Жасмык шорпосу. Архив

Ден соолукка пайдалуу шорпо аталды

Адис белоктуу гана эмес клетчаткалуу шорпо даярдоо үчүн жашылчаларды кошуу керектигин айткан. Маселен, жасмык менен эт экөө тең белок болуп саналат.

БИШКЕК, 3-мар. — Sputnik. Жасмыктан жасалган шорпо ден соолукка өтө пайдалуу болуп эсептелерин РИА Новости жазды.

Диетолог Ольга Деккер жасмык шорпосу белокко бай экенин белгилеген.

"Жасмыкта 12 амин кычкылдыктары бар. Шорподо өсүмдүк белогунан тышкары малдын белогу болсун дегендер эт кошсо болот, ашыктык кылбайт. Бул шорпо клетчаткага да бай болгондуктан ден соолукту чыңдайм дегендер ичиши керек", — деген ал.

Ошондой эле эт, жашылчанын түрү менен кайнатылган шорпо да абдан пайдалуу болуп саналат. Эттин өзүнө караганда жашылча аралаштырса белоктуу жана клетчаткалуу шорпо болору айтылды.

Белгилер:
ден соолук, жашылча, эт
Тема боюнча
Шорпонун пайдалуулугу тастыкталды. Күтүлбөгөн жыйынтык
Далилдүү медицина боюнча адис Бермет Барыктабасова. Архив

Барыктабасова: "Ысык-Көл тамыры" элдин саламаттыгын коркунучка кептейт

(жаңыланган 13:26 16.04.2021)
Бермет Барыктабасова "Ысык-Көл тамырынын" кайнатмасын колдонуп же коронавируска каршы дары катары жазып бере турган болсок, расмий медицина кыйроого учурарын айтат.

БИШКЕК, 16-апр. — Sputnik. "Ысык-Көл тамырынын" кайнатмасын пайдалануу элдин саламаттыгын коркунучка алып келет. Бул тууралуу Sputnik Кыргызстан агенттигинин кабарчысына далилдүү медицина боюнча адис Бермет Барыктабасова билдирди.

Буга чейин саламаттык сактоо жана социалдык өнүктүрүү министри Алымкадыр Бейшеналиев аталган чөптүн тундурмасын журналисттерге маалымат жыйынын берип жатып ичерин айткан.

"Ысык-Көл тамырынын" кайнатмасын колдонуп же коронавируска каршы дары катары жазып бере турган болсок, расмий медицина кыйроого учурайт. Мен бул аракеттерди Кыргызстандын медицина тармагына чабуул катары баалайм. Бир эле учурда "Жарандардын саламаттыгы жөнүндө", "Дары-дармек каражаттары жөнүндө" бардык медициналык мыйзамдар бузулат. Бул медиктер коомчулугунун бетине түкүргөнгө барабар. Анда медициналык ЖОЖдор менен илимий борборлорду жаап салуу керек", — деди Барыктабасова.

Ал "Ысык-Көл тамыры" Дары-дармектер менен камсыздоо боюнча департаменттен каттоодон өтмөйүнчө мыйзамсыз болуп эсептелерин кошумчалады.

"Каттоодон өткөрөбүз десек, жаныбарлардын организминде сыноолор болгонбу же болгон жокпу деген суроо берилет. Эл арасында муну иттерди жана эчкилерди өлтүргөн чөп экенин баары билет. Бардык адамдар муну уу деп таанышат. Таңгагында толук нускамасы жазылышы керек, албетте азыр ал жок", — деди адис.

Барыктабасованын айтымында, "коронавирусту дарылоо боюнча бешинчи протоколго чет элдик адистер толгон-токой бизге белгисиз дарыларды кошууну сунуштаган. Бирок кыргыз медиктери ага каршы турушкан".

"Эми минтип өз министрибиз өлкөдөгү эң уулу көптү кошкусу келип жатат. Ансыз деле коронавирус организмди өтө ууландырган вирус. Биз анын үстүнө кошул-ташыл кылып салбайбызбы. "Ысык-Көл тамыры" элдин саламаттыгына коркунуч жаратат", — деди ал.

Уу коргошун чуусу

Буга чейин президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй социалдык тармактагы баракчасына он-чакты киши атайын аппараттын жардамы менен бөтөлкөлөргө саргыч түстөгү суюктукту куюп жаткан видео жарыялаган. Анда бөтөлкөлөрдүн сыртында "Уу коргошун" жана "Иссык-Кульский корень" деген жазуулар бар экенин көрүүгө болот.

Республикалык клиникалык жугуштуу илдеттер ооруканасындагы дарыгер
© Пресс-служба президента КР / Султан Досалиев
Дүйнөлүк саламаттык сактоо уюмунун Кыргызстандагы өкүлчүлүгүнүн башчысы Назира Артыкованын Kaktus Media порталына билдиргенине караганда, "Ысык-Көл тамырынын" кайнатмасы менен коронавирусту дарыласа болот деп ойлоо туура эмес.

Журналисттин сөз болуп жаткан кайнатма менен коронавирустан арылса болобу деген суроосуна ал "Мүмкүн эмес. Бардык жерде илимий далил керек" деп жооп берди.

Кыргызстанда 2007-жылдан тарта 2018-жылга чейин жергиликтүү ЖМКлар "Ысык-Көл тамырынын" кайнатмасына ууланып көз жумгандар көп болгонун жазышкан.

Белгилер:
коргошун, коронавирус, уу, Бермет Барыктабасова
Тема боюнча
Адис ашказан коронавирусу пайда болгонун айтып, белгилерин санап берди
Бишкекте канча окуучу жана мугалимден коронавирус аныкталганы айтылды
Саламаттык сактоо жана социалдык өнүктүрүү министри Алымкадыр Бейшеналиев. Архив

Министр уу коргошун боюнча: президент экөөбүз кайнатмасын даярдап жатабыз

(жаңыланган 12:54 16.04.2021)
Кечээ президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан.

БИШКЕК, 16-апр. — Sputnik. Учурда социалдык тармактарда уу коргошун деп айтылып, коронавируска каршы дары катары активдүү талкууланып жаткан "Ысык-Көл тамыры" аталышындагы чөптүн кайнатмасы республика боюнча бардык ооруканаларда коронавируска кабылгандарга берилип жатат. Бул тууралуу Sputnik агенттигине саламаттык сактоо жана социалдык өнүктүрүү министри Алымкадыр Бейшеналиев билдирди.

Кабарчы ага социалдык тармактарда коронавируска каршы президент Садыр Жапаров сунуштаган дары делип активдүү талкууланып жаткан "Ысык-Көл тамыры" ден соолукка канчалык пайда же зыян алып келерин билүү үчүн кайрылган.

"Ал Кыргызстан боюнча бардык ооруканаларда берилип жатат. Дозасын президент өзү аныктап, өзү кайнатып жатат мени менен бирге. Бүгүн саат 13.00дө интервью берем, ошол жерден баарын айтам", — деди министр.

Ошондой эле ал президент абакта жаткан кезде бул "дарыны" сунуштаганын кошумчалады.

"Жапаров Жээнбековго кайрылып, ал укпай койгондо мага "сен дарылап көр" деп айткан. Мен туугандарымды дарылагам. Бүгүн журналисттерге кантип ичиш керектигин көрсөтөм. Ошол жерде өлбөгөнүмдү көрөсүңөр. Анткени мен министр катары жоопкерчиликти өз мойнума алышым керек", — деди ал.

Кыргызстандын президенти Садыр Жапаров дарыгерлер менен жолугушуу учурунда
© Пресс-служба президента КР / Султан Досалиев
Мындан тышкары, министр кыргыздар бул кайнатма менен беш кылым мурда эле дарыланып жүргөнүн айтты. 

Буга чейин президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй социалдык тармактагы баракчасына он-чакты киши атайын аппараттын жардамы менен бөтөлкөлөргө саргыч түстөгү суюктукту куюп жаткан видео жарыялаган. Анда бөтөлкөлөрдүн сыртында "Уу коргошун" жана "Иссык-Кульский корень" деген жазуулар бар экенин көрүүгө болот.

Дүйнөлүк саламаттык сактоо уюмунун Кыргызстандагы өкүлчүлүгүнүн башчысы Назира Артыкованын Kaktus Media порталына билдиргенине караганда, "Ысык-Көл тамырынын" кайнатмасы менен коронавирусту дарыласа болот деп ойлоо туура эмес.

Журналисттин сөз болуп жаткан кайнатма менен коронавирустан арылса болобу деген суроосуна ал "Мүмкүн эмес. Бардык жерде илимий далил керек" деп жооп берди.

Кыргызстанда 2007-жылдан тарта 2018-жылга чейин жергиликтүү ЖМКлар "Ысык-Көл тамырынын" кайнатмасына ууланып көз жумгандар көп болгонун жазышкан.

Белгилер:
коронавирус, Алымкадыр Бейшеналиев, Садыр Жапаров, Кыргызстан
Тема боюнча
Жапаров "кызыл зонада" дарыланып жаткандарга барып кабар алды. Видео