Мектеп окуучулары. Архивдик сүрөт

Окуучулардын онлайн окууну таштайбыз деген талабы. Мэриянын жообу

(жаңыланган 17:50 27.02.2021)
Мэрияга балдар онлайн билим алуудан баш тартып, окубайбыз деген ниетин билдирип жатканы туурасында маалымат келип түшкөн.

БИШКЕК, 27-фев. — Sputnik. Бишкекте салттуу билим алууну жандандыруу маселесинде балдардын ден соолугуна кооптуулук жаралбайбы деген маселени карап, ошого жараша иш кылыш керек. Мэрия бир катар балдардын аралыктан билим алууну таштайбыз деген ниетине жогорудагыдай жооп кайтарды.

Мэрияга балдар онлайн билим алуудан баш тартып, окубайбыз деген ниетин билдирип жатканы туурасында маалымат келип түшкөн.

"Урматтуу ата-энелер, Бишкекте адаттагы форматта төрт класстын балдары гана окуп жатат, жакынкы күндөн тарта биз эки мектепти жаап, балдарды аралыктан билим алууга жиберүүгө аргасыз болдук. Себеби ал жайларда ооруп калган балдар жана мугалимдер болду", — деп эскертишти муниципалитеттен.

Мэриядан онлайн-окуунун балдар үчүн да, ата-энелер жана мугалимдер үчүн да кандай кыйын болгондугун түшүнүп жаткандыктарын айтышты.

"Бирок биз биринчи иретте балдардын өмүрүнүн жана ден соолугунун коопсуздугун карашыбыз керек! Андыктан бардык ата-энелерди 2020-2021-окуу жылында онлайн окууну азыркы абал талап кылып жаткандыгын, ден соолук,чыдамдуулук зарылдыгын балдарга болушунча жеткиликтүү кылып түшүндүрүүсүн суранабыз", — деп айтылат таратылган маалыматта.

Кечээ, 27-февралда, Бишкектеги мектептер менен бала бакчалардын 1-марттан тарта ачылбай турганы белгилүү болгон. Вице-мэр Айжан Чыныбаеванын айтымында, COVID менен күрөшүү боюнча Республикалык штаб азырынча уруксат бере элек.

Белгилер:
баш тартуу, окуу, окуучу, Бишкек, Кыргызстан
Тема боюнча
Министрлик: балдарын мектепке киргизе албай калгандарга комиссия жардам берет
1-мартта мектептер, бала бакчалар ачылабы? Вице-мэрдин жообу
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр

Кыргызстанга "Спутник V" вакцинасы кантип жеткирилди. Видео

(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.

Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.

"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.

Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.

"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.

Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.

"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.

Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Белгилер:
Алымкадыр Бейшеналиев, Артем Новиков, Николай Удовиченко, Спутник V, вакцина, Россия, Кыргызстан
Тема:
"Спутник V" вакцинасы
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты