Кыргызстандын сулуу айымы — 2021 сулуулар сынагынын жеңүүчүсү Бактыгүл Маганбетова

Кыргызстандагы эң сулуу келин аныкталды. Сүрөттөр

604
(жаңыланган 13:01 11.03.2021)
Бактыгүл Маганбетова жеңүүчү катары "Ааламдын сулуу айымы — 2021" эл аралык сынагына Кыргызстандын атынан катышуу укугуна ээ болду.

БИШКЕК, 11-мар. — Sputnik. Бишкектеги ресторандардын биринде республикалык "Кыргызстандын сулуу айымы — 2021" сулуулар сынагынын финалы болуп, өлкөдөгү эң сулуу келинди тандашты.

Сынактын уюштуруучусу Рыскүл Намазбекованын айтымында, жеңүүчү деп 35 жаштагы Бактыгүл Маганбетова табылды. Ал учурда КРдин нан бышыруучулар ассоциациясынын төрагасынын орун басарынын милдетин аткарат.

Посмотреть эту публикацию в Instagram

Публикация от R Style (@beauty_company_kyrgyzstan)

Маганбетова жеңүүчү катары "Ааламдын сулуу айымы — 2021" эл аралык сынагына Кыргызстандын атынан катышуу укугуна ээ болду.

Посмотреть эту публикацию в Instagram

Публикация от R Style (@beauty_company_kyrgyzstan)

Жалпысынын сынакка 25 келин катышты. Биринчи вице-миссис деп 37 жаштагы Регина Сулайманова, экинчи вице-миссис деп 50 жаштагы Нуржамал Дүйшөнбиева аталды.

"Кыргызстандын ханышасы — 2021" номинациясында Евгения Гуливатенко жеңүүчү болду.

Байгелүү орунду алгандардын бардыгы Түркияда эс алууга жолдомо алышты.

604
Белгилер:
Кыргызстан, сулуулук сынагы, жеңүүчү
Тема боюнча
Татарстандагы таң калтырган сулуулар. Конкурска катышкан чүрөктөрдүн 12 сүрөтү
Жогорку Кеңештин экс-депутаты Руслан Чойбеков. Архив

300 миң доллар пара алды делген экс-депутаттын баш коргоо чарасы каралды

5
Тергөө иштеринин жана алынган далилдердин натыйжасында 16-сентябрда Жазык кодексинин 204-беренесинин 3-бөлүгү боюнча өндүрүш ачылган

БИШКЕК, 18-сен. — Sputnik. Былтыркы парламенттик шайлоодо депутаттык мандат убадалап, пара алды деген шек менен кармалган "Кыргызстан" партиясынын мүчөсү, Ч.Р. аттуу экс-депутаттын баш коргоо чарасы каралды. Бул тууралуу УКМКнын маалымат кызматы билдирди.

"Биринчи май райондук соту аны тергөө аяктаганга чейин убактылуу кармоо жайына калтыруу өкүмүн чыгарды", — деп айтылат билдирүүдө.

Эске салсак, Ч.Р. 2020-жылкы парламенттик шайлоодогу коррупциялык иштер боюнча шектелип кармалган. Ал Жогорку Кеңештин депутаты мандатын убадалап 300 миң доллар алганы айтылган.

Тергөө иштеринин жана алынган далилдердин натыйжасында 16-сентябрда Жазык кодексинин 204-беренесинин 3-бөлүгү ("Алдамчылык, өзгөчө ири өлчөмдө жасалган жосун") боюнча өндүрүш ачылган.

Кармалган Ч.Р. аттуу экс-депутаттын инициалы өткөн жылдын июнь айында мандатын тапшырган "Кыргызстан" партиясынын мүчөсү Руслан Чойбековдун аты-жөнү менен дал келүүдө.

Баса, ушул эле ишке тиешеси бар деген шек менен бүгүн Бишкек шаарынын Свердлов районунун мурдагы акими, азыр Нарын шаарынын мэри Б. С. кармалды.

 

5
Белгилер:
УКМК, депутат, мандат, коррупция
Тема боюнча
Нарындын мэри шайлоодогу коррупциялык иштерге шектелип кармалды
Россияда өтүп жаткан Мамлекеттик Дума шайлоосуна видеокөзөмөл аркылуу байкоо системасынын демонстрациясы

Мамдума шайлоосуна 7,5 миң адам видеокөзөмөл аркылуу байкоо салууда

9
(жаңыланган 18:33 18.09.2021)
Быйыл шайлоо 17-19-сентябрга белгиленген. Мамлекеттик Дума менен бирге аймактык жана муниципалдык да шайлоо өтүп жатат.

БИШКЕК, 18-сен. — Sputnik. Россияда өтүп жаткан Мамлекеттик Дума шайлоосуна видеокөзөмөл аркылуу байкоо салып жаткан парламенттик партиялардын биринен да эч кандай доомат түшкөн жок. Бул тууралуу РФ Борбордук шайлоо комиссиясынын төрага орун басары Николай Булаев билдирди.

"Ушу тапта видеокөзөмөл порталында 7,5 миң адам отурганын жазып жатышат. Алар бир эле убакта 30 миң шайлоо участкасына көз салууда. Эч биринен эч кандай доомат жок. Парламенттик партиялар биз камсыздап берген техникалык жабдууга нааразылык жок экенин айтышты", — деди Булаев.

Ал коомдук көзөмөл борборлорунда жумушчу орун жетиштүү экенин белгилеп, каалоочуларды чакыра кетти.

Шайлоо быйыл 17-19-сентябрга белгиленген. Мамлекеттик Дума менен биргеликте регионалдык жана муниципалдык шайлоо да кошо өтүп жатат.

9
Белгилер:
шайлоо, Россия, Мамлекеттик Дума, көзөмөл, БШК
Тема боюнча
Владимир Путин Мамдуманын шайлоосуна онлайн добуш берди
Москвада онлайн шайлоого катышкан 10 жаран акциядан батир утуп алды