Жемиш себети. Архив

Адам бир күндө жашылча менен жемишти канча көлөмдө жеш керек

Америкалык окумуштуулар жүз миңден ашуун кишинин тамактануусуна байкоо салып, өнөкөт оорулары менен эрте өлүм тобокелдигин эмнелер азайта аларына кызыгышкан.

БИШКЕК, 2-мар. — Sputnik. Ден соолукта болом дегендер күн сайын эки порция жемиш жана үч порция жашылча жеши керек. Бул тууралуу РИА Новости америкалык диетологдорго таянуу менен жазды.

АКШ адистери жүрөк-кан тамыр оорулары жана ракты алдын алуу максатында туура тамактануунун сунуштарын иштеп чыккан.

Авторлор жүз миңден ашуун киши катышкан 1984-жылы жана 2014-жылы жүргүзүлгөн эки изилдөөнү анализдеп көрүшкөн. Анда ар үч-төрт жыл сайын катышуучулардын тамактануусу тууралуу маалымат чогултуп турушкан.

"Бардык изилдөөнүн жыйынтыгы жашылча менен мөмө-жемиштерди көп жеген адамдар өнөкөт ооруларга, анын ичинде жүрөк-кан тамыр оорулары менен ракка аз чалдыгарын көрсөткөн. Бул оорулар өлүмдү эрте чакырары белгилүү. Адамга бул азыктардын беш порциясы гана жетет, ушул ченем көбүрөөк пайдалуу. Андан ашырып кереги жок", — деген окумуштуулар.

Ошол эле учурда адистер бардык эле жашылча менен жемиштердин пайдасы жок экенин айткан. Маселен, крахмалы көп картошка, буурчак жана кукуруза, ошондой эле мөмөдөн даярдалган ширелер өнөкөт оорулар менен өлүм тобокелдигин азайта албайт.

Жашыл жалбырактуу жашылчалар, анын ичинде шпинат, капуста, мындан сырткары, бета-каротин менен С витаминине бай сабиз, цитрус өсүмдүктөрү, мөмөлөр ден соолукка пайдалуу болуп саналат.

Белгилер:
өлүм, оору, ден соолук, жемиш, жашылча, диетолог
Тема боюнча
Дайыма чарчап жүрөсүзбү? Невролог абалдан чыгуунун жолун айтты
Беш айда 40 килограммга арыктаган аял салмак таштоонун сырын ачты
Кыздар көчөдө бара жатат. Архив

Дүйшөмбүгө карата аба ырайы

Дүйшөмбүгө караган түнү Талас, Жалал-Абад жана Баткен облустарынын кээ бир райондорунда жамгыр, тоолуу жерлеринде кар жаашы күтүлөт.

БИШКЕК, 11-апр. — Sputnik. 12-апрелде күндүз Баткен облусунун айрым райондорунда жаан, тоолуу аймактарында кар жаайт. Калган жерлерде күн ачык болот. Бул тууралуу Кыргызгидромет билдирди.

Бийик тоолуу райондордо жол тайгак болот. Батыштан соккон шамалдын ылдамдыгы секундасына 4-9 метрге жетет.

Абанын температурасы Чүйдө +19...+24, Талас өрөөнүндө +17...+22, Ош, Жалал-Абад жана Баткен облустарында +20...+25, Ысык-Көл жана Нарын жергесинде +13...+18 градус болору айтылды.

Күндүн табы Бишкекте +22...+24, Ошто +23...+25 градуска көтөрүлөт.

Белгилер:
Кыргызстан, апрель, аба ырайы
Тема боюнча
Кайра суук болбойбу? Бир жумага карата аба ырайы
Ош шаары. Архив

Ош шаардык кеңешине шайлоо: алдыда 4 партия баратат

(жаңыланган 20:59 11.04.2021)
Бүгүн, 11-апрелде, Кыргызстанда шаардык жана айылдык кеңештерге шайлоо болуп өттү. Саат 20:00дө добуш берүү аяктап, алдын ала жыйынтыктары чыгууда.

БИШКЕК, 11-апр. — Sputnik. Автоматтык эсептөө урналарынын (АСУ) алдын ала жыйынтыгына караганда, Ош шаардык кеңешине ат салышкан партиялардын төртөө алдыда бара жатат.

Азыркы тапта АСУ добуш бергендердин 80 пайыздан ашык добушун эсептеди. Ага ылайык, төмөнкү партиялар алдыда:

  • "Ата-Журт Кыргызстан" саясий партиясы — 48.82%
  • "Улуттар биримдиги элдик партиясы" саясий партиясы — 17.79%
  • "Ыйман нуру" адилеттүүлүк жана ѳнүгүү саясий партиясы — 7.96%
  • "Ынтымак" саясий партиясы — 7,03%
Белгилер:
жыйынтык, шайлоо, Ош, Кыргызстан
Тема:
Жергиликтүү кеңештерди шайлоо
Тема боюнча
Жаңы Конституциянын долбоорун канча киши колдоду. АСУ эсеби
Референдумдун алдын ала жыйынтыгы чыгып, жаңы Конституция колдоо тапты
Бишкек шаардык кеңешине 6 партия өттү. Алдын ала жыйынтык