Сабырбек Жумабеков: Катар 9,2 млн. долларлык оорукана куруп бермей болду
(жаңыланган 10:24 16.03.2021)
Дарыгер курулуш иштери боюнча тендер өткөрүүнү Катар тараптан көзөмөлдөп берүүсүн сурангандыгын билдирген.БИШКЕК, 16-мар. — Sputnik. Катар өкмөтү Бишкек шаарында Травматология жана ортопедия борборунун 9 миллион 240 миң долларлык имаратын бекер куруп берет. Бул тууралуу аталган борбордун директору Сабырбек Жумабеков өзүнүн социалдык тармактагы баракчасына жазды.
"Бүгүн Катар мамлекетинин Кыргызстандагы элчиси Абдулла бин Ахмед Аль-Сулайити мырза менен жолукканда ал Катардын өкмөтү Бишкектеги Травматология жана ортопедия борборунун тогуз кабаттуу, заманбап технологиялар менен жабдылган жаңы имаратынын курулушуна багытталган 9 миллион 240 миң доллар бөлүнгөнүн билдирди. Бул каражат 100 пайыз грант түрүндө берилет. Кредит эмес, кайтарбайбыз", — деп жазган ал.
©
Пресс-служба президента КР / Султан Досалиев
"Биздин өтүнүч менен тендер маселеси элчилик тарабынан өткөрүлүп, курулушту аягына чейин өздөрү көзөмөлгө ала турган болду (түшүндүңөр да)", — деп жазган Жумабеков.
Дарыгер жер, документ жана башка маселелер канчалык эрте бүтсө, курулуш ошончолук эртерээк башталарын кошумчалады.
Жума күнүнө карата аба ырайы
23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.
БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.
Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.
Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.
Күндүн табы Бишкекте +13…+15, Ош шаарында +16…+18 градус жылыйт.
Белгилер:
Кыргызстанга "Спутник V" вакцинасы кантип жеткирилди. Видео
(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.
"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.
Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.
"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.
Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.
"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.
Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.
Белгилер:
ЕЭК Кыргызстанга шекерди бажы алымысыз алып келип турууга уруксат берди
(жаңыланган 23:58 22.04.2021)
Тарифтик жеңилдик 15-майдан 30-сентябрга чейин болот. Натыйжада Кыргызстанга 40 миң тоннадан ашык кумшекер бажы алымы жок келет.БИШКЕК, 22-апр. — Sputnik. Евразия экономикалык комиссиясынын кеңеши ЕАЭБ аймагына шекерди импорттоодо бажы алымды убактылуу алып турууну чечти. Бул тууралуу ЕЭКтин маалымат кызматы кабарлады.
Мындай чечим комиссиянын кеңешинин жыйынында кабыл алынган.
©
Sputnik / Асель Сыдыкова
ЕЭК белгилегендей, комиссиянын кеңешинин чечими расмий жарыялангандан тартып 10 календардык күндө күчүнө кирет.
Эске сала кетсек, азыр ЕАЭБге кирбеген өлкөлөргө шекер ташуунун бажы алымы тоннасына 340 долларды түзөт.