Кучакташкан түгөйлөр. Архивдик сүрөт

Никедеги бактылуулук адамдын генетикасынан көз каранды. Жаңы иликтөө

320
Илимпоздор 71 үй-бүлөнү иликтөөгө алышкан. Алгач түгөйлөр үйлөнгөн маалда алардан ДНК анализ алып, генетикасынын кайсы түргө кирерин аныкташкан.

БИШКЕК, 23-фев. — Sputnik. Окумуштуулар адамдын үй-бүлөлүк жашоого болгон канааттануусу генетикасынан көз каранды экенин аныкташты. Бул тууралуу Арканзас университетинин (АКШ) психологдорунун иликтөөсүнө таянып Medical Express медициналык басылмасы жазды. 

Мындай бүтүмгө келүү үчүн окумуштуулар 71 үй-бүлөнү иликтөөгө алышкан. Түгөйлөр үйлөнгөн маалда алардан ДНК анализ алып, генетикасынын кайсы түргө кирерин аныкташкан. Андан соң үч жыл бою ар бир төрт ай сайын сурамжылоо жүргүзүп турушкан.

"Жыйынтыгында генетикасы СС деп аталган түргө кирген адамдарда жакын кишисине ыраазы болуу деңгээли алда канча жогору болору билинген. Бул топко кирген адамдар түгөйүнө бекем ишенерин жана үй-бүлөдө бактылуу экенин айтышкан", — дейт адистер.

Ал эми генетикасы АС жана АА түрүнө киргендер үйдө уруш бат-баттан болуп, көйгөйлөр көп жараларын айтышкан. Бирок окумуштуулар акыркы эки топко кирген адамдар такыр эле үй-бүлө кура албайт деген ойдон алыс болууга чакырат.

Болгону бул адамдар өзүмчүл келгендиктен, айрым учурда жанындагылар менен тил табышуусу салыштырмалуу татаалыраак болот.

320
Белгилер:
адам, генетикалык модификация, нике, үй-бүлө
Тема боюнча
Эркектер эмне себептен жаш кезинде мактоону жакшы көрөт. Жаңы иликтөө
Кыргызстандагы Тянь-Шань тоолору. Архив

Шейшембиге карата аба ырайы

30
2-мартка караган түнү республиканын тоолуу райондорунда кар көчкү түшүүсү ыктымал. Жолдорго муз тоңуп, тайгак болот. Унаалардын ортосундагы 500 метрлик аралык чектелиши зарыл.

БИШКЕК, 1-мар. — Sputnik. Шейшембиде күндүз өлкө боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.

Абанын температурасы Чүй облусунда +10…+15, Талас, Ош, Жалал-Абад, Баткен аймактарында +11…+16, Ысык-Көл жергесинде +4…+9, Нарын өрөөнүндө -1…+4 градус болору айтылды.

Бишкек жана Ош шаарларында жаан-чачын болбойт. Күндүн табы борбордо +13…+15, Ош шаарында +14…+16 градус болот.

30
Белгилер:
Кыргызстан, март, аба ырайы
Тема боюнча
Кайрадан суук түшөбү? Мартка карата аба ырайы
Асманды карап турган адамдын силуети. Иллюстративдик сүрөт

Сузакта 14 күндөн бери дайынсыз болуп жаткан киши изделүүдө. Сүрөт

35
Дастан Кубатбековдун жүргөн жерин аныктоого мүмкүнчүлүк болбой жаткандыгына байланыштуу туугандары жана облустук милиция аны табууга коомчулуктан жардам сурады.

БИШКЕК, 1-мар. — Sputnik. Жалал-Абад облусунун Сузак районундагы Арал айылынын 25 жаштагы тургуну Дастан Кубатбеков 14 күндөн бери дайынсыз болуп, милиция издөө салды. Бул туурасында Жалал-Абад облустук ички иштер башкармалыгынын маалымат катчысы Нурдин Жээнтаев билдирди.

Пропавший без вести 25-летний житель села Арал Сузакского района, Джалал-Абадской области Дастан Кубатбеков
© Фото / УВД Джалал-Абадской области
Жалал-Абад облусунун Сузак районундагы Арал айылынын 25 жаштагы тургуну Дастан Кубатбеков 14 күндөн бери дайынсыз болуп, милиция издөө салды
"Кубатбеков Дастан Замирбекович 16-февраль күнү саат 10:30 чамасында жашаган үйүнөн чыгып кеткен. Учурда Дастан Кубатбековдун жүргөн жерин аныктоого мүмкүнчүлүк болбой жаткандыгына байланыштуу туугандары жана облустук милиция аны табууга коомчулуктан жардам сурайт", — деп айтылган маалыматта.

Белгилери: бою 160-165 см, ак жүздүү, чачы, көзү кара, орто дене түзүлүштө, III топтогу майып, эки кулагы укпайт, сүйлөй албайт (дудук), эки көзү кылый.

Кийген кийимдери: башында боз түстөгү шапка, үстүндө кара өңдөгү жемпир, кызыл жилет, күрөң шым, бутунда жашыл резина өтүк болгон.

Милиция дайынсыз болуп жаткан Кубатбеков тууралуу кандайдыр бир маалымат болсо 102, (03748) 5-02-09, (0778) 15-15-91, (0558) 16-16-91 телефон номерлери аркылуу кабарлап коюуну суранды.

35
Белгилер:
милиция, дудук, издөө, Сузак району, Жалал-Абад облусу, Кыргызстан
Тема боюнча
Жалал-Абадда үч баласы менен дайынсыз болуп жаткан келин Оштон табылды
Тоңуп калган. Кеминде мал айдап келем деп кайтпай калган аялдын сөөгү табылды
Беларусь президенти Александр Лукашенконун улуу баласы Виктор Лукашенко. Архив

Лукашенконун уулуна генерал наамы берилди

0
Виктор Лукашенко 26-февралда Беларустун Улуттук олимпиада комитетинин (УОК) президенттигине шайланган.

БИШКЕК, 1-мар. — Sputnik. Беларусь президенти Александр Лукашенконун улуу баласы Виктор Лукашенкого запастагы генерал-майор наамы берилди. Бул тууралуу РИА Новости аталган президенттин маалымат кызматынын сайтына таянып кабарлады.

"Полковниктер Владимир Куприянюк, Роман Подлинев, Николай Карпенков, Дмитрий Шахраев, Андрей Павлюченкого кезектеги генерал-майор наамы, ал эми Виктор Лукашенкого запастагы генерал-майор наамы ыйгарылды", — деп айтылат маалыматта.

Виктор Лукашенко 26-февралда Беларустун Улуттук олимпиада комитетинин (УОК) президенттигине шайланган.

"Анда Беларусь башчысы бийликти өзүнүн балдарына берүү боюнча маалыматты четке каккан. Тагыраагы, кеп бул жерде улуу баласы туурасында жүргөн. Мамлекет башчысы Виктор Лукашенко УОК жетекчилигине шайлангандан кийин мамлекеттик кызматкер болбой тургандыгын, аны президенттин улуттук коопсуздук боюнча жардамчылыгынан бошотушарын айткан", —  деп жазды РИА Новости.

Беларусь президенти Лукашенко буга чейин жаңы Конституция кабыл алынгандан кийин мамлекет башчысы болбой турганын жар салды.

0
Белгилер:
Виктор Лукашенко, генерал, УОК, Александр Лукашенко, Беларусь
Тема боюнча
Владимир Путин Садыр Жапаровго кунда жок кылыч белек кылды. Сүрөт
Пашиняндын "Искандерлер" боюнча айтканы элди экиге бөлгөндө. Россия эмне деди