КРдин медициналык окуу жайлары Пакистандын кара тизмесинен чыгат
(жаңыланган 10:11 21.02.2021)
Кыргызстандын билим берүү министринин Пакистанга болгон иш сапарынын жыйынтыгы чыкты. Анда негизинен окуу жайлар менен пакистандык студенттердин маселеси каралган.БИШКЕК, 20-фев. — Sputnik. Кыргызстандын медициналык жогорку окуу жайлары Пакистандын медицина комиссиясынын ар кыл категориясына киргизилип, КР ЖОЖдорунан билим алган ал жактын жарандары Медкомиссиянын экзамендерине кирүүгө укуктуу болот. Бул тууралуу Билим берүү жана илим министрлигинин маалымат кызматы кабарлады.
©
Фото / пресс-служба МОиН КР
Маселе министр Алмазбек Бейшеналиевдин Пакистанга болгон иш сапары жана Медицина комиссиясынын президенти Ардаш Таки менен жолугушкандан кийин чечилген
Маселе министр Алмазбек Бейшеналиевдин Пакистанга болгон иш сапары жана Медицина комиссиясынын президенти Ардаш Таки менен жолугушкандан кийин чечилген.
Кыргызстандын окуу жайлары төмөндөгүдөй тизмеге кирди:
- А — эл аралык, көз карандысыз аккредитациядан өткөн окуу жайлары;
- В — көз карандысыз аккредитациядан өтүп, бирок эл аралык аккредитациядан өтпөгөн окуу жайлар;
- С — аккредитацияланбаган жана жаңы ачылган медициналык окуу жайлар.
Жакында эле ачылган медициналык окуу жайлар өзүнчө тизмеге киргизилмей болду.
"Эки өлкөнүн окуу программасындагы айырмачылыктан улам жаралган көйгөйлөр КР Билим берүү жана илим министрлигинин талаптарына ылайык комплекстүү чечилди", — деп айтылат маалыматта.
©
Sputnik / Табылды Кадырбеков
Өткөн жылдын 29-октябрында Кыргызстандын медиктерди даярдаган окуу жайлары Пакистандын "кара тизмесине" киргени маалым болгон. Буга тийиштүү ЖОЖдордун бүтүрүүчүлөрүнүн 90 пайызы Пакистандын медицина кеңешинде милдеттүү экзамендерди тапшыра албай калышы жана дипломдорунун жараксыз болушу себеп экени айтылган. Андан кийин төрт окуу жай "кара тизмеден" чыгарылган.
Белгилер:
Ашказан-ичеги оорусу барлар вакцина алса болобу? Адистин жообу
(жаңыланган 23:14 07.03.2021)
Буга чейин ашказан, тамак сиңирүү органдары ооругандар эмдөөдөн өтсө болобу деген маселе коомчулукта кайра-кайра көтөрүлгөн.БИШКЕК, 7-мар. — Sputnik. Ашказан, ичеги-карын оорулары менен жабыркаган адамдар коронавируска каршы вакцина ала алышат. Бул тууралуу РИА Новости агенттиги жазды.
Москванын Саламаттык сактоо департаментинин штаттан тышкаркы башкы гастроэнтеролог адиси Дмитрий Бординдин айтымында, тамак сиңирүүсү начар бейтаптар SARS-CoV-2ге каршы эмдөөдөн өтө алат.
"Буга чейин ичегиси сезгенип, ашказаны ооругандар эмдөөдөн өтсө болобу деген маселе коомчулукта кайра-кайра көтөрүлгөн. Январь айында ал боюнча эл аралык сунуштама чыкты, февралда аталган илдет боюнча иш алып барган бүткүл россиялык коом да бир пикирге келди. Ичеги-карыны жакшы иштебегендер коронавируска каршы вакцина алышы керек", — деди Бордин.
Буга чейин адистер эмдөөнүн кыйыр таасири туурасында кеп кылып, анын иммунитеттен көз каранды эместигин айтышкан эле.
8-мартка карата аба ырайы
БИШКЕК, 7-мар. — Sputnik. 8-мартка караган түнү өлкөнүн тоолуу жана тоо этектериндеги аймактарында кар жаайт. Дыйканчылык өрөөндөрдө жаан-чачындын болушу болжолдонгон жок. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет маалымдады.
Абанын температурсы Чүй облусунда +10...+15, Таласта +9...+14, Ош, Жалал-Абад жана Баткен жергесинде +12...+17, Ысык-Көлдө +6...+11, Нарын аймагында +4...+9 градус болору айтылды.
Синоптиктер Ош жана Бишкек шаарларында күн ачык болуп, борбор калаада термометр +10...+12, ал эми экинчи борбор Ошто +15...+17 градусту көрсөтүп турарын билдиришти.
Белгилер:
Кыргызстандык жеңил атлетчилер Беларуста бир нече медаль алышты
(жаңыланган 00:16 08.03.2021)
Аталган спорттук иш-чарада кыргызстандык спортчулар баш-аягы эки алтын, бир күмүш жана үч коло медаль алышты.БИШКЕК, 8-мар. — Sputnik. Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды. Бул тууралуу КРдин Жеңил атлетика федерациясынан билдиришти.
©
Фото / пресс-служба федерации легкая атлетика КР
Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды
Дагы бир жөө күлүк Калыс Таштанов 1500 метр аралыкта марага биринчи жетип алтын, 800 метр аралыкта үчүнчү келип коло медалды байге куржунуна салган.
Аталган спорттук иш-чарада кыргызстандык спортчулар жалпы эки алтын, бир күмүш жана үч коло медаль алышты.