Сотто Райым Матраимовдун баш коргоо чарасы каралууда. Сүрөт
(жаңыланган 15:56 20.02.2021)
Матраимов 18-февраль күнү кайра кармалган. Ал УКМКнын убактылуу кармоочу жайына киргизилген, 48 сааттын ичинде сот баш коргоо чарасын карамак.БИШКЕК, 20-фев. — Sputnik. Бажы кызматынын жетекчисинин мурдагы орун басары Райымбек Матраимовдун баш коргоо чарасын кароо максатында аны Бишкек шаарынын Биринчи май райондук сотуна алып келишти.
Бажы кызматынын жетекчисинин мурдагы орун басары Райымбек Матраимовдун баш коргоо чарасын кароо максатында аны Бишкек шаарынын Биринчи май райондук сотуна алып келишти© Sputnik / Максат Элебесов
Ушул тапта анын жактоочулары сот имаратынын алдында нааразычылык акциясын өткөрүп турушат. Алар Матраимовго карата жалаа жабылып жатат деген дооматтарды коюуда.© Sputnik / Максат Элебесов
©
Sputnik / Максат Элебесов
Бул тууралуу Sputnik Кыргызстан агенттигинин кабарчысы билдирди.
©
Sputnik / Табылды Кадырбеков
Эске салсак, Райымбек Матраимов 18-февраль күнү кайра кармалган. Ал УКМКнын убактылуу кармоочу жайына киргизилген, 48 сааттын ичинде сот баш коргоо чарасын карамак.
Матраимовдун тарапташтары кечээ дагы УКМК имаратынын алдына митингге чыгышкан.
Швецияда жарыкка келген ымыркайдан коронавирустун жаңы штаммы табылды
(жаңыланган 11:30 03.03.2021)
Баштапкы изилдөөлөр эне менен баланын вирустары бирдей экендигин көрсөткөн, бирок кийинки анализдерде ымыркайда оорунун жаңы түрү аныкталган.БИШКЕК, 3-мар. — Sputnik. Швецияда жаңы төрөлгөн ымыркайдан коронавирустун жаңы штаммы табылганын "Известия" жазды.
Мальме ооруканасына ичи катуу ооруган кош бойлуу аял түшкөн. Медиктер кычкылтек жетишсиздигинен курсактагы баланын жүрөгү начар согуп жатканын аныкташкан. Аялга операция жасашып, коронавируска анализ алынгандан кийин баласы экөөнөн тең оору аныкталган. Геномдун анализи ымыркай инфекцияны төрөлгөнгө чейин эле жуктурганын көрсөткөн.
Баштапкы изилдөөлөр эне менен баланын вирустары бирдей экендигин аныктап чыккан, бирок кийинки анализдерде ымыркайда вирустун жаңы түрү белгилүү болгон.
Дарыгерлер бала төрөлөрү менен коронавирус аныкталган учур биринчи жолу катталып жатканын айтышты. Ал вирусту төрөлүп жатканда жуктуруп алышы мүмкүндүгү болжолдонгон.
COVID-19 жуктурган аял ооруну жеңил эле көтөргөндүктөн төрт күндөн кийин чыгарылган. Бала эрте төрөлгөнү үчүн медиктер көбүрөөк жардам берген, бирок антитело бат иштелип чыгып айыгып кеткен.
Парад, жарманке. Бишкекте Калпак күнүнө карата иш-чара өтөт
(жаңыланган 11:28 03.03.2021)
Иш-чарада салттуу кийим кийгендер "Ала-Тоо" кинотеатрынан "Ала-Тоо" аянтына чейин параддан өтөрү айтылды.БИШКЕК, 3-мар. — Sputnik. Бишкекте Ак калпак күнүнө карата салтанаттуу иш-чара өткөрүлөт. Бул тууралуу Маданият, маалымат, спорт жана жаштар саясаты министрлигинен кабарлашты.
Билдирмеге караганда, иш-чараны министрлик, Бишкек мэриясы жана "Улуттук намыс" уюму уюштурат.
"Анда салттуу кийимдердин парады болуп, кол өнөрчүлөрдүн жарманкеси өтөт. Калпактардын түрлөрү, салттуу кийимдер жана кол өнөрчүлөрдүн эмгектери коюлат", — деп жазылат маалыматта.
Иш-чара 4-март күнү саат 10:00дө баштала турганы айтылып, салттуу кийим кийгендер "Ала-Тоо" кинотеатрынан "Ала-Тоо" аянтына чейин параддан өтөрү кошумчаланды.
Мамытов Конституция долбоорун талкуулабай, референдум дайындоого чакырды
(жаңыланган 11:46 03.03.2021)
Спикер депутаттар суроо берген сайын азыркы каралып жаткан долбоор талкууга жатпай турганын эскертип жатат.БИШКЕК, 3-мар. — Sputnik. Жогорку Кеңештин төрагасы Талант Мамытов депутаттарга жаңы Конституциянын долбоорун талкуулабай, референдумду дайындоо керектигин эскертти.
"Кыргыз Республикасынын Конституциясы жөнүндө" Кыргыз Республикасынын мыйзам долбоору боюнча референдумду (бүткүл элдик добуш берүүнү) дайындоо тууралуу" мыйзамдын долбоору жалпы жыйында каралып жатат.
Анда депутаттар жаңы Баш мыйзамдын долбоорунун мүчүлүштүктөрүн айтып, оңдоону талап кылышкан.
"Долбоорду Конституциялык кеңешме жазып чыккан, азыр парламент референдумду гана дайындашы керек. Андыктан Баш мыйзамдын долбоорун талкуулабай, референдум дайындоону карайлы", — деди Мамытов.
Спикер депутаттар суроо берген сайын азыркы каралып жаткан долбоор талкууга жатпай турганын эскертип жатат.