Вьетнам согушуна катышкан Курсан Мадинов

Вьетнам согушуна катышкан Курсан Мадинов: полктошумду 50 жылдан кийин көрдүм

1219
(жаңыланган 17:09 22.02.2021)
Вьетнамдагы 30 жылга созулган согушта вьетнамдык комунисттер АКШнын өнөктөштөрүн жеңип, Сайгон шаарына (азыркы Хошимин) туусун орнотушкан. Ошондон кийин гана Түндүк жана Түштүк деп экиге бөлүнгөн Вьетнам биригип, 1975-жылы 30-апрелде согушка чекит коюлган.

1945-жылдан баштап өзүнүн эркиндиги үчүн Франция жана Вашингтон менен тынбай каршы күрөшкөн вьетнам элине СССР, Кытай, Түндүк Корея жана Монголия жардам берген. Ал согушка кыргызстандык жоокерлер жана бир дипломат катышкан.

КРдин Коргоо министирлигинен Вьетнам согушуна Кыргызстандан жалпы канча жоокер катышкандыгы жана алардын канчасы аман-эсен кайтып келгендиги боюнча катка жооп келди:

"Вьетнам согушуна Кыргызстандан канча жоокер катышкандыгы жана алардын канчасы мекенине кайтып келгендиги боюнча райондук (шаардык) аскер комиссариаттарында так маалымат жок. Ошону менен бирге республика боюнча аскер комиссариаттарында Вьетнам согушунун катышуучулары катары төрт адам (бирөө каза болгон) каттоодо турат. Вьетнамга барган кыргызстандыктар: катардагы жоокерлер Мыктыбек Шарипов, Борис Сорокин, Курсан Мадинов жана ефрейтор Толубай Мадымаев. Азыр Борис Сорокиндин гана көзү жок", — дешти министрликтен.

Sputnik Кыргызстан агенттиги 1966 -жылдагы Вьетнам согушуна катышкан 77 жаштагы Курсан Мадинов менен маек даярдаган. Сегиз баланын атасы 1989-жылы СССРдин "Согушта көрсөткөн эрдиги үчүн" медалы менен сыйланган экен.

Катардагы жоокер Вьетнамга кандайча барганын жана согуштагы күндөрүн эскерип берди.

Толубай Мадымаев во время службы во Вьетнаме. Архивное фото
© Фото / из личного архива Толубая Мадымаева
Вьетнам согушуна катышкан Толубай Мадымаев

— Аскерге орто мектепти бүтөрүңүз менен эле чакырылдыңызбы?

— Ооба, 1963-жылы 10-ноябрда Сүлүктү шаарынан чакырылып аскерге кеткем. Алгач Брянск облусуна барып, карантинден өткөндөн кийин ошол жердеги Фокино шаарына биринчи дивизионго кызмат өтөөгө калдым. Анда эки жыл кызмат өтөгөндөн кийин Коргоо министрлигинин Генштабынын атайын тапшырмасы менен бизди "мамлекеттик командировкага даярдагыла" деген буйрук келди. Ошол полктун "Белые берега" деген аталыштагы дивизионунда алты ай атайын даярдыктан өттүк. Ошентип 1966-жылы апрелде Вьетнамдагы кан майданга жөнөдүк.

— Кайсы адистик боюнча даярдыктан өттүңүз эле?

— Негизинен ракета атууга даярдашты. Эгер тарыхка кайрыла турган болсок, билишимче, 1960-жылы АКШнын тыңчысы Фрэнсис Пауэрстин учагы К-13 ракетасы менен атып түшүрүлгөн. Бул ракетанын салмагы 2790 килограмм болчу.

Прибытие президента Демократической Республики Вьетнам Хо Ши Мина в Кыргызстан. Аэропорт Фрунзе. 1959 г.
© Фото / Центральный Государственный архив кинофотодокументов КР / Б. Борисов
Вьетнам Демократиялык Республикасынын президенти Хо Ши Миндин Кыргызстанга келиши. Фрунзе шаарынын аэропорту. 1959-жыл

— Канча кыргызстандык жоокер кеттиңер?

— Ил-18 учагы менен учканбыз. Баш-аягы 300гө жакын аскер кеткенбиз. Вьетнамга кандашым кара-кулжалык Толубай Мадымаев экөөбүз чогуу бардык. Андан кийин полигондо бир жума теориялык даярдыктан өтүп жүргөндө кокусунан көк-жаңгактык жоокер менен тааныштым. Ал Ленинград полкунан келиптир. Тилекке каршы, анын аты менен фамилиясы эсимде жок. Ошону менен Вьетнам согушуна барган үч кыргызстандыкты так билем.

— Вьетнамга барганда кандай сезимде болдуңуз?

— Учактан түшкөндө эле аябай жакырчылыкты көрдүк. Аэропортто баарыбызды тизип атайын митинг болду. Андан соң полк беш дивизионго бөлүнүп, чөлкөмдөргө тарап кеттик. Мадымаев башка дивизионго кетти. Жунглинин ичине автобус менен алып барды. Ошондо биринчи жолу кыргыз катары жалгыздыкты сездим, Ата Мекенден алыс кеткениме көзүмөн жаш да агып кетти. Болжонгон жерге барсак, атайын окопторду даярдашыптыр, ар кай жердеги камыштан жасалган үйлөрүнүн ичи москит чиркейлеринен коргоочу торчо менен жабылган. Адам чыдай алгыс ысык.

Курсан Мадинов во время службы во Вьетнаме. Архивное фото
© Фото / предоставлено Курсаном Мадиновым
Полктоштордун арасында эстон, украин, молдован өңдүү бардык улуттан бар. Казакстандын Кызыл-Ордо аймагынан теги казак жоокер бар болчу

— Алгач Вьетнамдын кайсы жерине түштүңүз?

— Биз барганда Ханойго түшкөнбүз. Андан кийин башка аймагына алып кетти. Тил келбегенден кийин аталыштарын да билбей калдым. Ошол жерде машина боюнча теориялык практика өтүп, вьетнамдык аскерлерге техникалык жактан зениттик-ракета комплексинин теориясын үйрөтүп, анан тапшырмаларды аткарууга чыгып кеттик. Вьетнамдар өтө тартиптүү калк экен. Командири буйрук берсе аны так аткарат. Башчысына каяша айтпаган калк. Аба менен жердин ортосундагы согуш болду. Сайгондо АКШнын 7-флотунун бардык истребителдери кеменин үстүнөн учуп чыкчу. Биз АКШнын учактарына каршы ракета менен согуштук. Мен атайын автоунаа менен ракета ташып берчүмүн. Бир күнү бул аймакта болсок, кийин башка жакка көчүп жүрчүбүз. 2792 килограмм салмактагы ракетаны учурар менен улам жер которуп жаттык.

— Полктошторуңуз кайсы улуттан эле?

— Арасында эстон, украин, молдован өңдүү бардык улуттан бар. Казакстандын Кызыл-Ордо аймагынан теги казак жоокер бар болчу. Офицерлердин көбүнүн улуту орус эле. Бир дивизиондо офицерлер менен бирге 70 аскер болду.

Вьетнамка-зенитчик во время встречи с советскими дипломатами и официальными лицами. Ханой, 1971 год
© Фото / из личного архива Касымбая Намазбекова
Вьетнам армиясынын аскери-зенитка аткыч аял советтик дипломаттар жана кызматкерлер менен жолугушуу учурунда, Ханой, 1971-жыл

— Тамак-аш жагычы?

— Тамак-аш жокко эсе эле. Күрүчтөн нан жасап берчү. Күрүч нандын өңү аппак болгону менен жесең резинкадай кыйчылдаган үн чыгат экен, катуусун айтпа. Анан барган жердеги айылдардагы тооктордон алып келип союп берчү, кээде анча-мынча буйволдун этин көрүп калабыз. Майрам күндөрү СССРден бизге атайын "посылка" келчү. Анын ичинде кара нан, туздалган балык, бир бөтөлкө арак, шампан, кызыл жана кара икра болор эле. Аны алганда жыргап калчубуз.

— Ооруган жоксузбу?

— Жок. Ал жактын аба ырайы өтө нымдуу келет. Анан башыбызга каска, өзүбүз кыска шымчан эле жүрдүк. Себеби өтө ысык болгондуктан адамдын териси былжырап, жооруп кеткендей кийимге жабышып калат. Күн ушунчалык ысык, чыдабай кетесиң. АКШнын авиациясы такай химиялык заттарды чачкандыктан анын терс таасири тийчү. Ошон үчүн арыктагы же талаадагы сууну ичүүгө же жуунууга мүмкүн эмес эле. Сууну сөзсүз атайын кудуктан алчубуз.

Письмо Курсану Мадинову с фронта вьетнамской войны. Архивное фото
© Фото / предоставлено Курсаном Мадиновым
Курсан Мадиновдун Вьетнам досу Хуан Лангдын каты

— Жергиликтүү калк менен мамиле кандай болду?

— Алар менен аралашып эле жүрдүк. Булар негизинен күрүч эгишет. 14 жаштан 60 жашка чейинкилер дайым талаада. Ийиндеринде автомат. Аларга жардамга барганыбызды билишкендиктен бизге чын ыкласы менен мамиле жасашчу. Майрамдарда булар менен ар түрдүү спорттук мелдештер уюштурулчу. Андан соң вьетнамдыктар менен чогуу аралашып ырдачубуз. "Подмосковные вечера" ырын жакшы көрүп ырдачу элек.

— Араңарда вьетнам жоокерлер да болгон экен. Алар менен кантип сүйлөшчү элеңер?

— Вьетнам аскерлерге автоунаанын түзүлүшү боюнча теориялык, практикалык инструктаж өткөндүктөн жанымда дайыма котормочу болор эле. Тилмечтер Союздан орус тили менен адабияты адистигин бүтүргөн вьетнамдар. Алардын бири Хуан Ланг экөөбүз дос болдук. Мен Кыргызстанга келгенден кийин ал төрт ирет кат жазды. Тилекке каршы, үч катын жоготуп жибердим. Бир катын сары майдай сактап жүрөм. Ал досум бир вьетнам кыздын сүрөтүн эстеликке берди эле. Андан бери 56 жыл өттү. Ошол жети ай убакытта бир аз тил үйрөнүп калгам, бирок азыр унуттум.

Грамота полученная Курсаном Мадиновым от правительства Вьетнама. Архивное фото
© Фото / предоставлено Курсаном Мадиновым
Вьетнам согушуна катышкан Курсан Мадиновго берилген сыйлоо барагы

— Американын учактарын аткан соң жер которчу экенсиздер да, ээ?

— Ракетаны отургузуп туруп учура турган куралынын салмагы 16 тонна. Аны менен ракетаны тез эле учуруп, качып кетүү мүмкүн эмес. Мээлеген жерге учуруп, максат аяктагандан кийин "бурулдук" деген команда болот. Пушкаларды танкаларга улап, машиналардын ТЗМ (Транспортировка зенитных машин) деген чиркегичи бар, аны машинага бекитип, анан алдыбызга офицерлер баштап колонна болуп качабыз. Түн ичи барып башка жерге жайгашып, күндүз ракетаны мээлеп көздөгөн максатты карай учурабыз. Бул согушта эки полктошум курман болду. АКШнын авиациясы бомбалаганда талаадагы жер төлөгө жашынчубуз. Ал жыгач капкак менен жабылчу. Бир адамга ыңгайлаштырган. Аны "стаканчик" деп коюшчу.

— Кайсы жылы Советтер Союзуна кайттыңыз?

— Жети айдын ичинде берилген милдетти так аткардык. Жергиликтүү аскерлерге техникалык жактан баарын үйрөтүп, алар жөндөп кете ала турган болгондо гана кайттык. Ханойдун аэропортунан Союзга жөнөп жаткан маалда аябай сүйүндүк. Эми кебетелерибизди көрсөң, денебиз жоор, айрыкча терибиздин жука жерлери, колтуктарыбыз котур болуп кеткен. Ошентип дароо эле Омскиге конуп, андан Москвага, кийин Брянскиге алып барды. 1966-жылы ноябрда Москвадан үйгө кетип жаткан учурда капысынан жогоруда айтылган көк-жаңгактык жоокерге жолуктум. Ошол маалда ал да Вьетнамдан келген экен. Андан кийин көргөн жокмун. Баш-аягы үч жыл аскердик кызматымды өтөдүм.

Грамота полученная Курсаном Мадиновым от Верховного Совета СССР. Архивное фото
© Фото / предоставлено Курсаном Мадиновым
1989-жылы Лейлектин аскердик комиссариаты Кулунду айыл өкмөтүнүн элин чогултуп, мени СССРдин "Согушта көрсөткөн эрдиги үчүн" медалы менен сыйлады

— Армиядан келгенден кийин мамлекеттик сырды айтпоо тууралуу тил катка кол койдуңузбу?

— Ооба. Беш жыл ичинде чет мамлекетке чыгууга тыюу салынган. Мындан сырткары, Вьетнам согушуна катышканыбыз тууралуу аскердик билетибизге жазылган эмес эле. Афган согушуна катышкандар катары социалдык жеңилдиктерди алуу үчүн "Красная Звезда" гезитине Вьетнам согушуна катышканым жөнүндө кат жазып, документтерди архивден таап берүүгө жардам берүүнү сурансам, алар документтеримди топтогонго көмөк көрсөттү. Көп жылдан кийин бул түштүк азиялык өлкөнүн эгемендүүлүгү үчүн АКШга каршы согушка катышканымды далилдедим. Ошондон бери СССРдин интернационалист жоокери катары пенсия алып жүрөм. 1989-жылы Лейлектин аскердик комиссариаты Кулунду айыл өкмөтүнүн элин чогултуп, мени СССРдин "Согушта көрсөткөн эрдиги үчүн" медалы менен сыйлады. Сыйлоо тууралуу чечимге Советтер Союзунун Жогорку Кеңешинин президиумунун төрагасы Николай Подгорный 1966-жылы эле кол койгон экен. Ошентип 23 жылдан кийин ушул сыйлыкты алдым. Баамымда мени медаль менен сыйлоо жөнүндө сунушту дивизион командиринин саясий иштер боюнча орун басары Ливанов жазган болуш керек. 2010-жылы Вьетнамдын мамлекеттик майрамына катышууга чакыруу келген. Бирок ошол жылы Апрель революциясы болуп барбай калдым. 2016-жылы капысынан полктошум Толубай Мадымаевди таап алдым. Ошондон бери катташып турабыз.

Вырезка из газеты предоставленная Курсаном Мадиновым. Архивное фото
© Фото / предоставлено Курсаном Мадиновым
Красная звезда гезитине: Интернационалист жоокерлерге берилчү социалдык жеңилдиктер боюнча СССРдин Коргоо министирлигинин түшүндүрмөсү. 1989-жыл, 12-декабрь

— Үй-бүлөңүз тууралуу эки ооз кеп...

— Байбичем Малика Мадинова экөөбүз 1969-жылы баш кошконбуз. Төрт уул, төрт кызды чоңойттук. 33 небере, жети чөбөрөбүз бар. Ушу тапта Беловодское айылында турабыз.

1219
Белгилер:
Курсан Мадинов, Хошимин, Ханой, СССР, АКШ, согуш, Вьетнам
Тема боюнча
Абадан ташталган 7 млн тонна бомба. Вьетнам согушуна катышкан кыргызстандыктар
Афган трагедиясы: согуштун келип чыгуу себептери жана кесепети
Участники селекторного совещания Республиканского штаба по подготовке к осенне-зимнему периоду в республике

Финполду жоюу боюнча комиссиянын курамына киргендер. Тизме

2
(жаңыланган 15:43 09.03.2021)
Өкмөттүн алдындагы Экономикалык кылмыштарга каршы күрөшүү кызматын жоюу боюнча токтомго премьер-министр Улукбек Марипов кол койгон. Эми атайын комиссия түзүлдү.

БИШКЕК, 9-мар. — Sputnik. Экономикалык кылмыштарга каршы күрөшүү боюнча мамлекеттик кызматын (Финансы полициясы) жоюу боюнча атайын комиссия түзүлгөнүн өкмөттөн билдиришти.

Комиссияны жетектей турчулар:

  • Кылычбек Абышев — Коопсуздук кеңешинин катчысынын орун басары, комиссиянын төрагасы;
  • Жоомартбек Султанов — Экономикалык кылмыштарга каршы күрөшүү боюнча мамлекеттик кызматтын (финансы полициясынын) төрагасынын орун басары, комиссиянын төрагасынын орун басары;

Комиссиянын мүчөлөрү:

  • Сэйитбек Эрматов — Коопсуздук кеңешинин коррупцияга каршы аракеттенүү боюнча секторунун инспектору;
  • Бексултан Мамытов — өкмөттүн аппаратынын коргоо, укуктук тартип жана өзгөчө кырдаалдар бөлүмүнүн эксперти;
  • Кумарбек Байдылдаев — Башкы прокуратуранын экономикалык калмыштарга каршы күрөшүү жана бажы органдарында ыкчам, издөө жана тергөө ишмердигин көзөмөлдөө бөлүмүнүн жетекчиси;
  • Садыгүл Алымкулова — Кадр кызматынын мыйзамдуулукту маниторингдөө жана контролдоо бөлүмүнүн башчысы;
  • Садыгүл Мамбетов — өкмөткө караштуу Экономикалык кылмыштарга каршы күрөшүү боюнча мамлекеттик кызматтын (финансы полициясынын) штабынын жетекчиси;
  • Жибек Дуйшеева — Экономика жана финансы министрлигинин мамлекеттик сектордун чыгымдарын пландоо башкармалыгынын жетекчиси;
  • Камил Чоткараев — Экономика жана финансы министрлигинин укуктук колдоо башкармалыгынын жетекчиси;
  • Мелис Акжигит уулу — Юстиция министрлигинин финансылык жана уюштуруу-техникалык камсыздоо башкармалыгынын жетекчиси;
  • Максат Эсенбаев — Улуттук коопсуздук мамлекеттик комитетинин башкы тергөө башкармалыгынын жетекчисинин орун басары;
  • Руслан Иманбеков — Экономика жана финансы министрлигине караштуу Финансылык чалгындоо мамлекеттик кызматынын стратегиялык талдоо жана тобокелдиктерди баалоо бөлүмүнүн башчысы;
  • Чолпонкул Мадьяров — Саламаттык сактоо жана социалдык өнүктүрүү министрлигинин башкы мамлекеттик эмгек инспектору;
  • Канат Рыскулов — Экономика жана финансы министрлигине караштуу Мамлекеттик мүлктү башкаруу боюнча фонддун мүлктүк мамилелер башкармалыгынын жетекчиси;
  • Канат Тыналиев — Экономика жана финансы министрлигине караштуу Мамлекеттик салык кызматынын текшерүүлөр башкармалыгынын жетекчиси;
  • Анастасия Кокина — Экономикалык кылмыштарга каршы күрөшүү боюнча мамлекеттик кызматтын (Финансы полициясынын) штабынын уюштуруу-инспектордук бөлүмүнүн жетекчиси;
  • Жазина Рыспекова — Экономикалык кылмыштарга каршы күрөшүү боюнча мамлекеттик кызматтын (Финансы полициясынын) штабынын уюштуруу-инспектордук бөлүмүнүн башкы инспектору;
  • Кубанычбек Масаитов — Экономикалык кылмыштарга каршы күрөшүү боюнча мамлекеттик кызматтын (Финансы полициясынын) штабынын укуктук камсыздоо бөлүмүнүн жетекчиси;
  • Эльдар Фархадов — Экономикалык кылмыштарга каршы күрөшүү боюнча мамлекеттик кызматтын (Финансы полициясынын) штабынын укуктук камсыздоо бөлүмүнүн башкы инспектору;
  • Индира Өмүрбекова — Экономикалык кылмыштарга каршы күрөшүү боюнча мамлекеттик кызматтын (Финансы полициясынын) штабынын укуктук камсыздоо бөлүмүнүн улук инспектору;
  • Венера Сейдахматова — Экономикалык кылмыштарга каршы күрөшүү боюнча мамлекеттик кызматтын (Финансы полициясынын) штабынын укуктук камсыздоо бөлүмүнүн инспектору;
  • Сооронбай Идрисов — Экономикалык кылмыштарга каршы күрөшүү боюнча мамлекеттик кызматтын (Финансы полициясынын) кадрлар бөлүмүнүн жетекчиси;
  • Жибек Төрөбаева — Экономикалык кылмыштарга каршы күрөшүү боюнча мамлекеттик кызматтын (Финансы полициясынын) кадрлар бөлүмүнүн башкы инспектору;
  • Зухра Абдырахманова — Экономикалык кылмыштарга каршы күрөшүү боюнча мамлекеттик кызматтын (Финансы полициясынын) кадрлар бөлүмүнүн башкы адиси;
  • Эмил Келдибеков — Экономикалык кылмыштарга каршы күрөшүү боюнча мамлекеттик кызматтын (Финансы полициясынын) камсыздоо, санариптештирүү жана кесиптик даярдоо башкармалыгынын финансы, материалдык-техникалык камсыздоо бөлүмүнүн жетекчиси;
  • Айнура Джунушева — Экономикалык кылмыштарга каршы күрөшүү боюнча мамлекеттик кызматтын (Финансы полициясынын) камсыздоо, санариптештирүү жана кесиптик даярдоо башкармалыгынын финансы, материалдык-техникалык камсыздоо бөлүмүнүн улук инспектору;
  • Айжан Асанакунова — Экономикалык кылмыштарга каршы күрөшүү боюнча мамлекеттик кызматтын (Финансы полициясынын) камсыздоо, санариптештирүү жана кесиптик даярдоо башкармалыгынын финансы, материалдык-техникалык камсыздоо бөлүмүнүн инспектору;
  • Чыңгыз Исмаилов — Экономикалык кылмыштарга каршы күрөшүү боюнча мамлекеттик кызматтын (Финансы полициясынын) камсыздоо, санариптештирүү жана кесиптик даярдоо башкармалыгынын санариптештирүү жана кесиптик даярдоо бөлүмүнүн башкы инспектору;
  • Кайрат Сагынов — Экономикалык кылмыштарга каршы күрөшүү боюнча мамлекеттик кызматтын (Финансы полициясынын) камсыздоо, санариптештирүү жана кесиптик даярдоо башкармалыгынын санариптештирүү жана кесиптик даярдоо бөлүмүнүн инспектору;
  • Дильбар Сабитова-Ким — Экономикалык кылмыштарга каршы күрөшүү боюнча мамлекеттик кызматтын (Финансы полициясынын) жалпы бөлүмүнүн начальниги;
  • Аскар Ишенбек — Экономикалык кылмыштарга каршы күрөшүү боюнча мамлекеттик кызматтын (Финансы полициясынын) жалпы бөлүмүнүн инспектору;
  • Мирлан Жалгасынов — Экономикалык кылмыштарга каршы күрөшүү боюнча мамлекеттик кызматтын (Финансы полициясынын) тергөө башкармалыгынын контролдук-методикалык бөлүмүнүн начальниги;
  • Айбек Пахыров — Экономикалык кылмыштарга каршы күрөшүү боюнча мамлекеттик кызматтын (Финансы полициясынын) тергөө башкармалыгынын контролдук-методикалык бөлүмүнүн улук тергөөчүсү;
  • Азамат Осмоналиев — Экономикалык кылмыштарга каршы күрөшүү боюнча мамлекеттик кызматтын (Финансы полициясынын) тергөө башкармалыгынын контролдук-методикалык бөлүмүнүн улук тергөөчүсү.
2
Белгилер:
тизме, өкмөт, комиссия, финансы полициясы, Экономикалык кылмыштылуукка каршы мамлекеттик кызматы, Кыргызстан
Көк бөрү боюнча мелдеш. Архив

Ноорузга карата Чолпон-Ата, Ош шаарларында ат оюндары өтөт

23
(жаңыланган 15:13 09.03.2021)
Мелдештер аймактарда спорттун улуттук түрлөрүн өнүктүрүү жана Дүйнөлүк көчмөндөр оюндарына даярдык көрүү максатын көздөйт.

БИШКЕК, 9-мар. — Sputnik. 16-марттан 21-мартка чейин Чолпон-Ата (Ысык-Көл облусу) жана Ош шаарларында Нооруз элдик майрамына арналган ат оюндары өтөт. Бул тууралуу Жаштар иши, дене тарбия жана спорт мамлекеттик агенттиги билдирди.

Элдик майрамдын урматына улуттук спорт оюндарынан көк бөрү, эр эңиш, салбуурун жана ат чабыштын түрлөрү боюнча мелдештер өтөт.

"Оюндар республиканын бардык аймактарында спорттун улуттук түрлөрүн өнүктүрүү, IV Дүйнөлүк көчмөндөр оюндарына даярдык көрүү жана мыкты командаларды, спортчуларды тандоо максатында өткөрүлүп жатат", — деп айтылат маалыматта.

Иш-чараны Спорттун улуттук турлөрү боюнча дирекциясы, өлкөнүн Көк бөрү, Аргымак, Салбуурун, Эр эңиш федерациялары уюштурууда.

Ат оюндар Чолпон-Ата шаарындагы ипподромдо жана Оштогу "Төлөйкөн" ат майданында өтөт.

Чолпон-Атада болуучу мелдештердин программасы тууралуу кенен маалымат алсаңыздар болот.

23
Белгилер:
Чолпон-Ата, Ош, Көк бөрү, мелдеш, улуттук ат оюндары, Нооруз
Тема боюнча
Темир билек балбандар. Оор атлетика боюнча өлкө чемпиондору аныкталды
Ноорузда көк бөрү легендаларынын жаркын элесине арналган өлкө чемпионаты өтөт