Борбор калаада Биринчи май райондук сотунун алдында Бажы кызматынын жетекчисинин мурдагы орун басары Райымбек Матраимовдун тарапташтары митинг өткөрүп жатышат

Матраимовдун тарапташтары эми соттун имаратынын алдына барышты. Сүрөт

120
(жаңыланган 18:36 19.02.2021)
Аткаминерди колдогондор Матраимовду бошотууну талап кылган жазуулары бар плакаттарды көтөрүп алышкан.

БИШКЕК, 19-фев. — Sputnik. Борбор калаада Биринчи май райондук сотунун алдында Бажы кызматынын жетекчисинин мурдагы орун басары Райымбек Матраимовдун тарапташтары митинг өткөрүп жатышат.

Алар колдоруна мурдагы аткаминерди бошотууну талап кылган жазуулары бар плакаттарды көтөрүп алышкан. Матраимовду сотко баш коргоо чарасын тандоо үчүн алып келери күтүлүүдө.

  • В Бишкеке у здания Первомайского районного суда митингуют сторонники бывшего заместителя председателя Государственной таможенной службы Райыма Матраимова
    Борбор калаада Биринчи май райондук сотунун алдында Бажы кызматынын жетекчисинин мурдагы орун басары Райымбек Матраимовдун тарапташтары митинг өткөрүп жатышат.
    © Sputnik / Эркин Садыков
  • В Бишкеке у здания Первомайского районного суда митингуют сторонники бывшего заместителя председателя Государственной таможенной службы Райыма Матраимова
    Алар колдоруна мурдагы аткаминерди бошотууну талап кылган жазуулары бар плакаттарды көтөрүп алышкан.
    © Sputnik / Эркин Садыков
  • В Бишкеке у здания Первомайского районного суда митингуют сторонники бывшего заместителя председателя Государственной таможенной службы Райыма Матраимова
    Матраимовду сотко баш коргоо чарасын тандоо үчүн алып келери күтүлүүдө.
    © Sputnik / Эркин Садыков
1 / 3
© Sputnik / Эркин Садыков
Борбор калаада Биринчи май райондук сотунун алдында Бажы кызматынын жетекчисинин мурдагы орун басары Райымбек Матраимовдун тарапташтары митинг өткөрүп жатышат.

Буга чейин анын тарапташтары УКМК имаратынын алдына чогулушкан. Кийинчерээк соттун имаратына чейин жөө барышкан. Мындан сырткары, Матраимовдун кичи мекени болгон Кара-Суу районунда да аткаминердин тарапташтары чогулуп, нааразычылыктарын билдиришкен.

Эске салсак, Бажы кызматынын жетекчисинин мурдагы орун басары Райымбек Матраимов кайра кармалган.

Ал өткөн жылдын 20-октябрында бажы тармагындагы коррупция боюнча айыпталып, УКМК тарабынан колго түшкөн. Биринчи май райондук соту баш коргоо чарасын тандап, сыртка чыкпоо тууралуу тил кат алган болчу.

Кийинчерээк ал мамлекетке келтирилген эки миллиард сомдук зыянды толтурууга макул болгону айтылган. Анын 1,4 миллиардын акчалай, калган 600 миллион сомуна бир соода борборун, тогуз батирин өткөрүп берген.

11-февралда Биринчи май райондук сотунун судьясы Гүлзат Дыйканбаева Матраимовду коррупцияга күнөөлүү деп таап, 260 миң сом айып салган. Анын жана жакын туугандарынын камакка алынган мал-мүлкүн ээлерине кайтарып берген. Бул окуядан кийин коомчулук арасында нааразычылык жаралып, митингге чыгышкан. Кийин президент Садыр Жапаров сот Матраимовго бир эпизод боюнча гана чечим чыгарганын жана иш уланарын айткан. УКМК дагы Райым Матраимов кытай жараны Айеркен Саймаитинин банктар аркылуу өлкөдөн 700 миллион доллар чыгарып кетишине тиешеси бар-жогун аныктоо үчүн тергөө иштери улантылып жатканы боюнча маалымат тараткан.

120
Белгилер:
митинг, Райымбек Матраимов
Тема боюнча
УКМК Матраимовго байланыштуу иштер боюнча түшүндүрмө берди
Партктагы гүлдөр. Архив

Бейшембиге карата аба ырайы

70
(жаңыланган 21:08 03.03.2021)
4-мартка караган түнү республиканын көпчүлүк аймактарында жаан, тоо этектеринде жана тоолуу райондорунда кар жаашы күтүлөт. Жолдорго муз тоңуп, тайгак болот.

БИШКЕК, 3-мар. — Sputnik. Бейшемби күнү өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир аймактарда 14 метрге жетет. Бул тууралуу Кыргызгидромет билдирди.

Абанын температурасы Чүй, Талас жергесинде +9...+14 градус, Ош, Жалал-Абад жана Баткен облустарында +10...+15, Ысык-Көлдө +3...+8, ал эми Нарын аймагында -1...+4 градуска чейин жылуу болору айтылды.

Борбор калаада күн ачык болуп, күндүн табы +12...+14 градуска чейин көтөрүлсө, Ош шаарында мезгил-мезгили менен жаан жаап, +13...+15 градус жылуу болот.

70
Белгилер:
март, Кыргызстан, аба ырайы
Тема боюнча
Төө-Ашуудагы тайгактан жүк ташуучу унаалар өйдө чыга албай жатат. Видео
Кишенчен киши. Архив

Бизнесмен Жалил Атамбаев кармалып, камакка алынды

1020
(жаңыланган 19:15 03.03.2021)
Шектүү мамлекеттик кызматта турганда мыйзамсыз негизде байыган деп УКМКнын тергөө абагына камакка алынды.

БИШКЕК, 3-мар. — Sputnik. Мыйзамсыз баюу фактысы боюнча Жалил Атамбаев кармалды. Бул тууралуу УКМКдан билдиришти.

Маалыматка караганда, ички иштер органдарынын мурунку кызматкери Атамбаевге каршы козголгон бир катар кылмыш иштери боюнча, анын ичинде мамлекеттик кызматта турганда мыйзамсыз баюу фактысы тууралуу тергөө иштери жүрүп жатат.

"Ички иштер органдарынын мурдагы кызматкери болуп саналган Жалил Атамбаев олуттуу финансылык ресурстарга ээ болуп, кымбат баалуу кыймылсыз мүлктү өзүнүн жакын туугандарынын атына каттатып алган", — деп айтылат маалыматта.

Шектүү Кылмыш-жаза кодексинин 323-беренесинин 2-бөлүмүнүн 2-пункту ("Мыйзамсыз баюу") боюнча кармалып, УКМКнын тергөө абагына киргизилди.

1020
Белгилер:
бизнесмен, камак, мыйзамсыз, Жалил Атамбаев
Тема боюнча
Жеке клиниканын башкы дарыгери Матраимовдун абалы начар экенин айтты
УКМК ЖК депутаты Абжалиевди мыйзамсыз байыган деп иш козгоду