Сыдыманга күнөө тагылбайт. Прокуратура баш тартты

© Sputnik / Жоомарт УраимовБашкы прокуратуранын имараты. Архив
Башкы прокуратуранын имараты. Архив - Sputnik Кыргызстан, 1920, 10.03.2021
Жазылуу
Прокуратурадан соттук процесс учурунда буга чейин күнөөлөнүп жаткан блогердин айткандары боюнча экспертиза жүргүзүлгөнү жана андан кылмыштын белгилери табылбагандыгын билдиришти.
БИШКЕК, 10-мар. — Sputnik. Мамлекеттик айыптоо тараптардын жарыш сөзү учурунда блогер Элмир Сыдымановго (Сыдыман) күнөө тагуудан баш тартты. Бул туурасында көзөмөл органынын маалымат кызматынан кабарлашты.
Приговоренный к смертной казни, Ахмед Ниджм - Sputnik Кыргызстан, 1920, 04.03.2021
Апкаарып калбаңыз! Суракка чакырылган адам эмнелерди билиши керек
Башкы прокуратурадан соттук процесстер учурунда анын жактоочусу мурдараак соттук-лингвистикалык экспертиза комиссиясын дайындоо боюнча сунуштама бергендигин айтышты.
Мамлекеттик айыптоочу бул сунуштаманы колдогон.
"Чыккан бүтүмдө Сыдымановдун сүйлөгөндөрүндө аймак аралык кастыкты козутуучу сөздөр жана зордукчулукка жасалган чакырыктардын белгиси табылбагандыгы белгиленген", — деп айтышты Башкы прокуратурадан.
Мамлекеттик айыптоочунун сунуштамасы боюнча суракка чакырылган эксперт-лингвист Абдыкожоев жогорудагы бүтүмдө айтылгандарды тастыктаган.
10-мартта прокуратура тараптардын жарыш сөз учурунда аны күнөөлөөдөн баш тарткан. Эми айыпталуучуга акыркы сөз берилет да, сот өзүнүн чечимин чыгарат.
Жаңылыктар түрмөгү
0