Кочкор районунун Кум-Дөбө айыл өкмөтүнө караштуу Бугучу айылында алгачкы ирет билим уясы салынып жатат

Кочкордун Бугучу айылына мектеп салынды. Сүрөттөр

170
Кыштактагы балдар буга чейин үч чакырым алыстыкта жайгашкан мектепке барып-келип окуп келишкен.

БИШКЕК, 20-фев. — Sputnik. Кочкор районунун Кум-Дөбө айыл өкмөтүнө караштуу Бугучу айылында алгачкы ирет билим уясы салынып жатат. Жаңы мектепти аймактык кабарчы көрүп келди.

  • Ход строительства новой школы в селе Буручу Кочкорского района Нарынской области
    Кочкор районунун Кум-Дөбө айыл өкмөтүнө караштуу Бугучу айылында алгачкы ирет билим уясы салынып жатат
    © Sputnik
  • Ход строительства новой школы в селе Буручу Кочкорского района Нарынской области
    Аталган айылда буга чейин мектеп болгон эмес
    © Sputnik
  • Ход строительства новой школы в селе Буручу Кочкорского района Нарынской области
    Бугучу айылынын 224 окуучусу ушул күнгө чейин үч чакырым алыстыктагы Кум-Дөбө айылындагы мектепке барып билим алышат
    © Sputnik
  • Ход строительства новой школы в селе Буручу Кочкорского района Нарынской области
    150 орунга ылайыкташкан эки кабаттуу имарат 96 сотых аянтта жайгашкан. Окуу жайды 2019-жылы жазылган долбоордун негизинде аравиялык кайрымдуулук фонд куруп берген.
    © Sputnik
1 / 4
© Sputnik
Кочкор районунун Кум-Дөбө айыл өкмөтүнө караштуу Бугучу айылында алгачкы ирет билим уясы салынып жатат

Аталган айылда буга чейин мектеп болгон эмес. Бугучу айылынын 224 окуучусу ушул күнгө чейин үч чакырым алыстыктагы Кум-Дөбө айылындагы мектепке барып билим алышат.

150 орунга ылайыкташкан эки кабаттуу имарат 96 сотых аянтта жайгашкан. Окуу жайды 2019-жылы жазылган долбоордун негизинде аравиялык кайрымдуулук фонд куруп берген. Жалпы наркы 55 миллион сомду түзгөн бул заманбап мектептин курулуш иштери бүгүнкү күндө дээрлик толугу менен аяктаган.

Кочкор районунун акиминин орун басары Элмира Садыкованын берген маалыматына караганда, аталган мектептин ачылышы үстүбүздөгү жылдын 1-мартында болмокчу.

170
Белгилер:
курулуш, окуучулар, имарат, мектеп, айыл, Кочкор
Тема боюнча
Мектеп куруп берүүнү өтүнгөн балбайлык окуучу Жапаров менен сүйлөштү
Партктагы гүлдөр. Архив

Бейшембиге карата аба ырайы

69
(жаңыланган 21:08 03.03.2021)
4-мартка караган түнү республиканын көпчүлүк аймактарында жаан, тоо этектеринде жана тоолуу райондорунда кар жаашы күтүлөт. Жолдорго муз тоңуп, тайгак болот.

БИШКЕК, 3-мар. — Sputnik. Бейшемби күнү өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир аймактарда 14 метрге жетет. Бул тууралуу Кыргызгидромет билдирди.

Абанын температурасы Чүй, Талас жергесинде +9...+14 градус, Ош, Жалал-Абад жана Баткен облустарында +10...+15, Ысык-Көлдө +3...+8, ал эми Нарын аймагында -1...+4 градуска чейин жылуу болору айтылды.

Борбор калаада күн ачык болуп, күндүн табы +12...+14 градуска чейин көтөрүлсө, Ош шаарында мезгил-мезгили менен жаан жаап, +13...+15 градус жылуу болот.

69
Белгилер:
март, Кыргызстан, аба ырайы
Тема боюнча
Төө-Ашуудагы тайгактан жүк ташуучу унаалар өйдө чыга албай жатат. Видео
Кишенчен киши. Архив

Бизнесмен Жалил Атамбаев кармалып, камакка алынды

1016
(жаңыланган 19:15 03.03.2021)
Шектүү мамлекеттик кызматта турганда мыйзамсыз негизде байыган деп УКМКнын тергөө абагына камакка алынды.

БИШКЕК, 3-мар. — Sputnik. Мыйзамсыз баюу фактысы боюнча Жалил Атамбаев кармалды. Бул тууралуу УКМКдан билдиришти.

Маалыматка караганда, ички иштер органдарынын мурунку кызматкери Атамбаевге каршы козголгон бир катар кылмыш иштери боюнча, анын ичинде мамлекеттик кызматта турганда мыйзамсыз баюу фактысы тууралуу тергөө иштери жүрүп жатат.

"Ички иштер органдарынын мурдагы кызматкери болуп саналган Жалил Атамбаев олуттуу финансылык ресурстарга ээ болуп, кымбат баалуу кыймылсыз мүлктү өзүнүн жакын туугандарынын атына каттатып алган", — деп айтылат маалыматта.

Шектүү Кылмыш-жаза кодексинин 323-беренесинин 2-бөлүмүнүн 2-пункту ("Мыйзамсыз баюу") боюнча кармалып, УКМКнын тергөө абагына киргизилди.

1016
Белгилер:
бизнесмен, камак, мыйзамсыз, Жалил Атамбаев
Тема боюнча
Жеке клиниканын башкы дарыгери Матраимовдун абалы начар экенин айтты
УКМК ЖК депутаты Абжалиевди мыйзамсыз байыган деп иш козгоду