Ишкер Айбек Кыштобаев

Кытайдагы бизнесимди 700 миң долларга сурашты. Кыргызстандык ишкер Айбектин баяны

558
(жаңыланган 13:05 28.02.2021)
Ишкер Айбек Кыштобаев Sputnik Кыргызстанга кеңири маек куруп, Кытай жана АКШда кантип бизнес ачканын, аны 700 миң долларга сатуудан эмне үчүн баш тартканын түшүндүрүп берди.

2017-жылы Кыргызстанга Стивен Сигал мейманга келгени эсиңиздеби? Ал эки максатты көздөгөн, АКШдагы кыргызстандыктар өткөргөн Asian World Film фестивалына колдоо көрсөтүп, III Дүйнөлүк көчмөндөр оюндарына катышмак. Ишкер Айбек Кыштобаев ошол Голливуд жылдызынын сапарын уюштурган.

— Стивен Сигалды Кыргызстанга келүүгө кантип көндүргөн элеңиз?

— Лос-Анджелесте жүргөн кезимде "Курманжан датка" чоң экранга чыгып калды. Аны "Оскар" сыйлыгына мыкты чет элдик фильм катары көрсөтүү тобунда элем.

Кандай жакшы тасма болсо да азиялык кинонун Голливудда популярдуулугу артып, жеңишке жетиши кыйын. Биздин ишке баа бериш үчүн өтө таасирдүү лоббисттер жана таанытуу боюнча кеңири кампания уюштуруу зарыл. Айланабызда андай лоббисттер жок эле, ошондуктан кыска убакыт ичинде болгон каалганы каккылап, Голливуддагы таасирдүү инсандардын, атап айтканда, продюсер жана режиссерлордун арасынан өнөктөштөрдү издедик.

Посмотреть эту публикацию в Instagram

Публикация от @aibek_kyshtobaev

Үмүтүбүз акталды, тасма көпчүлүккө жагып, бизди колдоого алышты. Чынында голливуддук топ кыргыздарга жана биздин өжөрлүгүбүзгө таң калышкан. Ал жакта бардык маселелер жай жана акырын чечилет, ал эми биз катуу дүбүрт менен кирип бардык. Аракетибизден майнап чыкты, ал тургай Шерон Стоун аталган тасманы "Оскарга" көрсөтүү кампаниясына катышкан. Иш аяктаганда Садык Шер-Нияз азиялык тасмалар да голливуд картиналары менен тең тайлашууга мүмкүнчүлүгү болсун деген ниетте Лос-Анджелесте Дүйнөлүк азиялык кинофестиваль уюштурууну сунуштаган.

Пандемияга дейре фестивалды жыл сайын өткөрчүбүз, ага Фрида Пинто, Мэрием Үзерли, Люси Лиу, атүгүл Анжелина Жоли өңдүү көптөгөн дүйнөлүк жылдыздар катышкан.

Дал ушул фестивалдын алкагында биз Кыргызстанга Стивен Сигалды чакырдык. Бизде анын күйөрмандары көп экенин айттык, ал чын дилден макул болду. Стивен Көчмөндөр оюнуна жакын келди, аны эң жогорку деңгээлде тосуп алдык.

Посмотреть эту публикацию в Instagram

Публикация от @aibek_kyshtobaev

— Иш пландагандай болбой калган учурлар болдубу?

— Дүйнөлүк көчмөндөр оюндарынын ачылышында бир кызык окуя болду. Стивен чоң аргымак минип чыкмак. Бир нерсе болуп, ат ансыз кетип калат... Бул бардык машыгууларга туруштук бере алган күчтүү күлүк эле. Сигал көлөмдүү киши, чыныгы болбосо да зоот-шаймандары менен чыкмак...

Уюштуруучулар убакыт өтүп жаткандыктан Стивенди башка атка мингизип чыгарышты. Мен ошол иш-чараны уюштуруучулар менен кошо ат жыгылып калбагай эле, жылдызды акырына чейин көтөрө алса экен деп тилендим. Анткен менен аягы жакшы бүткөн.

— Кытайда бизнес ачыптырсыз. Чет өлкөдө жеке иш баштоо татаал болдубу?

— Бизнес ачардан мурун ШКУ программасы боюнча Сиандагы Түндүк-Батыш университетинде эки жыл окудум. Аны аяктагандан кийин Казакстанга жөнөп, ири компанияга ишке орноштум. Кызматымдан тез өйдөлөдүм, бирок Кытайда да иштей алмакмын деген ой дегеле кое бербей, күчтүү экономикалуу жана өндүрүшү бар бул өлкө мени өзүнө тартып туруп алды. Өнүгүү келечегин баамдап, бул державада иштөө кызыктуу деп чечтим. Мени корпорациядан кое бергилери келбеди, бирок айтканымдан кайтпай жумуштан кеттим.

Кытайда тышкы экономикалык ишмердик жүргүзчү компанияга ишке орноштум. Жөнөкөйлөтүп айтканда, КЭРде өндүрүлгөн нерселердин баарын дүйнөлүк рынокто сатуу менен алектенет.

Жарым жыл ичинде көптү үйрөндүм, кийин өз ишимди ачууну чечтим. Мурдагы жетекчим жакында анын түз атаандашы болорумду айтып тамашалап калчу... Айтор, ошондой эле болду. Компания ачуу үчүн баштапкы капитал керек, досумдан карыз алдым. Кеңсе ачууга каражат болбогондуктан үйдөн иштедим. Бара-бара жардамчыларым пайда болду, бирок ашкана жана конок бөлмөм мурдагыдай эле кеңсе бойдон кала берди. Абдан ыңгайсыз эле, ошондуктан көп өтпөй чакан кеңсеге чыктык. Бир аз убакыттан кийин андан жакшыраак, кененирээк жайга көчтүк... Кийин Россия, Казакстан жана Кыргызстанда филиал ачтым.

Бизнесмен Айбек Кыштобаев на радио Sputnik Кыргызстан
© Sputnik / Табылды Кадырбеков
Бизнесмен Айбек Кыштобаев

— Ишканаңыз кантип акча тапчу?

— Кытай — бул ири өндүрүштүк база, көпчүлүк бул держава менен иштешкиси келет. Россия жана Казакстанда өндүрүш кармоо сырьенун, эмгек ресурстарынын кымбаттыгынан, ыңгайсыз салык саясатынан улам пайдасыз. Ошондуктан көпчүлүк бизнесмендер Кытайдан ынанымдуу өнөктөштөрдү издешет. Ал эми айрымдары өз өндүрүшүн ал жакка көчүрүүнү туура көрүшөт.

Адегенде менин ишканам КЭРдеги бизнестин дээрлик бардык чөйрөсүн — билим берүү менен туризмден тарта медицина жана товар өндүрүүгө чейинки тармактарды камтууга аракет кылган.

Кайсы бир мезгилден кийин иш тартиби анчалык эффективдүү түзүлбөгөнүн, көп күч жумшап, ар кыл багыттарга чарпылып, бирок натыйжада тийиштүү жыйынтыкка ээ боло албай жатканымды түшүндүм. Тыкыр талдап чыккан соң экинчи даражадагы бир нече багыттан баш тартып, негизгилерине гана басым жасоону чечтим. Көп жылдан кийин Ричард Кохтун "80/20 эрежеси" деген китебин окуп чыгып, убагында туура чечим кабыл алганыма дагы бир ирет ынандым.

Бардык тармактарда адис боло албай турганыңды билгениң оң. Мисалы, сага медициналык жабдыкка буюртма беришсе, сен аны жакшы билүүгө тийишсиң. Эгер кокус буюртмачыга жараксыз товарды берсең, буюртмачы да, компаниянын бедели да жабыр тартат. Бөркүңүздөй көрүңүз, бул чоң көйгөй. Ошондуктан жоопкерчилигин алууга күчүбүз жеткен өндүрүмдөрдүн категориясын тандап алдык.

Биз өлкөлөрдүн дээрлик бардыгындагы объектилерди толук жабдууга басым жасадык. Ар кандай шаарларда ири отель, ресторан жана мейманкаларды ачтык. Бардык жабдуулар Кытайдан биздин көзөмөлүбүздө алып келинчү. Кардарлар европалык өлкөдөгүлөргө караганда арзан, бирок сапаттуу ишке ыраазы болушту.

— Маектериңиздин биринде бизнесиңизди сатып алууга кызыккандар болгонун айттыңыз эле. Канчага баалашты?

— 700 миң доллардын тегерегинде. Компаниямды саткым келбеди, анткени ага көп күч, каражат жумшадым, бүт дитимди койгом.

Кеңселер иштеп, кампалар курулуп, адистер тандалып, кардар жана өндүрүшчүлөрдүн чоң базасы түзүлүп, логистика жолго коюлган. Балким кайсы бир кезде сатууга чыгынат чыгармын, бирок ошондо баш тарткам. Өзүң жараткан нерседен айрылуу абдан оор.

Бизнесмен Айбек Кыштобаев на радио Sputnik Кыргызстан
© Sputnik / Табылды Кадырбеков
Бизнесмен Айбек Кыштобаев

— Пандемия сиздин ишиңизге кандай таасир этти?

— Дээрлик бүт дүйнө кытайлык өндүрүшчүлөрдөн көз каранды, ал эми КЭР, сиздер билгендей, эпидемиянын айынан дүйнөдөн оолак калды. Жабдууларды ташуу системасы үзгүлтүккө учурады. Ири компаниялар өндүрүштүн бир бөлүгүн Түштүк Америкага, Вьетнам жана башка мамлекеттерге ташый баштады.

Жоготууларыбыздын көлөмүн так айта албайм, бирок пайыздык катнашта бааласак, компаниянын айлантуу жана кирешеси 70 пайызга төмөндөдү. Мындан ары эмне болору да түшүнүксүз. Бизнести диверсификациялоону биринчи орунга койгонум бизди сактап калды.

АКШда жүргөндө башка бир нече бизнес долбоорун ачып, ал ортодо Калифорния университетинде ортоңку жана жогорку звенодогу менеджерлерди, ошондой эле ишкерлерди даярдоочу — Master of Business Administration программасын аяктоого да үлгүрдүм. Бул менин мейкиндиктеримди кыйла кеңейтти.

Бизнесмен Айбек Кыштобаев на радио Sputnik Кыргызстан
© Sputnik / Табылды Кадырбеков
Бизнесмен Айбек Кыштобаев

— Америкада бизнес түптөө аябай татаал жана асман чапчыган каражат керек деп ойлогом...

— Баш багуу кымбатка түшөт, бирок бизнес жүргүзүү анчалык татаал эмес. Мамлекет рынокко кирүүнүн ыңгайлуу болушу үчүн бардык шарттарды түзүп берет. Такси кызматын ачуу үчүн 100 миң доллардай каражат кетти.

Бизнес кызыктуу, бирок нервди жеп түгөтчү, болжоп болгус багыт экен. Бир жарым жылдан кийин бул иште адам фактору биринчи орунда экенин аңдап, сатып жибергеним туура деген чечимге келдим. 150 миң долларга макулдашып, ачыгын айтсам, алда канча жеңилдей түшкөм.

Көп өтпөй Amazon бир нече интернет-дүкөнүн ачтым. Бул — бизнеске бардык шарттарды камсыздап берген абдан ыңгайлуу электрондук аянтча.

Кытайлык ишкерлер жана ортомчулар өз өндүрүмдөрүн саткан Alibaba бар. Amazon аянтчасындагы дүкөн жана сатып алуучулар Alibaba платформасынан товар сатып алып, үстүнө кошуп сатышат. Кытай өндүрүшчүлөрүнө түз чыга алгандыктан түйүндөрдү кыскартып, маржиналдуулукту (товардын сатылган баасы менен анын өздүк наркына жумшалган чыгымдарды каттаган экономикалык категория — ред.) көбөйттүм.

Мунун артыкчылыгы — товар ортомчуларсыз сатып алынат. Мындайда өндүрүмдүн өздүк наркы атаандаштардыкына караганда төмөн, ал эми сапат өндүрүштү көзөмөлдөөнүн эсебинен жогору болот. Анан албетте, жолго салынып калган логистиканын да пайдасы тийди. Сөз кезеги келгенде айтып коеюн, ошол тушта АКШнын фондулук жана инвестициялык рынокторуна кызыга баштадым.

Эксперттер алгачкы жылдары жаңы трейдерлердин 99 пайызы өз капиталдарынан кол жууйт дешсе да мен аны алигүнчө сактап гана чектелбестен, инвестицияны көбөйтө алдым.

Кеңири таанылган ишканалардын мага кызыгы жок, мен маселен Amazon, Facebook, Apple компанияларынын акцияларын сатып албайм. Аты көп чыга элек ишканалардын кагаздары менен иштөөдө пайда табууга болот. Потенциалы бийик тийиштүү бааланбаган акцияларга салым салууну эп көрөм. Андайларды тандоо үчүн бизнес-инкубаторлордо өсүп келип, кийин IPO (акционердик коомдун акцияларынын алгачкы ачык сатыгы — ред.) инновациялык өндүрүмдөрү менен чыккан компанияларды изилдеп турам.

Бизнесмен Айбек Кыштобаев на радио Sputnik Кыргызстан
© Sputnik / Табылды Кадырбеков
Бизнесмен Айбек Кыштобаев

— Мынчалык кылдат ыкмаларга карабастан акча жоготкон учуруңуз болгондур. Эң чоң сумманы атай аласызбы?

— Маселен, "насыялык жөлөк" деген түшүнүк бар, брокерлер акча карыздоого мүмкүнчүлүк беришет. Менин балансымда 50 миң доллар бар дейли, "мага бирөө жөлөк болуп" берсе, жүз миң менен иштей алам. 40 миң долларга чейин жоготуп же жолум болгон келишимде 70 миңге чейин тапкан учурларым болгон.

Акциялар менен соода жүргүзүүдөн мурун бир нерсени так түшүнгөн оң, рынокту ийне-жибине чейин изилдеп, механизмдердин бардыгы менен таанышып алуу абзел. Тилекке каршы, көп адамдар билип-билбей туруп акча салып, алып сатарлык менен алектенүүнү ылайык көрүшөт. Азыр бардык ишкерлер үчүн оор мезгил. Пандемиядан улам кытайлык бизнес токтоп, америкалык долбоорлор туруп калды. Албетте, Amazon аянтчасын кошпогондо...

Кыргызстандагы бизнести айлантуу (Бишкекте менин бир нече жайым бар) 60-70 пайызга кыскарды.

— АКШ же Кытайда жашап калсаңыз деле болмок да, бирок мекенге кайттыңыз. Буга эмне себеп?

— Менин үйүм, жакындарым, тамырым бул жакта. Бекем, гүлдөгөн мамлекет, акыл-эстүү коом куруп, өз потенциалыбызды өнүктүрө аларыбызга ишенем.

558
Белгилер:
система, логистика, соода, акча, рынок, акция, АКШ, Кытай, бизнес, ишкер
Тема боюнча
Ишкерлер эмнеден ката кетирет? Бишкектик бухгалтер агынан жарылганда
Ишкер Билимбеков: АКШда ачкан рестораныбыздын жасалгасын Кыргызстандан жасаттык

Эл ырчысы Эстебес Турсуналиев 90 жашка чыкмак. Акындын сүрөттөгү элеси

12
  • Эстебес Турсуналиев 1931-жылы 5-майда Талас облусунун Манас районуна караштуу Кара-Арча айылында өнөрпоздордун үй-бүлөсүндө туулган
  • Төкмө акындын энеси Арпаян элдик оозеки чыгармачылыгын мыкты билген жомокчу жана кошокчу болгон
  • Эстебес Турсуналиевдин жубайы Райкүл Деркембаева кыздары жана неберелери менен
  • Улуу талант төкмөлүктөн тышкары балык уулаганды да абдан жакшы көрчү
  • Турсуналиев фольклордук топ менен бирге Индия, Бельгия, Швеция, Франция жана Япония сыяктуу ондогон өлкөлөрдө гастролдо болгон.
  • Эстебес Турсуналиев менен Токтосун Тыныбеков экөө элүүдөй айтыштарды жараткан
  • Жубайы Райкүл апа менен сегиз баланын ата-энеси болушкан
  • Улуттук филармонияда эмгектенип жүргөн кезинде Эл ырчысы Эстебес фольклордук тобун уюштуруп, жетектеп, кыргыздын бир топ таланттуу уул-кыздарын тарбиялаган
  • Төкмө 1967-жылдан бери СССР Жазуучулар союзунун мүчөсү болгон. Токтогул Сатылганов атындагы мамлекеттик жана эл аралык Руханият сыйлыктары, Кыргыз ССРинин Жогорку Советинин Ардак грамоталары ыйгарылган.
  • Улуу жазуучу Чыңгыз Айтматов менен да пикирлеш болгон
  • Акын Кыргыз ССРинин жана СССРдин эл артисти. Жогорку Кеңештин биринчи чакырылышында депутаттыкты аркалаган
  • СССРдин эл артисти Эстебес Турсуналиев көзү тирүү болгондо быйыл 90 жашка чыкмак. Залкар акын 2005-жылы 11-октябрда 74 жаш курагында дүйнө салган.
Кыргыз элинин залкар төкмөлөрү Калык Акиев, Осмонкул Бөлөбалаев, Алымкул Үсөнбаев баштаган акындардын шакирти аталган төкмө Эстебес Турсуналиев көзү тирүү болгондо быйыл 5-майда 90 жашка чыкмак.

Эстебес Турсуналиев 1931-жылы 5-майда Талас облусунун Манас районуна караштуу Кара-Арча айылында туулган. Атасы Турсуналы мыкты комузчу, апасы Арпаян укмуш кошокчу болгон. Бул киши тогуз жашынан комуз черте баштаган экен. Атасы да мыкты комузчу болгондуктан айылдагы комузду жакшы чапкан кишиге айтып, уулуна атайын комуз чаптырып берет.

Апасы көп бала төрөсө да, балдары токтобой жүрүп, акыры бир уул, бир кыздуу гана болушкан экен. Ошондон улам Эстебес Турсуналиевдин жалгыз бир тууганы, эжеси гана болгон.

Акындын бала чагы согуштан кийинки кыйын заманга туш келет.

"Апасы кырманда иштеп, Эстекем кенедейинен атка минип мала тартыптыр. Бир жолу Алымкул Үсөнбаев айылга барып калып, Эстекемди ырдатып көрүп жактырат. Ошентип 14 жашында филармонияга алып келген экен. Ошол убакта филармонияда Осмонкул Бөлөбалаев, Шекербек Шеркулов, Ысмайыл Борончиев, Токтоналы Шабданбаев, Абды Байсабаев өңдүү залкарлар иштеп турат. Алымкул аксакал Эстебести алардын алдында ырдатат. Осмонкул Бөлөбалаев ырын угуп эле "ой Алыке, бул балаңды мага бер" деп сурап, шакирт кылып алат. Алымкул Үсөнбаев ал кезде депутат болуп, командировкага да көп чыкчу эмес да. Осокем ырдап жатканда Эстекем көрүүчүлөрдүн алдыңкы сабына отуруп алчу экен", — деп эскерет жубайы Райкүл Деркембаева.

Убагында залкарларга шакирт болгон Эстебес Турсуналиев кичи мекени Таластан төкмө акын Амантай Кутманалиевди жана ырчы Малик Аликеевди борборго алып келген. Бала кезинде филармонияга келген таланттар учурда КРдин эмгек сиңирген артисти болууга жетишти.

Эстебес Турсуналиев филармониядагы 60 жылга чукул чыгармачылык өмүрүндө төкмөлүк өнөрдү айкалыштырып, "Акындын үнү", "Айтыштар", "Заман жарчысы", "Эскерүүлөр", "Ыр өмүрүм", "Кайыңды" аттуу китептерин жарыкка чыгарган.

Ага "Кыргыз мамлекеттик консерваториясынын фольклор бөлүмүнүн профессору" деген наам ыйгарылган.

"Ардак белгиси" ордени, "1941-1945-жылдардагы Улуу Ата Мекендик согуштагы каарман эмгеги үчүн", В.И.Лениндин туулган күнүнүн 100 жылдыгынын урматына "Каарман эмгеги үчүн" медалы, Кыргыз ССРинин Жогорку Советинин Ардак грамоталары менен сыйланган.

Жубайы Райкүл Деркембаева экөө алты уул, эки кызды тарбиялаган. Балдары да чыгармачылыкка жакын.

Төкмө акын 2005-жылы 11-октябрда кан басым оорусунан 74 жаш курагында дүйнө салган.

 

12
  • Эстебес Турсуналиев 1931-жылы 5-майда Талас облусунун Манас районуна караштуу Кара-Арча айылында өнөрпоздордун үй-бүлөсүндө туулган
    © Sputnik / Георгий Зельма

    Эстебес Турсуналиев 1931-жылы 5-майда Талас облусунун Манас районуна караштуу Кара-Арча айылында өнөрпоздордун үй-бүлөсүндө туулган

  • Төкмө акындын энеси Арпаян элдик оозеки чыгармачылыгын мыкты билген жомокчу жана кошокчу болгон
    © Фото / из семейного архива Турсуналиевых

    Төкмө акындын энеси Арпаян элдик оозеки чыгармачылыгын мыкты билген жомокчу жана кошокчу болгон

  • Эстебес Турсуналиевдин жубайы Райкүл Деркембаева кыздары жана неберелери менен
    © Фото / из семейного архива Турсуналиевых

    Эстебес Турсуналиевдин жубайы Райкүл Деркембаева кыздары жана неберелери менен

  • Улуу талант төкмөлүктөн тышкары балык уулаганды да абдан жакшы көрчү
    © Фото / из семейного архива Турсуналиевых

    Улуу талант төкмөлүктөн тышкары балык уулаганды да абдан жакшы көрчү

  • Турсуналиев фольклордук топ менен бирге Индия, Бельгия, Швеция, Франция жана Япония сыяктуу ондогон өлкөлөрдө гастролдо болгон.
    © Фото / из семейного архива Турсуналиевых

    Турсуналиев фольклордук топ менен бирге Индия, Бельгия, Швеция, Франция жана Япония сыяктуу ондогон өлкөлөрдө гастролдо болгон.

  • Эстебес Турсуналиев менен Токтосун Тыныбеков экөө элүүдөй айтыштарды жараткан
    © Фото / из семейного архива Турсуналиевых

    Эстебес Турсуналиев менен Токтосун Тыныбеков экөө элүүдөй айтыштарды жараткан

  • Жубайы Райкүл апа менен сегиз баланын ата-энеси болушкан
    © Фото / из семейного архива Турсуналиевых

    Жубайы Райкүл апа менен сегиз баланын ата-энеси болушкан

  • Улуттук филармонияда эмгектенип жүргөн кезинде Эл ырчысы Эстебес фольклордук тобун уюштуруп, жетектеп, кыргыздын бир топ таланттуу уул-кыздарын тарбиялаган
    © Фото / из семейного архива Турсуналиевых

    Улуттук филармонияда эмгектенип жүргөн кезинде "Эл ырчысы Эстебес" фольклордук тобун уюштуруп, жетектеп, кыргыздын бир топ таланттуу уул-кыздарын тарбиялаган

  • Төкмө 1967-жылдан бери СССР Жазуучулар союзунун мүчөсү болгон. Токтогул Сатылганов атындагы мамлекеттик жана эл аралык Руханият сыйлыктары, Кыргыз ССРинин Жогорку Советинин Ардак грамоталары ыйгарылган.
    © Фото / из семейного архива Турсуналиевых

    Төкмө 1967-жылдан бери СССР Жазуучулар союзунун мүчөсү болгон. Токтогул Сатылганов атындагы мамлекеттик жана эл аралык "Руханият" сыйлыктары, Кыргыз ССРинин Жогорку Советинин Ардак грамоталары ыйгарылган.

  • Улуу жазуучу Чыңгыз Айтматов менен да пикирлеш болгон
    © Фото / из семейного архива Турсуналиевых

    Улуу жазуучу Чыңгыз Айтматов менен да пикирлеш болгон

  • Акын Кыргыз ССРинин жана СССРдин эл артисти. Жогорку Кеңештин биринчи чакырылышында депутаттыкты аркалаган
    © Фото / из семейного архива Турсуналиевых

    Акын Кыргыз ССРинин жана СССРдин эл артисти. Жогорку Кеңештин биринчи чакырылышында депутаттыкты аркалаган

  • СССРдин эл артисти Эстебес Турсуналиев көзү тирүү болгондо быйыл 90 жашка чыкмак. Залкар акын 2005-жылы 11-октябрда 74 жаш курагында дүйнө салган.
    © Фото / из семейного архива Турсуналиевых

    СССРдин эл артисти Эстебес Турсуналиев көзү тирүү болгондо быйыл 90 жашка чыкмак. Залкар акын 2005-жылы 11-октябрда 74 жаш курагында дүйнө салган.

Белгилер:
сүрөт, төкмө акын, Райкүл Деркембаева, Эстебес Турсуналиев
Тема боюнча
Ашыгына алоолонуп араң жеткен акын. Жолон Мамытов тууралуу 7 факты
Кеңсе. Архив

"Кумтөрдүн" кеңсеси тинтүүгө алындыбы? Расмий жооп

73
(жаңыланган 18:39 15.05.2021)
Соңку күндөрү алтын казуучу компаниянын айланасында ар кандай териштирүү, анын катарында соттук иштер да жүрүп жатат. Мындан сырткары, компаниянын ишмердүүлүгүн текшерген мамлекеттик комиссия да иш алып барууда.

БИШКЕК, 15-май — Sputnik. "Кумтөр голд компани" ишканасына карата тергөө иш-чаралары жүрүп жатат. Бул тууралуу Улуттук коопсуздук комитетинин маалымат кызматы билдирди.

Айрым ЖМКлар жазгандай, УКМКнын кызматкерлери бүгүн компаниянын кеңсесине тинтүү жүргүзүп, тиешелүү документтерди алышкан.

Тоо-металлургиялык профсоюзунун борбордук комитетинин төрагасы Элдар Тажибаев да "Кумтөдө" тинтүү жүрүп, документтер алынганын белгиледи.

Анын айтымында, мунун компанияга тышкы башкаруу киргизүү тууралуу мыйзамга тиешеси жок. Маселе мурда козголгон кылмыш ишине байланыштуу болууда.

УКМКнын маалымат кызматы тергөө амалдары жүрүп жатканын билдирип, окуя тууралуу маалымат берүүдөн, ошондой эле мекеменин кеңсесине тинтүү жүргүзүлгөнү тууралуу суроого жооп берүүдөн баш тартты.

"Кумтөр" боюнча абал

7-май күнү Бишкек шаарынын Октябрь райондук соту "Кумтөр Голд Компани" ишканасын экологияга тийгизген залакасы үчүн деп мамлекетке 261 миллиард 719 миллион 674 сом (3 миллиард доллардан көбүрөөк) төлөөгө милдеттендирген.

Ага чейин Жогорку Кеңеш министрлер кабинетине ишкананы сырттан башкарууга мүмкүндүк бере турган мыйзам долбоорун жактырган. Өлкө президенти Садыр Жапаров 14-майда бул мыйзамга кол койгон.

Мындан улам канадалык Centerra Gold Inc. компаниясы Кумтөр кенине байланышкан окуяга комментарий берген.

11-май күнү УКМК "Кумтөр голд компани" ишканасынын жетекчилери Кыргызстандан чыгып кеткенин билдирди.

Ал арада "Кумтөрдүн” ишин иликтеген мамкомиссия Centerra Gold Ink менен кенге байланыштуу бардык келишимдерди жокко чыгарууну сунуштады.

Анда 3,086 миллиард экологиялык зыян жана 1,166 миллиард салык төлөмдөрү боюнча, жалпысынан 4,3 миллиард доллар доо арыз берүү каралган.

Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

73
Белгилер:
жооп, УКМК, тинтүү, кеңсе, Кумтөр
Тема:
"Кумтөргө" 3 миллиард доллар айып салынышы
Тема боюнча
Жапаров: "Кумтөргө" тышкы башкаруу үч жылга киргизилиши мүмкүн
Канада менен Улуу Британиянын элчиликтери Кумтөр боюнча билдирүү жасады