Сүрөткө түшүп жаткан кыз. Архив

Селфиге түшүүнүн негизги кооптуулугу айтылды

109
(жаңыланган 10:37 11.03.2021)
Көп учурда селфи жасагандар кызыктуу кадр тартууга азгырылып, өз өмүрүнө жаралуучу коркунучту унута түшөт.

БИШКЕК, 11-мар. — Sputnik. Социалдык тармактагы катталуучуларды өзүнө тартуу максатында жасалган модалуу селфи аны тартып жаткан киши үчүн акыркы сүрөт болуп калышы да ыктымал. Мындай тыянакты B&C Agency коммуникациялык агенттигинин өкүлү Марк Шерман "Прайм" агенттигине билдиргенин РИА Новости жазды.

Ал белгилегендей, соцтармактарга көз каранды адамдар өзгөчө модалуу жана оригиналдуу сүрөткө тартууга аракет кылып, өлүмгө алып келүүчү коркунучтарды байкашпайт.

"Адам өмүрүнө коркунуч туудуруучу жерлерде селфи тартууга болбойт. Анткени сиз мындай учурда кырдаалды толук көзөмөлдөй албайсыз. Маселен, тоолордо, сууда тартылган селфи, жолдо бара жатып транспортто "чырк эттирүү" кооптуу деп эсептелет", — деген эксперт.

Сүрөткө тартып жатканда абал кооптуу эмес экендигине болгон ишеним маанилүү. Көп учурда адамдар кызыктуу кадр тартууга азгырылып өмүргө жаралуучу коркунучту унута түшөт.

Шерман, ошондой эле, тартылган селфи башкаларга да көйгөй жаратпашы керектигин, адам өзү жөнүндө гана эмес, башкалар тууралуу да ойлонгону маанилүү экенин белгилеген.

109
Белгилер:
селфи, кооптуулук, өмүр, адис
Тема боюнча
Мессенджердеги эски жазышууларды жаңы смартфонго көчүрүүнүн жолу айтылды
Кайсы учурда телефонду кубаттоо коркунучтуу? Адистин кеңеши
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

52
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

52
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео

Аябай бактылуу болуп турам! Акаевдин сурактан чыккандан кийинки маеги видеодо

85
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

85
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!