Лабораториянын кызматкери. Архив

Кара-Сууда тамакка уулангандар. Лабораториялык изилдөөнүн жыйынтыгы чыкты

(жаңыланган 10:13 16.03.2021)
Мындан бир нече күн мурда Кара-Сууда туулган күнгө барган адамдар тамакка ууланып, алардын экөө каза болгон. Жабыркагандар ооруканага дароо кайрылышкан эмес.

БИШКЕК, 16-мар. — Sputnik. Кара-Сууда туулган күнгө барган кишилер эмнеден ууланганын Sputnik агенттигине Ош шаардык жана облустук санитардык-эпидемиологиялык көзөмөлдөө борборунун тамак-аш коопсуздугу боюнча бөлүмүнүн башчысы Гүлжан Жээнбаева билдирди.

Эске салсак, мындан бир нече күн мурда аталган райондо туулган күнгө барган адамдар тамакка ууланып, алардын экөө каза болгону айтылган. Жабыркагандар ооруканага дароо кайрылышкан эмес.

Бирок Санэпидем көзөмөл борборунун кызматкери Гүлжан Жээнбаеванын айтымында, ууланган эки киши учурда Ош облустар аралык бириккен клиникалык ооруканасынын жандандыруу бөлүмүндө оор абалда жатат. Ал эми 11 бейтап Кара-Суу аймактык ооруканасында дарыланууда, абалдары туруктуу.

"Лабораториялык иликтөөлөрдүн жыйынтыгында туулган күндө дасторконго коюлган ширелерден, салаттан, бадыраңдан ботулизмди козгогучтар аныкталды", — деди Жээнбаева.

Ош шаарынын аймагында үй шартында консерваланган азыктарга карата рейддер уланып жатканы, акыркы эки күндө калаанын борбордук базарынан 150 литрден ашык чапталган продукциялар лабораторияга жөнөтүлгөнү айтылды.

Белгилер:
изилдөө, бейтап, өлүм, уулануу, Кара-Суу району
Тема боюнча
Сокулуктагы массалык уулануу. Санэпидкөзөмөл окуянын чоо-жайын айтты
Саясий серепчи Марат Казакпаев. Архив

Саясий серепчи Марат Казакпаевдин баш коргоо чарасы тандалды

(жаңыланган 09:59 15.04.2021)
Кечээ УКМК мамлекетке чыккынчылык кылган деп эки адамды кармаган. Алардын бири саясий серепчи Марат Казакпаев экени айтылган.

БИШКЕК, 15-апр. — Sputnik. Биринчи май райондук соту саясий серепчи Марат Казакпаевдин бөгөт чарасын карады. Бул тууралуу райондук соттун маалымат кызматы билдирди.

Ага ылайык, соттун чечими менен Казакпаев 2021-жылдын 14-июнуна чейин камакта болот.

Эске салсак, 14-апрелде УКМК мамлекетке чыккынчылык кылган деп эки адамды кармаган. Алардын бири саясий серепчи Марат Казакпаев экени айтылган болчу.

Комитеттен эске салышкандай, мыйзамга ылайык, мамлекетке чыккынчылык кылгандардын күнөөсү далилденсе 10 жылга чейин эркинен ажыратылышы мүмкүн.

Марат Казакпаев 55 жашта. Буга чейин Кыргыз-Россия Славян университетинин эл аралык мамилелер факультетинде сабак берген. КР Улуттук илимдер академиясынын Экономика институтундагы эл аралык көйгөйлөр бөлүмүндө илимий кызматкер, "Полис Азия" аналитикалык борборунда адис болгон.

Көбүнесе геосаясат жана жергиликтүү маселелер боюнча пикирин айтып келет.

Аскерлер. Архив

Чет өлкөдөн да окуса болот. Министрлик аскерлердин документтерин кабыл алууда

(жаңыланган 09:51 15.04.2021)
Министрлик аркылуу Россия, Казакстан, Кытай, Азербайжан, Түркия жана Индиядан окуп келүүгө мүмкүнчүлүк бар.

БИШКЕК, 15-апр. — Sputnik. Коргоо министрлигинде аскердик окуу жайларга тапшырууну каалаган абитуриенттердин документтерин кабыл алуу башталды. Бул тууралуу мекеменин маалымат кызматы кабарлады.

Документтер 20-майга чейин кабыл алынат.

Жоокер дүрбү менен карап жатат. Архив
© Фото / пресс-служба Министерства обороны КР
Аскердик окуу жайлардын тизмеси, бөлүнүп жаткан орундардын болжолдуу саны жана тапшыруу шарттары жөнүндө маалымат Коргоо министрлигинин сайтындагы "Билим берүү" деген бөлүмдө жайгаштырылган.

Студенттер онлайн-каттоодон өтүп, андан кийинки нускама боюнча иш алып барышы керек.

Өлкөдө Калыйнур Үсөнбаев атындагы Аскер институтунда, Кыргыз улуттук аскер лицейинде жоокерлер даярдалат. Мындан тышкары, министрлик аркылуу Россия, Казакстан, Кытай, Азербайжан, Түркия жана Индиядан окуп келсе болот.

Тема боюнча
Окуу жайлар жылына эки ирет абитуриент кабыл алат. Токтом өкмөттө каралууда
Бишкекте "Россиядан билим алуу" көргөзмөсү өтөт. Окуу жайлардын тизмеси
МГИМО кыргызстандык абитуриенттерди кабыл алат. Шарт-талабы