Жубайлар. Архив

Кыргызстандык кыздардын көбү канча жашында турмушка чыгат. Статистика

(жаңыланган 15:28 08.03.2021)
Былтыр турмуш курган аялдардын саны 40 миңди түзгөн, алардын ичинен 94 пайызы биринчи жолу никеге тургандар.

БИШКЕК, 8-мар. — Sputnik. Кыргызстанда 2021-жылдын башына карата статистика боюнча калктын 3,3 миллиону аялдар. Алардын саны эркектерге салыштырмалуу көбүрөөк болуп 50,4 пайызды түзөт.

Улуттук статистика комитети Аялдардын эл аралык майрамына карата берген маалыматын сунуштайбыз.

Ош, Жалал-Абадда кыздар аз төрөлөт

Аялдардын үчтөн экиси же 64 пайызы айыл тургундары. Ар бир бешинчи аял Жалал-Абад же Ош облустарында, ал эми ар бир алтынчы аял Бишкек шаарында жашайт. Ошол эле учурда Ош жана Жалал-Абад облустарында кыздарга караганда, эркек балдар көбүрөөк төрөлөт.

Аялдар көп иштеген тармактар

2019-жылы эмгекке жарамдуу курактагы аялдардын 48 пайызы иш менен камсыздалган. Ал эми экономика тармагында иштеген аялдардын орточо курагы 39 жаш. Өлкө экономикасы боюнча багыттагы ар бир алтынчы аял 25тен 29 жашка чейинки куракта. Саламаттык сактоо жана калкты социалдык жактан тейлөө, билим берүү, мейманкана жана ресторандар, соода сыяктуу багыттар негизинен "аялдардын чөйрөсү" болуп саналат.

2019-жылы жогорку билимге ээ аялдардын 27 пайызы, эркектердин 18 пайызы кесиби боюнча иштеп жатканы белгилүү болгон. Ал эми орто кесиптик билим алгандардын арасында бул көрсөткүч 17 жана 8 пайызды түзөт.

Кыргызстандык кыздар көбүнчө канча жашында турмушка чыгат

2020-жылы турмуш курган аялдардын саны 40 миңди түзгөн, алардын ичинен 94 пайызы биринчи жолу никеге тургандар. Кыргызстандык кыздар 18-25 жашында үй-бүлө курууга ниеттенишет.

Аялдардын орточо жаш курагы (29 жаш) эркектердикине караганда (27 жаш) бир аз жогору. Алар эркектерге караганда узагыраак жашайт.

Ошондой эле аялдардын болжолдуу жашоо узактыгы 76 жаш, эркектердики 68 жаш деп белгиленген. Эркектердин өлүмү аялдардын өлүмүнө караганда 1,5-1,6 эсе жогору экени аныкталган.

Орточо статистика боюнча аялзаты 24 жашында биринчи перзентин жарыкка алып келет. Бир аял негизинен үч бала төрөйт, бул жогорку көрсөткүч болуп саналат.

Никеге турган ар бир экинчи аял 20-24 жаш курагында, ал эми ар бир бешинчи аял 18-19 жана 25-29 жаш курагында болгон.

Белгилер:
Кыргызстан, эркек, кыз, аял, статистика
Тема боюнча
Кыйындыкта бел болуудан тайбадыңар! Марипов аялзатын ыр окуп куттуктады. Видео
Саламаттык сактоо жана социалдык өнүктүрүү министри Алымкадыр Бейшеналиев. Архив

Министр уу коргошун боюнча: президент экөөбүз кайнатмасын даярдап жатабыз

(жаңыланган 12:54 16.04.2021)
Кечээ президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан.

БИШКЕК, 16-апр. — Sputnik. Учурда социалдык тармактарда уу коргошун деп айтылып, коронавируска каршы дары катары активдүү талкууланып жаткан "Ысык-Көл тамыры" аталышындагы чөптүн кайнатмасы республика боюнча бардык ооруканаларда коронавируска кабылгандарга берилип жатат. Бул тууралуу Sputnik агенттигине саламаттык сактоо жана социалдык өнүктүрүү министри Алымкадыр Бейшеналиев билдирди.

Кабарчы ага социалдык тармактарда коронавируска каршы президент Садыр Жапаров сунуштаган дары делип активдүү талкууланып жаткан "Ысык-Көл тамыры" ден соолукка канчалык пайда же зыян алып келерин билүү үчүн кайрылган.

"Ал Кыргызстан боюнча бардык ооруканаларда берилип жатат. Дозасын президент өзү аныктап, өзү кайнатып жатат мени менен бирге. Бүгүн саат 13.00дө интервью берем, ошол жерден баарын айтам", — деди министр.

Ошондой эле ал президент абакта жаткан кезде бул "дарыны" сунуштаганын кошумчалады.

"Жапаров Жээнбековго кайрылып, ал укпай койгондо мага "сен дарылап көр" деп айткан. Мен туугандарымды дарылагам. Бүгүн журналисттерге кантип ичиш керектигин көрсөтөм. Ошол жерде өлбөгөнүмдү көрөсүңөр. Анткени мен министр катары жоопкерчиликти өз мойнума алышым керек", — деди ал.

Кыргызстандын президенти Садыр Жапаров дарыгерлер менен жолугушуу учурунда
© Пресс-служба президента КР / Султан Досалиев
Мындан тышкары, министр кыргыздар бул кайнатма менен беш кылым мурда эле дарыланып жүргөнүн айтты. 

Буга чейин президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй социалдык тармактагы баракчасына он-чакты киши атайын аппараттын жардамы менен бөтөлкөлөргө саргыч түстөгү суюктукту куюп жаткан видео жарыялаган. Анда бөтөлкөлөрдүн сыртында "Уу коргошун" жана "Иссык-Кульский корень" деген жазуулар бар экенин көрүүгө болот.

Дүйнөлүк саламаттык сактоо уюмунун Кыргызстандагы өкүлчүлүгүнүн башчысы Назира Артыкованын Kaktus Media порталына билдиргенине караганда, "Ысык-Көл тамырынын" кайнатмасы менен коронавирусту дарыласа болот деп ойлоо туура эмес.

Журналисттин сөз болуп жаткан кайнатма менен коронавирустан арылса болобу деген суроосуна ал "Мүмкүн эмес. Бардык жерде илимий далил керек" деп жооп берди.

Кыргызстанда 2007-жылдан тарта 2018-жылга чейин жергиликтүү ЖМКлар "Ысык-Көл тамырынын" кайнатмасына ууланып көз жумгандар көп болгонун жазышкан.

Белгилер:
коронавирус, Алымкадыр Бейшеналиев, Садыр Жапаров, Кыргызстан
Тема боюнча
Жапаров "кызыл зонада" дарыланып жаткандарга барып кабар алды. Видео
Боом капчыгайы. Архив

Боомдо таш кулатылып, жол жабылат. График

(жаңыланган 12:12 16.04.2021)
19-апрелден 23-апрелге чейин күндүзгү маалда поезд жана автоунаалардын өтүшүнө чектөө киргизилери айтылды.

БИШКЕК, 16-апр. — Sputnik. Бишкек — Нарын — Торугарт жолундагы Боом капчыгайында таштарды атайылап кулатуу иштери жүргүзүлөт. Бул тууралуу "Кыргыз темир жолу" ишканасынан маалымдашты.

Буга байланыштуу 19-апрелден 23-апрелге чейин күндүзгү маалда поезд жана автоунаалардын өтүшүнө чектөө киргизилери айтылды.

Таш кулатуу иштери Бишкек — Нарын — Торугарт унаа жолунун 129-чакырымындагы Жел-Арык аймагында жана Каямат-Куркол станциясынын аймагында (жолдун 131-чакырымында) жүрөт.

Ишкана айдоочуларды сапарга чыгууда маршрутту алдын ала пландап алууга чакырды.

Белгилер:
Кыргыз темир жолу, таш, Боом капчыгайы
Тема боюнча
Күн жылып Бишкек — Ош жолундагы оңдоо иштери жанданды. Сүрөт

АКШ Афганистандагы талибандарга чечимин кандайча түшүндүрөт. Чоо-жайы видеодо

(жаңыланган 12:26 16.04.2021)
Афганистандын эли Байдендин америкалык аскерлерди чыгарып кетүү чечимине нааразы. АКШ президенти жоокерлердин "үйгө кайтуусуна" мезгил жеткенин айтты.

АКШ 20 жылдан бери талибдер менен эпке келип, өлкөдө тынчтык орнотуу оюн ишке ашыра алган жок. Америкалык жоокерлер качан Афганистандан толук чыгып кетет? Согушкерлерге эмнени түшүндүрүп, кырдаалды кантип жолго салып кете алат. Суроолорго жоопту видеодон көрүңүз.

Белгилер:
армия, чечим, Жо Байден, жоокер, Аскер, согуш, Талибан, Афганистан, АКШ
Тема боюнча
"Азиянын жүрөгүн дарылоо". Кыргызстан Афганистанга эмнеге жардам бериши керек