Судьянын балкасы жана китеби. Архив

Жогорку сотко караштуу Сот департаментинин статс-катчысы кармалды

(жаңыланган 14:40 03.03.2021)
Статс-катчы кылмыштуу системага тийиштиги бар деген шек менен кармалды. УКМК буга чейин бул иш боюнча "Адилет сот" долбоорунун башчысы С.К.А. кармалганын эскертти.

БИШКЕК, 3-мар. — Sputnik. Улуттук коопсуздук комитети Жогорку соттун Сот департаментинин статс-катчысы К.С.А. кармалганын билдирди. Атайын кызматтын маалыматы боюнча, ал коррупциялык схемаларды түзгөн деп шектелүүдө.

Мекеменин сайтында Калмаков Сталбек Аманатович статс-катчы экени көрсөтүлгөн.

УКМКнын маалымат кызматы билдиргендей, тергөөгө ылайык, 2018-жылы департаменттин кызмат адамдары сот аткаруучу кызматтын бөлүмдөрү үчүн "Сот тутумунун карызкорлорунун реестри" автоматташтырылган маалыматтык системаны, ошондой эле башка программаларды иштеп чыгуу жана аны ишке ашыруу боюнча формалдуу түрдө тендер өткөрүлгөн. Анда IT-компаниялар менен 4 миллион 84 миң 500 сомго жасалма келишим түзүлгөн.

Бирок, маалым болгондой, айтылган программалар Сот департаментинин алдындагы "Адилет сот" маалыматтык технологиялар башкармалыгынын адистери тарабынан буга чейин эле иштелип чыгып, жүзөгө ашырылган.

"Ага карабай Соттук департаменттин кызмат адамдары IT-компаниялар менен өз ара келишимге барышып, мурда эле иштелип чыгып жүзөгө ашырылып жаткан программаны иштеп чыгуу үчүн жалган келишим кабыл алышкан. Ал эми бөлүнгөн каражатты кымырышкан", — деп айтылат УКМКнын билдирүүсүндө.

Статс-катчы бул кылмыштуу системага тийиштиги бар деген шек менен кармалды. УКМК буга чейин аталган иш боюнча "Адилет сот" долбоорунун башчысы С.К.А. кармалганын билдирди.

УКМК, ошондой эле, IT-компаниялардын бири жергиликтүү сот тутумун иштеп чыгуу жана жайылтуу боюнча башка кылмыш ишинде каралып жаткандыгын, анын соттолуучусу Жогорку Соттун төрайымы Гүлбара Калиева экендигин билдирди.

Белгилер:
шектүү, статс-катчы, департамент, Жогорку сот, Кыргызстан
Тема боюнча
Жээнбековдун кудасы Абжалиевдин байлыгынын тизмеси жана сүрөттөрү
Мухаммедкалый Абылгазиев ачкачылык жарыяладыбы? Адвокаттын жообу
Кыргызстандын саламаттык сактоо жана социалдык өнүктүрүү министри Алымкадыр Бейшеналиев

Министр Бейшеналиев түз эфирде уу коргошун ичти. Видео

(жаңыланган 14:04 16.04.2021)
Уу коргошунду өз алдынча даярдап ичүү адам өмүрү үчүн кооптуу. Министр туура эмес даярдалган учурда адам беш мүнөттөн кийин өлүп каларын белгиледи.

БИШКЕК, 16-апр. — Sputnik. Кыргызстандын саламаттык сактоо жана социалдык өнүктүрүү министри Алымкадыр Бейшеналиев журналисттерге берген маалымат жыйын учурунда "Ысык-Көл тамыры" деген чөптүн кайнатмасын түз эфирде ичип көрсөттү.

Министр коронавируска каршы дары катары активдүү талкууланып жаткан "Ысык-Көл тамыры" аталышындагы чөптүн кайнатмасы республика боюнча бардык ооруканаларда коронавируска кабылгандарга берилип жатканын билдирди.

Ал жоопкерчиликти өз мойнуна алып жаткандыктан чөптүн кайнатмасын ичип көрсөтүүнү чечкенин белгиледи. Ал ошондой эле дарыгердин көрсөтмөсү жок ичүүгө болбой турганын кошумчалады. 

Белгилей кетсек, уу коргошунду өз алдынча даярдап ичүү адам өмүрү үчүн кооптуу. Министр туура эмес даярдалган учурда адам беш мүнөттөн кийин өлүп каларын белгиледи. Дарылоонун бул ыкмасы боюнча Дүйнөлүк саламаттык сактоо уюмуна Кыргызстандан маалымат жиберилген эмес. 

Буга чейин президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан.

Көп өтпөй социалдык тармактагы баракчасына он чакты киши атайын аппараттын жардамы менен бөтөлкөлөргө саргыч түстөгү суюктукту куюп жаткан видео жарыялаган. Анда бөтөлкөлөрдүн сыртында "Уу коргошун" жана "Иссык-Кульский корень" деген жазуулар бар экенин көрүүгө болот.

Дүйнөлүк саламаттык сактоо уюмунун Кыргызстандагы өкүлчүлүгүнүн башчысы Назира Артыкованын Kaktus Media порталына билдиргенине караганда, "Ысык-Көл тамырынын" кайнатмасы менен коронавирусту дарыласа болот деп ойлоо туура эмес.

Журналисттин сөз болуп жаткан кайнатма менен коронавирустан арылса болобу деген суроосуна ал "Мүмкүн эмес. Бардык жерде илимий далил керек" деп жооп берди.

Кыргызстанда 2007-жылдан тарта 2018-жылга чейин жергиликтүү ЖМКлар "Ысык-Көл тамырынын" кайнатмасына ууланып көз жумгандар көп болгонун жазышкан.

Белгилер:
видео, коргошун, уу, Алымкадыр Бейшеналиев, министр
Тема:
Коронавируска байланыштуу Кыргызстандагы кырдаал
Тема боюнча
230 кишиден вирус табылып, төрт адам каза болду. COVID боюнча статистика
Адис ашказан коронавирусу пайда болгонун айтып, белгилерин санап берди
Министр уу коргошун боюнча: президент экөөбүз кайнатмасын даярдап жатабыз
Чөптөрдүн тамырлары. Архив

Министр Бейшеналиев: уу коргошун менен 300дөй кишини дарыладык

(жаңыланган 13:59 16.04.2021)
Министр дарыгерлерди чакырып, дарылоону үйрөтүп, кийин алар өз жоопкерчилигинин алдында оорулууларды уу коргошун менен дарылап жатканын айтты.

БИШКЕК, 16-апр. — Sputnik. Уу коргошун менен бир нече күндөн бери коронавируска кабылган 300 адам дарыланды. Бул тууралуу маалымат жыйыны учурунда саламаттык сактоо жана социалдык өнүктүрүү министри Алымкадыр Бейшеналиев билдирди.

"Ушул тапта 300дөй кишини дарыладык. Кыйналып жаткандар какырыгы чыгып, уйкусу жакшырып, жакшы болууда. Жакшы жыйынтыктар бар", — деди министр.

Анын айтымында, кечээ, 15-апрель күнү, президент Садыр Жапаров менен биргеликте Бишкектеги жана Чүйдөгү бир нече оорукананы кыдырып, бейтаптар менен сүйлөшкөндө, алар жакшы болуп калганын айтышкан.

Ошондой эле министр дарыгерлерди чакырып, дарылоону үйрөтүп, кийин алар өз жоопкерчилигинин алдында оорулууларды уу коргошун менен дарылап жатканын кошумчалады.

Мындан тышкары, учурда ар бир дарыгер клиникалык протокол жазып жатканы айтылды.

Белгилей кетсек, министр уу коргошунду дарыгерлердин гана көзөмөлүндө ичүү керектигин белгилеп, аны муздак же туура эмес ичсе адам беш мүнөттөн кийин өлүп каларын эскертти. 

Дүйнөлүк саламаттык сактоо уюмунун Кыргызстандагы өкүлчүлүгүнүн башчысы Назира Артыкованын Kaktus Media порталына билдиргенине караганда, "Ысык-Көл тамырынын" кайнатмасы менен коронавирусту дарыласа болот деп ойлоо туура эмес.

Журналисттин сөз болуп жаткан кайнатма менен коронавирустан арылса болобу деген суроосуна ал "Мүмкүн эмес. Бардык жерде илимий далил керек" деп жооп берди.

Кыргызстанда 2007-жылдан тарта 2018-жылга чейин жергиликтүү ЖМКлар "Ысык-Көл тамырынын" кайнатмасына ууланып көз жумгандар көп болгонун жазышкан. 

 

 

Белгилер:
коронавирус, Алымкадыр Бейшеналиев, коргошун, уул
Тема:
Коронавируска байланыштуу Кыргызстандагы кырдаал
Тема боюнча
Министр: былтыр ооругандар кайра вирус жуктуруп алууда, вакцина алгыла
Министр уу коргошун боюнча: президент экөөбүз кайнатмасын даярдап жатабыз