Медик Аскар Байдилда

Жапаровдун баласысыңбы деп сурашат. Президентке окшош Аскардын маеги

(жаңыланган 17:24 24.02.2021)
Sputnik Кыргызстан агенттиги президент Садыр Жапаровго куюп койгондой окшош жигит менен маек курду.

Ал — Аскар Байдилда, улуту казак. Кыргызстанга кандайча келип калганы, сүрөтү эмне болуп интернетке тарап кеткендиги тууралуу айтып берди.

— Садыр Жапаровго сүрөттөн эле эмес, жаныңыздан көргөндө да абдан окшош экенсиз.

— Кыргызстанга келип окуй баштаганда эле "Садыр Жапаров деген саясатчы бар, ошол адамга түспөлдөшүп кетет экенсиң" деп окшоштуруп калышчу. Кийин ал президент болгондо көчөдө, коомдук жайларда мени таң калгансып карагандар көбөйдү. Мындай учурда өтө ыңгайсыз болуп, баары жакшы элеби деп өзүмдү карап коём. Чыдабагандар "Жапаровдун баласы же иниси эмессиңби?" деп сурап жиберишет.

Гражданин Казахстана, медик Аскар Байдилда в офисе Sputnik Кыргызстан
© Sputnik / Жоомарт Ураимов
Аскар Байдилда: өзүм казакстандыкмын. Казакстандын Тараз шаарында төрөлүп-өскөм. Кийин Кыргызстанга медициналык окуу жайга тапшырып, бул жакта окуп калдым. Университетте жүргөндө бирге окугандар белгилүү саясатчыга окшоштурушчу

— Сизди казак улутунун өкүлү деп уктук. Бишкекке убактылуу келдиңиз беле?

— Ооба, өзүм казакстандыкмын. Казакстандын Тараз шаарында төрөлүп-өскөм. Кийин Кыргызстанга медициналык окуу жайга тапшырып, бул жакта окуп калдым. Университетте жүргөндө бирге окугандар белгилүү саясатчыга окшоштурушчу. Өзүм саясат менен деле ишим жок, эч кимди тааныбайм, этибар деле алган эмесмин. Андан кийин ал киши тууралуу интернеттен окуп билип, тааныгам.

Бир ирет паркта эс алып жүрсөм улуураак бир байке мени көзүн албай карады. Ары өтүп, бери өтүп карап жатканын сездим. Бир маалда жаныма басып келип "Ай балам, сен Садыр Жапаровдун баласы же туугандары эмессиңби" деп сурады. "Жок" десем, "аябай окшош экенсиң" деп кеткен эле.

— Сиз тууралуу дагы кененирээк билгибиз келип жатат. Эмнеге Бишкектеги медициналык окуу жайды тандап алганыңыз да кызык.

— Медициналык академияга менден мурда Асель аттуу бир тууган карындашым тапшырган. Кийин ал бул жакта калып, кыргыздын келини болду. Бир күнү мага да бул окуу жайды мактап, сунуштап калды. Ошону менен маңдайга жазган тагдыр экен, Бишкекке келип, окуу жайга тапшырып өтүп кеттим. Кыргызстанга ага чейин келип көргөн эмесмин. Башында окуудан кыйынчылыктар жаралды. Бирок жакшы адамдар менен достошуп көнүп кеттим.

Гражданин Казахстана, медик Аскар Байдилда в офисе Sputnik Кыргызстан
© Sputnik / Жоомарт Ураимов
Аскар Байдилда: кыргыз медициналык академиясында алты жыл билим алдым. Андан кийин Казакстанга барып ал жактан практикадан өтүп, ортопедиялык борбордо иштедим

— Казакстанга кайра кетесизби?

— Кыргыз медициналык академиясында алты жыл билим алдым. Андан кийин Казакстанга барып ал жактан практикадан өтүп, ортопедиялык борбордо иштедим. Кийин Бишкекке кайра келип, учурда балдарды укалайм. Негизи кесибим боюнча невропатологмун. Бирок ортопедиялык борбордо иштеп калгандыктан, укалоо жагына ооп кеттим. Кесибим өзүмө жагат. Бишкекте балдар үчүн ортопедиялык борборлор аз. Ошол себептен бул жакка медициналык борбор ачып иштетсем деген пландарым бар.

— Азыр ооруканада иштейсизби?

— Жок, чакыруулар менен үйлөрүнө барып укалайм. Тек гана балдарга эмес чоңдорго да диагнозуна жараша массаж жасап, дарылайбыз.

— Жапаровдун сүрөтү менен кошо жасалган коллаж эки күндөн бери соцтармактарда жайылып, колдонуучуларды таң калтырууда. Аны өзүңүз жасадыңыз беле?

— Жок, элдин баары окшоштурганынан коллаж сүрөттү карындашым жасап коюптур. Анан соцтармактагы активдүү колдонуучу деген бир кызга жибериптир. Ал биздин сүрөттү Instagram баракчасына жарыялап, ошондон жайылып кетти. Сүрөттү биринчи айым да көрүп, мени президентке окшоштурду деп уктум.

Гражданин Казахстана, медик Аскар Байдилда в офисе Sputnik Кыргызстан
© Sputnik / Жоомарт Ураимов
Аскар Байдилда: Садыр Жапаровдун өзүнө жолугуп, аны менен сүрөткө түшүп, баарлашкым келет. Эгер мындай мүмкүнчүлүк түзүлсө абдан кубанычта болмокмун

— Жапаров да соцтармактын активдүү колдонуучусу эмеспи. Сүрөттү көрсө керек.

— Балким. Садыр Жапаровдун өзүнө жолугуп, аны менен сүрөткө түшүп, баарлашкым келет. Эгер мындай мүмкүнчүлүк түзүлсө абдан кубанычта болмокмун.

— Сүрөтүңүз интернетке тарай баштаганда жазып, чалгандар да көбөйсө керек.

— Ооба. Баары эле "президентке куюп койгондой окшош экенсиз" деп жазып жатышат.

— Жеке жашооңуз да азыр көпчүлүккө кызык.

— 28 жаштамын. Ата-энем өмүр бою Казакстанда мамлекеттик кызматта иштешкен. Азыр ардактуу эс алууда. Үйлөнгөнүмө бир жыл болду. Келинчегим казак, азыр Бишкекте турабыз.

Баса, Садыр Жапаровдун улуу баласы да быйыл 28ге чыкмак экен. Ата-энем да ушул адамдар курактуу.

Белгилер:
Аскар Байдилда, президент, келбет, сүрөт, Садыр Жапаров
Тема боюнча
Садыр Жапаров жаштарды армияга барууга үндөп, аскердеги сүрөтүн жарыялады
Мектеп куруп берүүнү өтүнгөн балбайлык окуучу Жапаров менен сүйлөштү
Тез жардам кызматынын жанында турган дарыгер. Архив

COVID: 240 киши вирус жуктуруп, эки бейтап каза тапты

(жаңыланган 10:40 14.04.2021)
Кыргызстан боюнча коронавирус жуктургандардын саны 90 839га жетсе, анын ичинен 86 313ү сакайып кетти.

БИШКЕК, 14-апр. — Sputnik. Бир сутка ичинде өлкө боюнча коронавирус 240 кишиден табылып, 161 бейтап айыкты. Бул тууралуу Республикалык штабдан кабарлашты.

Айыккандар:

  • Бишкек шаары – 118;
  • Ош шаары – 4;
  • Чүй облусу – 21;
  • Ош облусу – 4;
  • Нарын облусу – 2;
  • Ысык-Көл облусу – 8;
  • Жалал-Абад облусу – 3;
  • Баткен облусу – 1.

Жуктургандар:

  • Бишкек шаары – 133;
  • Чүй облусу – 85;
  • Ош облусу – 5;
  • Талас обулусу – 4;
  • Нарын облусу – 1;
  • Ысык-Көл облусу – 10;
  • Баткен облусу – 2.

Ушуну менен өлкө боюнча коронавирус жуктургандардын саны 90 839га жетсе, анын ичинен 86 313ү сакайып кетти.

Акыркы суткада коронавирустан Бишкек шаарынын эки тургуну каза тапты. Аларды кошкондо пандемия башталгандан бери Кыргызстанда вирустан көз жумгандардын саны 1534кө жетти.

Белгилер:
статистика, коронавирус, Кыргызстан
Тема боюнча
Жакшы кабар! Казакстанда эки күндөн бери COVID жуктургандардын саны азаюуда
Тибеттик буддисттердин лидери Далай-лама. Архив

Далай-лама дүйнөнү аялдар башкарышы керектигин айтып, себебин түшүндүрдү

(жаңыланган 10:24 14.04.2021)
Тибеттин руханий лидери жетекчилик кызматты эркектер аркалап, аялдар алардын көлөкөсүндө калган түшүнүк эскиргенин, мындай ойду өзгөртүү керектигин айткан.

БИШКЕК, 14-апр. — Sputnik. Тибеттик буддисттердин лидери Далай-лама өлкө башчылардын арасына аялдар көбүрөөк кошулса дүйнө жүзү коопсуз болот деп эсептейт. Бул тууралуу РИА Новости жазды.

"Окумуштуулардын айтымында, аялдар табиятынан мээримдүү келет. Ааламда тынчтык болушу үчүн аялдар коомдо активдүү ролду ойноп, боорукерликти жайылтуу иши боюнча милдеттерди алышы керек. Дүйнөдө аял-жетекчилер бар. Алардын саны мындан да көп болсо дүйнө жүзү коопсуз болмок", — деген Далай-лама.

Ал жетекчилик кызматты эркектер аркалап, аялдар алардын көлөкөсүндө калган түшүнүк эскиргенин, мындай ойду өзгөртүү керектигин айткан. Бул үчүн аялдарга билимин тереңдетүүгө кеңеш берген.

"Аялдар менен эркектердин интеллектуалдык жөндөмүндө эч кандай айырмачылык жок жана бардык адамдар бирдей укуктарга ээ. Бизге жалпы адамзаттын биримдиги жана мээримдүүлүк, боорукерлик жөнүндө түшүнүк керек. Эркектер аялдарга, ал эми аялдар эркектерге муктаж, демек, биз тең болушубуз керек", — деген тибеттик буддисттердин лидери.

Мындан тышкары, ал бир нече жыл мурун "эгерде Далай-лама институту улана берсе, келечекте Далай-лама аял болуп төрөлүшү мүмкүн" деп айткандыгын эске салды.

Белгилер:
боорукерлик, башкаруу, Дүйнө, эркек, аял, Далай-лама
Тема боюнча
Далай-лама ачууну кантип жеңсе болорун айтып берди