Президент Садыр Жапаров БАЭнин Шейх Заед бин Султан Аль Нахаян атындагы кайрымдуулук жана гуманитардык фондунун жетекчиси Хамад Салем Кардоус Аль-Америни кабыл алды

Токмокто Ислам академиясы ачылат. Жапаров БАЭ фондунун жетекчилерин кабыл алды

181
(жаңыланган 19:07 10.03.2021)
Академиядан 200дөй студент билим алып, алардын 150сү магистратура жана докторантура программасы менен окуй турганы айтылды.

БИШКЕК, 10-мар. — Sputnik. Президент Садыр Жапаров БАЭнин Шейх Заед бин Султан Аль Нахаян атындагы кайрымдуулук жана гуманитардык фондунун жетекчиси Хамад Салем Кардоус Аль-Америни кабыл алды.

  • Генеральный директор благотворительного и гуманитарного фонда им. Шейха Заеда бин Султана Аль Нахаяна (ОАЭ) Хамада Салема Кардоус Аль-Амери во время встречи с президентом КР.
    Президент Садыр Жапаров БАЭнин Шейх Заед бин Султан Аль Нахаян атындагы кайрымдуулук жана гуманитардык фондунун жетекчиси Хамад Салем Кардоус Аль-Америни кабыл алды
    © Пресс-служба президента КР / Султан Досалиев
  • Президент КР Садыр Жапаров во время встречи с генеральным директором благотворительного и гуманитарного фонда им. Шейха Заеда бин Султана Аль Нахаяна (ОАЭ).
    Мамлекет башчы аталган фонддун өлкөдөгү социалдык жана инфратүзүмдүк долбоорлорду жүзөгө ашыруу боюнча ишмердүүлүгүнө канааттануусун билдирген.
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Президент Садыр Жапаров БАЭнин Шейх Заед бин Султан Аль Нахаян атындагы кайрымдуулук жана гуманитардык фондунун жетекчиси Хамад Салем Кардоус Аль-Америни кабыл алды

Мамлекет башчы аталган фонддун өлкөдөгү социалдык жана инфратүзүмдүк долбоорлорду жүзөгө ашыруу боюнча ишмердүүлүгүнө канааттануусун билдирген.

Ошондой эле ал акыркы мезгилде исламдын жаркын идеяларына жамынган ар кандай кыймылдар диний экстремизмге үгүттөп, чыныгы исламдын баалуулуктарына шек келтирип, дүйнөнүн көптөгөн өлкөлөрүнө коркунуч туудуруп жатканын баса белгилеген.

"Диний билимдин сапатын жогорулатуу жана кадрларды академиялык деңгээлде даярдоо жогоруда айтылгандай коркунучтарды алдын алууга жардам берет. Учурда Кыргызстан үчүн диний билим берүү актуалдуу маселе жана аны чечүү үчүн комплекстүү иш-чараларды кабыл алуу талап кылынат. Токмок шаарына Ислам академиясын куруу долбоорун колдоп бергениңиздер үчүн ыраазычылык билдирем!" — деди Жапаров.

Аны менен катар мамлекет башчы бул долбоор Кыргызстан менен Бириккен Араб Эмираттарынын ортосундагы мамилелерди өнүктүрүүгө түрткү болоруна терең ишенерин билдирип, кызматташтыкты улантууга кызыкдар экенин айтты.

Фонддун жетекчиси Ислам академиясы үчүн Токмок шаарынан эки гектар жер бөлүнүп, Билим берүү жана илим министрлигинин балансына алынганын билдирген.

Ал жерден 200дөй студент билим алып, алардын 150сү магистратура жана докторантура программасы менен окушары болжолдонууда. Ошондой эле даярдоо курсу менен квалификацияны жогорулатуу курсуна 50 орун бөлүнгөн.

Диний сабактарды тереңдетип окутуу, ошол эле учурда светтик билим берүүгө багытталган программалар боюнча аралаш билим берүү каралууда.

181
Белгилер:
Бириккен Араб Эмираттары, Садыр Жапаров, Кыргызстан, билим берүү
Тема боюнча
Түркиялык фонд Бишкекте мектеп ачат
Турак-жай үйү. Архив

7-майда Бишкектин бир бөлүгүндө жарык өчөт. Тизме

7
(жаңыланган 18:04 06.05.2021)
Өчүрүүлөр мурда пландалган боюнча жүргүзүлөт. Монтаждоо топтору электр чубалгыларын жана трансформаторлордун иштөөсүн жөнгө салышат.

БИШКЕК, 6-май — Sputnik. Жума күнү, 7-майда, Бишкектин бир катар райондорунда электр жарыгы өчүрүлөт. Бул тууралуу "Түндүк электр" ишканасы билдирди.

Электр кубаты төмөнкү райондордо болбой турганы айтылды:

  • 9:30дан 17:00гө чейин — 10-кичи райондо (№37 үйдө) жана Алтын-Ордо 3 конушунда;
  • 9:30дан 17:30га чейин — Арча-Бешик конушунда (Кең-Кол, Садыбакасов, Кара-Кужур, Шербет, Поваринский көчөлөрүндө);
  • 9:30дан 18:00гө чейин — Садырбаев, Курчатов, Серафимович, Серпуховский, Куба, Сельсовет, Ильменский жана Тверь көчөлөрүнүн бөлүктөрүндө жана Ак-Ордо конушунун (Курманжан датка, Алты-Бакан, Ташауз, Поваринский көчөлөрүндө);
  • 9:40тан 17:00гө чейин — Аул, Элебесов, 8-март, Хвойное жана Кожевенное көчө бөлүктөрүндө;
  • 10:00дөн 17:00гө чейин — Ибраимов, Шопоков көчөлөрүнүн жана Жибек жолу проспектисинин бөлүктөрүндө;
  • 13:00дөн 17:00гө чейин — Ак-Бата конушунда (6, 7, 8-көчөлөрдө).
7
Белгилер:
оңдоо иштери, "Түндүк Электр" ишканасы, өчүрүү, электр жарыгы
Тема боюнча
Бишкекте ысык суу качан өчүрүлөрү айтылды

Бир айыл 5 уулун жоготту. Турдубайдын чек арада окко учканын 4 баласы биле элек

67
(жаңыланган 17:11 06.05.2021)
Балдары көчө чаң ызгыта ойноп, күлкүсү жаңырчу Кара-Бак айылында энелердин көз жашы төгүлүп, боздогон ыйы угулуп жатат. Кыргыз-тажик жаңжалында бул айылдан беш жигит набыт болгон. Алардын бири 33 жаштагы Турдубай Саттаров.

Ал чыр чыккан күнү кечинде көзү өтүп кеткен атасына куран окутуп, ооз ачырмак. Эртең менен базарга барып азык-түлүк алып жүргөндө тажик тарап "Головной" суу бөлүштүрүүчү жайын "басып алган жатат" деп уккан. Бирок ал учурда акыркы суусун ичип жатканын билген эмес. Тилекке каршы, кечинде атасына куран окутуунун ордуна өзү шейит кетти.

Sputnik Кыргызстандын кабарчылары барганда маркумдун апасы үйүндө өзүнө келе албай жатканын айтышты. Ал эми балдары атасынын көз жумганын биле элек экен.

Маркумдун агасы (атасынын бир тууган иниси) Илияз Саттаров Турдубай суунун башында окко учканын айтат.

"Базардан алган азык-түлүгүн үйгө алып келип таштап, кайра "Головнойго" бараткан машинанын артынан өзүнүн унаасы менен кууп барып, чыгып кетиптир. Унаасын тээ май куюучу жайдын жанына калтырган экен. Булар барганда эле куралчан тажиктер атып, кырып салыптыр да. Турдубай иним токтоо, кичи пейил, адамгерчиликтүү, бүт эл-журтка, туугандарга күйүмдүү эле. Ушуга чейин бир жерде бейчеки басканын көргөн жокмун", — деди Саттаров.

Турдубай Саттаровдун артында жубайы Кайры Абдирашит кызы чиедей бир уул, үч кызы менен калды.

"Эми эл катарына кошулуп Москвада кыйналып, аялы менен иштеп заңгыратып үй салды эле. Быйыл толук бүтүрүп күздө той кылам деп жаткан. Келиним эми ал үйдө кантип жашайт, балдары жаш болсо. Чоң уулу 3-класста окуйт, кичине кызы бир жашар. Кичүүсү үйгө машина келген сайын "ата" деп издеп жатат. Балдары билбейт азыр, "атаң Россияга кетти" деп койгонбуз", — деди маркумдун бир тууган эжеси Салтанат Саттарова.

Турдубай Саттаров жалгыз инисин 10 күн мурун Россияга иштеп келгени жөнөткөн. Суук кабарды угары менен ал айылына кайтып келди.

"Головной" суу таратуучу пункту Баткен районунун Кара-Бак айылынын тургундары үчүн да маанилүү. Себеби ошол жактан чыккан суу менен эгиндерин сугарышат.

Белгилей кетсек, "Головной" суу бөлүштүрүүчү жайында жалпысынан 25 жай тургун мерт болгон. Тажик тарап элге карата курал колдонуп, миномёт менен жардырган. Жаңы чыккан жагдайларда ылайык, бир чуңкурга жашынган 12 адамга миномёт снарядынын чачырандысы тийип жан берген. Ал жерге тез жардам унаасы да өтө алган эмес.

67
Белгилер:
бала, жубайлар, маркум, Баткен облусу, Кара-Бак
Тема:
Баткендеги кыргыз-тажик жаңжалы
Тема боюнча
12 адам жашынган жеринде жан берген. Кандуу окуянын очогу “Головнойдон” кадрлар
Садагам кызым, периштем... Мадинаны жоктоп кан жуткан ата-эненин күйүтү