Ирактан кыргызстандык балдар мекенге кайтарылды

Ирактан 79 кыргызстандык бала мекенине кайтарылды. Сүрөттөр

(жаңыланган 11:30 16.03.2021)
Балдарды куткарууга багытталган гуманитардык миссия мындай масштабдагы алгачкы репатриациялык иш-чара болгону белгиленет.

БИШКЕК, 16-мар. — Sputnik. Ирак Республикасындагы кыргызстандык 79 бала Бишкекке кайтарылды. Бул тууралуу Тышкы иштер министрлигинин маалымат кызматы кабарлады.

Бул "Мээрим" гуманитардык миссиясынын алкагында жүзөгө ашырылып, бүгүн, 16-мартта, балдар өлкөгө атайын борт менен учуп келишкен.

  • Девочки в Бишкекском аэропорту Манас после возвращения на родину из Ирака. 16 марта 2021 года
    Ирак Республикасындагы кыргызстандык 79 бала Бишкекке кайтарылды
    © Фото / пресс-служба МИД КР
  • Ребенок с игрушкой держит за руку родителя после возвращения на родину из Ирака в Бишкекском аэропорту Манас. 16 марта 2021 года
    Бул тууралуу Тышкы иштер министрлигинин маалымат кызматы кабарлады
    © Фото / пресс-служба МИД КР
  • Специальный борт из Ирака вернул на родину 79 детей граждан Кыргызской Республики. 16 марта 2021 года
    Бул "Мээрим" гуманитардык миссиясынын алкагында жүзөгө ашырылып, бүгүн, 16-мартта, балдар өлкөгө атайын борт менен учуп келишкен
    © Фото / пресс-служба МИД КР
  • Дети с шариком и игрушками в Бишкекском аэропорту Манас после возвращения на родину из Ирака. 16 марта 2021 года
    Өмүрү жана ден соолугу үчүн өтө кооптуу абалга кабылган жана мамлекет тарабынан коргоо укугуна ээ болгон балдарды куткарууга багытталган бул гуманитардык миссия мындай мүнөздөгү жана масштабдагы алгачкы репатриациялык иш-чара болгону белгиленет
    © Фото / пресс-служба МИД КР
  • Дети с шариками в руках в Бишкекском аэропорту Манас после возвращения на родину из Ирака. 16 марта 2021 года
    Ирак тарап менен узакка созулган сүйлөшүүлөрдөн кийин балдарды мекенине кайтаруу иш-чараларын уюштуруу боюнча февраль айынын аягында гуманитардык миссия менен дипломатиялык кызматкерлердин, өкмөттүн жана башка компетенттүү органдардын өкүлдөрүнүн түзүлгөн жумушчу топ жөнөтүлгөн
    © Фото / пресс-служба МИД КР
  • Ребенок с игрушкой в Бишкекском аэропорту Манас после возвращения на родину из Ирака. 16 марта 2021 года
    "Балдарды кийин туугандарына өткөрүп берүү үчүн тийиштүү кызматтар аларды реабилитациялоо жана ресоциализациялоо иштерин жүргүзүүгө тийиш. Белгилеп кетчү нерсе, балдардын Иракта калган энелеринин, ошондой эле аларды тарбиялоого өз үй-бүлөлөрүнө алууну каалаган туугандарынын макулдугу менен ишке ашырылды", — деп айтылат маалыматта
    © Фото / пресс-служба МИД КР
  • Ребенок со стаканом воды в Бишкекском аэропорту Манас после возвращения на родину из Ирака. 16 марта 2021 года
    Кыргыз өкмөтү мекенине кайтарылган балдарга ар тараптуу жардам берүүнү, тез арада реабилитациялоо, реинтеграциялоо жана нормалдуу тынч жашоого кайтаруу боюнча бардык иш-чараларды өткөрүүнү убадалады
    © Фото / пресс-служба МИД КР
  • Дети с шариком и игрушками в Бишкекском аэропорту Манас после возвращения на родину из Ирака. 16 марта 2021 года
    Ошондой эле өкмөт балдарды репатриациялоо процессин уюштурууга көрсөткөн көмөгү үчүн ирак өкмөтүнө, гуманитардык миссияны жүзөгө ашырууга көрсөткөн зор колдоосу жана кызматташуусу үчүн БУУнун Балдар фондунун Бишкектеги жана Багдаддагы өкүлчүлүктөрүнө, Кыргызстандын Кызыл жарым ай коомуна ыраазычылыгын билдирди
    © Фото / пресс-служба МИД КР
  • Сотрудник Красного полумесяца держит в руках ребенка, возвращенного на родину из Ирака, аэропорт Манас, Бишкек. 16 марта 2021 года
    Ирактан кыргызстандык балдар Бишкекке кайтарылды
    © Фото / пресс-служба МИД КР
  • Ребенок с игрушкой в Бишкекском аэропорту Манас после возвращения на родину из Ирака. 16 марта 2021 года
    Ирактан кыргызстандык балдар Бишкекке кайтарылды
    © Фото / пресс-служба МИД КР
1 / 10
© Фото / пресс-служба МИД КР
Ирак Республикасындагы кыргызстандык 79 бала Бишкекке кайтарылды

Өмүрү жана ден соолугу үчүн өтө кооптуу абалга кабылган жана мамлекет тарабынан коргоо укугуна ээ болгон балдарды куткарууга багытталган бул гуманитардык миссия мындай мүнөздөгү жана масштабдагы алгачкы репатриациялык иш-чара болгону белгиленет.

Ирак тарап менен узакка созулган сүйлөшүүлөрдөн кийин балдарды мекенине кайтаруу иш-чараларын уюштуруу боюнча февраль айынын аягында гуманитардык миссия менен дипломатиялык кызматкерлердин, өкмөттүн жана башка компетенттүү органдардын өкүлдөрүнүн түзүлгөн жумушчу топ жөнөтүлгөн.

"Балдарды кийин туугандарына өткөрүп берүү үчүн тийиштүү кызматтар аларды реабилитациялоо жана ресоциализациялоо иштерин жүргүзүүгө тийиш. Белгилеп кетчү нерсе, балдардын Иракта калган энелеринин, ошондой эле аларды тарбиялоого өз үй-бүлөлөрүнө алууну каалаган туугандарынын макулдугу менен ишке ашырылды", — деп айтылат маалыматта.

Кыргыз өкмөтү мекенине кайтарылган балдарга ар тараптуу жардам берүүнү, тез арада реабилитациялоо, реинтеграциялоо жана нормалдуу тынч жашоого кайтаруу боюнча бардык иш-чараларды өткөрүүнү убадалады.

Ошондой эле өкмөт балдарды репатриациялоо процессин уюштурууга көрсөткөн көмөгү үчүн ирак өкмөтүнө, гуманитардык миссияны жүзөгө ашырууга көрсөткөн зор колдоосу жана кызматташуусу үчүн БУУнун Балдар фондунун Бишкектеги жана Багдаддагы өкүлчүлүктөрүнө, Кыргызстандын Кызыл жарым ай коомуна ыраазычылыгын билдирди.

Белгилер:
Бишкек, алып келүү, бала, Ирак
Тема боюнча
ТИМ Ирактагы кыргыз балдарын мекенге кайтаруу иштери аяктап калганын билдирди
Кыргызстан Сирияда калган жарандарын алып келүү үчүн учак жиберет
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр

Кыргызстанга "Спутник V" вакцинасы кантип жеткирилди. Видео

(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.

Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.

"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.

Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.

"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.

Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.

"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.

Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Белгилер:
Алымкадыр Бейшеналиев, Артем Новиков, Николай Удовиченко, Спутник V, вакцина, Россия, Кыргызстан
Тема:
"Спутник V" вакцинасы
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты
Дүкөндөгү кумшкекер. Архив

ЕЭК Кыргызстанга шекерди бажы алымысыз алып келип турууга уруксат берди

(жаңыланган 23:58 22.04.2021)
Тарифтик жеңилдик 15-майдан 30-сентябрга чейин болот. Натыйжада Кыргызстанга 40 миң тоннадан ашык кумшекер бажы алымы жок келет.

БИШКЕК, 22-апр. — Sputnik. Евразия экономикалык комиссиясынын кеңеши ЕАЭБ аймагына шекерди импорттоодо бажы алымды убактылуу алып турууну чечти. Бул тууралуу ЕЭКтин маалымат кызматы кабарлады.

Мындай чечим комиссиянын кеңешинин жыйынында кабыл алынган.

Тарифтик жеңилдик 2021-жылдын 15-майынан 30-сентябрына чейин болот. Арменияга 22,4 миң тонна, Казакстанга 134,4 миң тонна, Кыргызстанга 40 миң тонна, Россияга 350 тоннадан ашык эмес өлчөмдө ташылып келген кумшекер бажы алымынан бошотулат.

ЕЭК белгилегендей, комиссиянын кеңешинин чечими расмий жарыялангандан тартып 10 календардык күндө күчүнө кирет.

Эске сала кетсек, азыр ЕАЭБге кирбеген өлкөлөргө шекер ташуунун  бажы алымы тоннасына 340 долларды түзөт.

Белгилер:
импорт, Кумшекер, бажы, чечим, комиссия, ЕЭК, Евразиялык экономикалык биримдик
Тема:
ЕАЭБдеги Кыргызстан
Тема боюнча
Бишкекте азык-түлүк жарманкеси өтөт. Даректери
Кумшекер бир айда 7,2 пайызга кымбаттады. Жер-жерлердеги баалар