Бул ишкана айыл өкмөттүн балансында болуп, салыкты жергиликтүү бюджетке төлөйт. 500дөй адамга жумуш ордун түзүү болжолдонгон. Заводду ишке киргизүүгө салым кошкон ишкерлер акционер боло алышат", — деп айтылат маалыматта.

Облус башчы завод курулчу жерге барып 1970-жылдардагы "Кыргызстандын эти" деген брендди кайра кайтаруу ниетин билдирген. Анын айтымында, учурда Кара-Суунун аймагында үч заманбап мал союучу ишкана курулуп жатат. Алардын сырьесу бул заводго түшүп, даяр продукция катары жасалып экспортко чыгарылат.

Азыркы тапта имараттын экологиялык талаптары боюнча корутунду даярдалууда.

196
Белгилер:
кайра иштетүү, Кара-Суу району, эт, завод, Ош облусу
Тема боюнча
Министрлик: Баткен шаарында 28 ишкана менен өнөр жай зонасы курулат
Балыкчыда этти кайра иштетүүчү завод курулуп, продукциясы экспорттолот
Ош шаарынын борбордук аянтында Бажы кызматынын жетекчисинин мурдагы орун басары Райымбек Матраимовдун тарапташтары митинг уюштурушту

Ошто миңдей адам Матраимовду колдоп митингге чыкты. Сүрөт, видео

157
(жаңыланган 14:44 28.02.2021)
Мурдагы аткаминерди колдоп митингге чыккандардын арасында Жогорку Кеңештин депутаттары Таабалды Тиллаев, Мирлан Бакировдор бар экени маалым болду.

БИШКЕК, 28-фев. — Sputnik. Ош шаарынын борбордук аянтында Бажы кызматынын жетекчисинин мурдагы орун басары Райымбек Матраимовдун тарапташтары митинг уюштурушту.

  • Митинг в поддержку экс-заместителя ГТС Райыма Матраимова в Оше
    Ош шаарынын борбордук аянтында Бажы кызматынын жетекчисинин мурдагы орун басары Райымбек Матраимовдун тарапташтары митинг уюштурушту
    © Sputnik / Зульфия Тургунова
  • Митинг в поддержку экс-заместителя ГТС Райыма Матраимова в Оше
    Sputnik Кыргызстан агенттигинин кабарчысы билдиргендей, аянтка 1000дей киши чогулган
    © Sputnik / Зульфия Тургунова
  • Митинг в поддержку экс-заместителя ГТС Райыма Матраимова в Оше
    Алар колдоруна мурдагы аткаминерди колдогон ар кандай жазуулары бар плакаттарды көтөрүп алышкан
    © Sputnik / Зульфия Тургунова
  • Митинг в поддержку экс-заместителя ГТС Райыма Матраимова в Оше
    Митингге чыккандардын арасында Жогорку Кеңештин депутаттары Таабалды Тиллаев, Мирлан Бакировдор бар экени маалым болду.
    © Sputnik / Зульфия Тургунова
1 / 4
© Sputnik / Зульфия Тургунова
Ош шаарынын борбордук аянтында Бажы кызматынын жетекчисинин мурдагы орун басары Райымбек Матраимовдун тарапташтары митинг уюштурушту

Sputnik Кыргызстан агенттигинин кабарчысы билдиргендей, аянтка 1000дей киши чогулган. Алар колдоруна мурдагы аткаминерди колдогон ар кандай жазуулары бар плакаттарды көтөрүп алышкан.

Митингге чыккандардын арасында Жогорку Кеңештин депутаттары Таабалды Тиллаев, Мирлан Бакировдордун бар экени маалым болду.

Эске салсак, Бажы кызматынын жетекчисинин мурдагы орун басары Райымбек Матраимов кайра кармалган. Биринчи май райондук соту тарабынан анын баш коргоо чарасы каралып, эки айга чейин абакта кармоо чечими чыккан. Андан кийин абакта анын кан басымы көтөрүлүп жатканы айтылган.

Буга чейин Бишкекте дагы мурдагы аткаминерди колдогон митинг өткөн.

Матраимов өткөн жылдын 20-октябрында бажы тармагындагы коррупция боюнча айыпталып, УКМК тарабынан колго түшкөн. Биринчи май райондук соту баш коргоо чарасын тандап, сыртка чыкпоо тууралуу тил кат алган болчу.

Кийинчерээк ал мамлекетке келтирилген эки миллиард сомдук зыянды толтурууга макул болгону айтылган. Анын 1,4 миллиардын акчалай, калган 600 миллион сомуна бир соода борборун, тогуз батирин өткөрүп берген.

11-февралда Биринчи май райондук сотунун судьясы Гүлзат Дыйканбаева Матраимовду коррупцияга күнөөлүү деп таап, 260 миң сом айып салган. Анын жана жакын туугандарынын камакка алынган мал-мүлкүн ээлерине кайтарып берген. Бул окуядан кийин коомчулук арасында нааразычылык жаралып, митингге чыгышкан. Кийин президент Садыр Жапаров сот Матраимовго бир эпизод боюнча гана чечим чыгарганын жана иш уланарын айткан. УКМК дагы Райым Матраимов кытай жараны Айеркен Саймаитинин банктар аркылуу өлкөдөн 700 миллион доллар чыгарып кетишине тиешеси бар-жогун аныктоо үчүн тергөө иштери улантылып жатканы боюнча маалымат тараткан.

157
Белгилер:
аткаминер, колдоо, митинг, Ош, Райымбек Матраимов
Тема:
Райым Матраимовдун кармалышы
Тема боюнча
Райым Матраимов эки айга камакка алынды
Абактагы Райым Матраимов кан басымы көтөрүлүп жатканын айтты
Өпкөнүн рентген сүрөтү. Архив

Штаб: өлкөдө коронавируска караганда пневмониядан көп адам көз жумган

33
(жаңыланган 13:49 28.02.2021)
Коронавирус жуктургандардын санын аймактар боюнча алганда Бишкек шаары биринчи орунда турат. Чүй менен Жалал-Абад облусунда да бир топ адамдан оору аныкталган.

БИШКЕК, 28-фев. — Sputnik. Кыргызстанда коронавирустан жалпы 1 464 бейтап көз жумса, анын 1 004ү коронавирус чакырган пневмониядан (U07.2) каза тапкан. Бул тууралуу Республикалык штаб маалымдады.

Эске салсак, Дүйнөлүк саламаттык сактоо уюму ооруларды классификациялоодо эки кодду киргизген. Тагыраагы, U07.1 коду — лаборатория тарабынан тастыкталган оору, башкача айтканда, коронавирус. Ал эми U07.2 клиникалык жана эпидемиологиялык жактан аныкталган пневмония деп эсептелет.

Ошондо Кыргызстанда көз жумган жалпы 1 464 бейтаптын ичинен 460ы коронавирустан (U07.1), ал эми 1 004ү пневмониядан ажал тапкан.

Өлкөдө коронавирус жуктургандардын саны 86 229га жетти. Республикалык штаб оору аныкталгандардын көбү кайсы аймактан экенин да көрсөткөн.

  • Бишкек шаары — 28 939;
  • Чүй облусу — 13 079;
  • Жалал-Абад облусу — 9 987;
  • Ош облусу — 8 507;
  • Ысык-Көл облусу — 7 824;
  • Баткен облусу — 7 211;
  • Ош шаары — 5 628;
  • Талас облусу — 2 616;
  • Нарын облусу — 2 444.

Кыргызстанда коронавирус жуктургандардын ичинен 83 179у ооруну жеңгени айтылды.

33
Белгилер:
өлүм, оору, пневмония, коронавирус, аймак, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Бишкекте бир суткада пневмонияга кабылган 32 бала ооруканага түштү
Ош мэриясы "шаарда балдар өлүмү көп катталууда" деген билдирүүгө үн катты
Спорт аренасы. Архив

"Ура!" дейсиң деп... Дагестандагы мелдеште массалык мушташ чыкты. Видео

0
Эгер чатакташкандардын арасында спортчулар менен машыктыруучулар бар экени далилденип калса, катуу чара көрүлөрү айтылды.

БИШКЕК, 28-фев. — Sputnik. Дагестандын Каспийск шаарында дзюдо боюнча уландар арасындагы Түндүк-Кавказ федералдык округунун чемпионатында массалык мушташ чыгып кетти. Бул тууралуу РЕН ТВ билдирди.

Окуянын видеосу "Пул №3" Telegram каналына жарыяланды.

"Мушташ спортчулар 10 мүнөттөн ашык кармашкандан кийин башталды. Дагенстандык күйөрмандардын бири колун булгалап, "Ура!" деп кыйкырып жибергени осетиялык көрүүчүлөргө жакпай калганын айтышты. Мушташкандардын арасында спортчулар да бар экенин угуп жатам", — деди РФтин эмгек сиңирген машыктыруучусу Хабиб Магомедов.

Анын айтымында, эгер чатакташкандардын арасында спортчулар менен машыктыруучулар бар экени далилденип калса, катуу чаралар көрүлөт. Магомедов деги эле мындай окуянын болушун сынга алган.

"Минтип отурсак эч ким медаль албайт. Ушундай көрүнүштөрдүн айынан атлеттер менен машыктыруучулар убактылуу спорттон четтетилиши ыктымал", — деген ал.

Массалык мушташтан жабыркагандар катталган эмес.

0
Белгилер:
дзюдо, видео, мушташ, Дагестан, Россия
Тема боюнча
Мушкер атаандашына кол салып, мушташ чыгарып жиберди. Видео