Спорт менен машыгып жаткан аял. Архив

40тан ашкан аялдар кантип арыктаса болот? Диетологдун кеңеши

159
Диетолог жети сааттан көп уктабай, таза абага көп чыгып, сууну көп ичүү зарыл экенин белгилеген. Анткени суу шлак менен токсиндерди чыгарат.

БИШКЕК, 23-фев. — Sputnik. Ашыкча салмактан тезирээк арылуу үчүн аялдар катаал диетага отуруп алат. Мындай кадам туура эмес, анткени бул учурда организм катуу стресске кабылып, ден соолук жабыркай турганын диетолог Елена Календин айтымына таянып РИА Новости кабарлады.

Диетолог белгилегендей, 30 жаштан кийин адамдардын организминде зат алмашуу жайлайт. Аял кантип толуп кеткенин билбей калат жана оңой менен арыктай албайт. Ал үчүн биринчи кезекте адамдар тамактануу рационун карап чыгышы керек.

"40ка чамалап калганда гормоналдык фон өзгөрүп, организмге мурдагыдай энергия талап кылынбай калат. Аял калорий топтойт, бирок аны мурдагыдай кетире албай калат дагы салмак кошо берет. Мындан улам рационго жашылча-жемиш, акшактын түрү жана башка углеводдорду кошуу керек", — деп жазган Кален.

Адис майлуу кычкылдарга бай омега-3 кошулган азыктарды көп колдонууну да сунуштаган. Майлуу балык, брокколи, түстүү капуста, жаңгактын түрү, авокадо метаболизмди калыбына келтирип, ичеги-карындын иштөөсүн жакшыртат. Ошондой эле холестеринди бөлүп чыгарууга да жардам берет.

"Ачка болбогула! Аял тамактан баш тартканда организмин стресске алып келет. Ачка болгондо калорий эрибей эле кайра топтолот. Катаал диета жана ачкачылык ашказандын ишин начарлатат", — деген адис.

Диетолог жети сааттан көп уктабай, таза абага көп чыгып, сууну көп ичүү зарыл экенин белгилеген. Анткени суу шлак менен токсиндерди чыгарат.

159
Белгилер:
диетолог, салмак, организм, арыктоо, аял
Тема боюнча
Майрамдан кийин кантип арыкташ керек? Дарыгер-диетологдун кеңеши
Дарыгер диабеттин өрчүшүнө коркунуч келтирген адатты атады
Адис уктаар алдында тамактануунун зыяны жөнүндөгү сөздү жокко чыгарды
Кыргызстандагы Тянь-Шань тоолору. Архив

Шейшембиге карата аба ырайы

30
2-мартка караган түнү республиканын тоолуу райондорунда кар көчкү түшүүсү ыктымал. Жолдорго муз тоңуп, тайгак болот. Унаалардын ортосундагы 500 метрлик аралык чектелиши зарыл.

БИШКЕК, 1-мар. — Sputnik. Шейшембиде күндүз өлкө боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.

Абанын температурасы Чүй облусунда +10…+15, Талас, Ош, Жалал-Абад, Баткен аймактарында +11…+16, Ысык-Көл жергесинде +4…+9, Нарын өрөөнүндө -1…+4 градус болору айтылды.

Бишкек жана Ош шаарларында жаан-чачын болбойт. Күндүн табы борбордо +13…+15, Ош шаарында +14…+16 градус болот.

30
Белгилер:
Кыргызстан, март, аба ырайы
Тема боюнча
Кайрадан суук түшөбү? Мартка карата аба ырайы
Асманды карап турган адамдын силуети. Иллюстративдик сүрөт

Сузакта 14 күндөн бери дайынсыз болуп жаткан киши изделүүдө. Сүрөт

35
Дастан Кубатбековдун жүргөн жерин аныктоого мүмкүнчүлүк болбой жаткандыгына байланыштуу туугандары жана облустук милиция аны табууга коомчулуктан жардам сурады.

БИШКЕК, 1-мар. — Sputnik. Жалал-Абад облусунун Сузак районундагы Арал айылынын 25 жаштагы тургуну Дастан Кубатбеков 14 күндөн бери дайынсыз болуп, милиция издөө салды. Бул туурасында Жалал-Абад облустук ички иштер башкармалыгынын маалымат катчысы Нурдин Жээнтаев билдирди.

Пропавший без вести 25-летний житель села Арал Сузакского района, Джалал-Абадской области Дастан Кубатбеков
© Фото / УВД Джалал-Абадской области
Жалал-Абад облусунун Сузак районундагы Арал айылынын 25 жаштагы тургуну Дастан Кубатбеков 14 күндөн бери дайынсыз болуп, милиция издөө салды
"Кубатбеков Дастан Замирбекович 16-февраль күнү саат 10:30 чамасында жашаган үйүнөн чыгып кеткен. Учурда Дастан Кубатбековдун жүргөн жерин аныктоого мүмкүнчүлүк болбой жаткандыгына байланыштуу туугандары жана облустук милиция аны табууга коомчулуктан жардам сурайт", — деп айтылган маалыматта.

Белгилери: бою 160-165 см, ак жүздүү, чачы, көзү кара, орто дене түзүлүштө, III топтогу майып, эки кулагы укпайт, сүйлөй албайт (дудук), эки көзү кылый.

Кийген кийимдери: башында боз түстөгү шапка, үстүндө кара өңдөгү жемпир, кызыл жилет, күрөң шым, бутунда жашыл резина өтүк болгон.

Милиция дайынсыз болуп жаткан Кубатбеков тууралуу кандайдыр бир маалымат болсо 102, (03748) 5-02-09, (0778) 15-15-91, (0558) 16-16-91 телефон номерлери аркылуу кабарлап коюуну суранды.

35
Белгилер:
милиция, дудук, издөө, Сузак району, Жалал-Абад облусу, Кыргызстан
Тема боюнча
Жалал-Абадда үч баласы менен дайынсыз болуп жаткан келин Оштон табылды
Тоңуп калган. Кеминде мал айдап келем деп кайтпай калган аялдын сөөгү табылды
Беларусь президенти Александр Лукашенконун улуу баласы Виктор Лукашенко. Архив

Лукашенконун уулуна генерал наамы берилди

0
Виктор Лукашенко 26-февралда Беларустун Улуттук олимпиада комитетинин (УОК) президенттигине шайланган.

БИШКЕК, 1-мар. — Sputnik. Беларусь президенти Александр Лукашенконун улуу баласы Виктор Лукашенкого запастагы генерал-майор наамы берилди. Бул тууралуу РИА Новости аталган президенттин маалымат кызматынын сайтына таянып кабарлады.

"Полковниктер Владимир Куприянюк, Роман Подлинев, Николай Карпенков, Дмитрий Шахраев, Андрей Павлюченкого кезектеги генерал-майор наамы, ал эми Виктор Лукашенкого запастагы генерал-майор наамы ыйгарылды", — деп айтылат маалыматта.

Виктор Лукашенко 26-февралда Беларустун Улуттук олимпиада комитетинин (УОК) президенттигине шайланган.

"Анда Беларусь башчысы бийликти өзүнүн балдарына берүү боюнча маалыматты четке каккан. Тагыраагы, кеп бул жерде улуу баласы туурасында жүргөн. Мамлекет башчысы Виктор Лукашенко УОК жетекчилигине шайлангандан кийин мамлекеттик кызматкер болбой тургандыгын, аны президенттин улуттук коопсуздук боюнча жардамчылыгынан бошотушарын айткан", —  деп жазды РИА Новости.

Беларусь президенти Лукашенко буга чейин жаңы Конституция кабыл алынгандан кийин мамлекет башчысы болбой турганын жар салды.

0
Белгилер:
Виктор Лукашенко, генерал, УОК, Александр Лукашенко, Беларусь
Тема боюнча
Владимир Путин Садыр Жапаровго кунда жок кылыч белек кылды. Сүрөт
Пашиняндын "Искандерлер" боюнча айтканы элди экиге бөлгөндө. Россия эмне деди