Т. Сатылганов атындагы филармония. Архивдик сүрөт

Күн качан жылыйт? Жаздын алгачкы жумасына карата аба ырайы

Жаздын алгачкы үч күнүндө көпчүлүк аймактарда күн чайыттай ачылат, ал эми 4-марттан тарта абанын температурасы төмөндөй турганы айтылат.

БИШКЕК, 28-фев. — Sputnik. Кыргызгидромет агенттиги алдыдагы аптага карата аба ырайы тууралуу маалымат берди.

Ага ылайык, жаздын алгачкы күндөрү абанын температурасы жылый баштайт. Борбор калаа Бишкекте дүйшөмбүдөн шаршембиге чейин күн ачык болот. Ал эми бейшембиде түнкүсүн кар жаашы күтүлөт, күндүз кайра басылат.

Батыштан соккон шамалдын ылдамдыгы секундасына 4-9 метрге жетет.

Чүй, Талас облустары

1-2-март күндөрү жана 3-март түнкүсүн жаан жаабайт, күндүз кээ бир райондордо жамгыр, тоолуу райондордо кар жаашы күтүлөт. 4-мартта түнкүсүн көпчүлүк аймактарда, күндүз кээ бир жерлерде жаан жаайт.

Ош, Жалал-Абад, Баткен облустары

Өлкөнүн түштүк аймагында 1-2-мартта күн ачык бойдон турат. Бирок 3-мартта күндүз Жалал-Абад, Баткен облустарынын кээ бир райондорунда жамгыр жаап, тоолорго кар түшөт. Ош облусунда жаан-чачын күтүлбөйт.

4-мартта Жалал-Абад облусунун көпчүлүк аймактарында, Ош, Баткен облустарынын кээ бир райондорунда жаан жаайт.

Ысык-Көл облусу

1-3-март күндөрү жаан-чачын болбойт. Ал эми 4-мартта күндүн көзү бузулуп, кээ бир райондордо жамгыр жаап, тоолорго кар түшөт.

Нарын облусу

Жаздын алгачкы күнүнөн 3-мартка чейин күн ачык болот. 4-мартта түнкүсүн кээ бир райондордо жамгыр жаап, тоолуу жерлерде кар жаашы ыктымал.

Өлкө боюнча 5-6-мартка карата аба ырайынын жакындатылган болжолдоосу:

5-мартта түнкүсүн Ош, Жалал-Абад, Баткен, Нарын облустарынын көпчүлүк аймактарында, Чүй, Талас, Ысык-Көл облустарынын кээ бир райондорунда кар жаашы күтүлөт. Ал эми эртең менен жана күндүз көпчүлүк аймактарда жаан, кар, тоолуу райондордо кар жаайт. Абанын күндүзгү температурасы төмөндөйт.

6-мартта түнкүсүн кээ бир райондордо кар жаап, күндүз басылат. Абанын температурасы дээрлик өзгөрүлбөйт.

Белгилер:
Кыргызстан, аба ырайы, кар, жамгыр, аймак
Тема боюнча
Жаз кандай башталат? Мартка карата аба ырайы
Кыргызстандыктар март айында 10 күн эс алышы мүмкүн
Тибеттик буддисттердин лидери Далай-лама. Архив

Далай-лама дүйнөнү аялдар башкарышы керектигин айтып, себебин түшүндүрдү

(жаңыланган 10:24 14.04.2021)
Тибеттин руханий лидери жетекчилик кызматты эркектер аркалап, аялдар алардын көлөкөсүндө калган түшүнүк эскиргенин, мындай ойду өзгөртүү керектигин айткан.

БИШКЕК, 14-апр. — Sputnik. Тибеттик буддисттердин лидери Далай-лама өлкө башчылардын арасына аялдар көбүрөөк кошулса дүйнө жүзү коопсуз болот деп эсептейт. Бул тууралуу РИА Новости жазды.

"Окумуштуулардын айтымында, аялдар табиятынан мээримдүү келет. Ааламда тынчтык болушу үчүн аялдар коомдо активдүү ролду ойноп, боорукерликти жайылтуу иши боюнча милдеттерди алышы керек. Дүйнөдө аял-жетекчилер бар. Алардын саны мындан да көп болсо дүйнө жүзү коопсуз болмок", — деген Далай-лама.

Ал жетекчилик кызматты эркектер аркалап, аялдар алардын көлөкөсүндө калган түшүнүк эскиргенин, мындай ойду өзгөртүү керектигин айткан. Бул үчүн аялдарга билимин тереңдетүүгө кеңеш берген.

"Аялдар менен эркектердин интеллектуалдык жөндөмүндө эч кандай айырмачылык жок жана бардык адамдар бирдей укуктарга ээ. Бизге жалпы адамзаттын биримдиги жана мээримдүүлүк, боорукерлик жөнүндө түшүнүк керек. Эркектер аялдарга, ал эми аялдар эркектерге муктаж, демек, биз тең болушубуз керек", — деген тибеттик буддисттердин лидери.

Мындан тышкары, ал бир нече жыл мурун "эгерде Далай-лама институту улана берсе, келечекте Далай-лама аял болуп төрөлүшү мүмкүн" деп айткандыгын эске салды.

Белгилер:
боорукерлик, башкаруу, Дүйнө, эркек, аял, Далай-лама
Тема боюнча
Далай-лама ачууну кантип жеңсе болорун айтып берди
Зомбулук көрсөтүү. Иллюстративдүү сүрөт

Айтканы менен болуп, алдаңыз. Зомбулукка кабылган адам көрчү аракеттер

Эксперттердин айтымында, зөөкүр менен жашагандар үйдөн кетүүнүн планын иштеп чыгып алганы оң. Алгач жашай турчу жерин аныктап, өтө керектүү нерселерди жанына алып алуусу зарыл.

БИШКЕК, 14-апр. — Sputnik. Зомбулукка кабылган адам ден соолугуна жана өмүрүнө зыян келтирбеши үчүн кандай аракеттерди кылышы керектигин Республикалык ден соолукту чындоо жана массалык коммуникация борбору айтып берди.

Мекеменин эксперттерге таянып тараткан кеңешине ылайык, зөөкүр менен жалгыз калганда эң башкысы аман калуунун жана азыраак зыян тартуунун аракетин көрүү зарыл.

"Урушуп, талашуудан качып, айтканы менен болуп алдап көрүңүз. Ага да болбосо качыңыз, бирок шек алдырбаңыз. Анан милицияга чалыңыз же көчөдөгү элге кайрылыңыз. Окуя болгон жерге медиктерди да чакыртып, жаракаттарды каттатып калуу керек", — деп айтылат маалыматта.

Ал эми зөөкүр менен жашагандар үйдөн кетүүнүн планын иштеп чыгып алганы оң.

"Жакындардан, достордон же кризистик борборлордон баш калкалай турчу жай табыңыз. Паспорт сыяктуу керектүү документтерди чогултуңуз. Акча, дары-дармек, гигиеналык каражаттарды алып алыңыз", — деп жазылган маалыматта.

Буга чейин зомбулукка кабылгандар жана күбө болгондор үчүн аймактардагы кризистик борборлордун жана ички иштер башкармалыктардын номерлери тизмектелген.

Белгилер:
жардам, ден соолук, өмүр, зордук-зомбулук