Азат Базаркулов Альфа Телеком компаниясынын кайрадан башкы директору болуп дайындалды. Архив

Азат Базаркулов кайрадан MegaCom компаниясынын жетекчиси болду

(жаңыланган 13:12 16.03.2021)
Компанияны буга чейин жетектеп келген Акылбек Жаманкулов өз арызы менен кызматтан кеткени айтылды.

БИШКЕК, 15-мар. — Sputnik. Азат Базаркулов кайрадан "Альфа Телеком" (MegaCom) компаниясынын башкы директору болуп дайындалды. Бул тууралуу компаниянын маалымат кызматы билдирди.

2018-жылдан бери "Альфа Телекомду" жетектеп келген Акылбек Жаманкулов өз арызы менен кызматтан кеткен.

Эскерте кетсек, Азат Базаркулов аталган компанияны 2012-2018-жылдары жетектеген.

Белгилер:
Акылбек Жаманкулов, Азат Базаркулов, дайындоо, жетекчи, MegaCom
Тема боюнча
Замирбек Надырбеков Коопсуздук кеңеш катчысынын орун басары болуп дайындалды
Чүй облусунун жетекчиси алмашты
Врач, носящий средства индивидуальной защиты (СИЗ), лечит пациентов в дневном стационаре, который расположен в школьном спортзале в Бишкеке. Кыргызстан, 16 июля 2020 года

Коронавирус күч алды. Акыркы жолу өлкөдө 300 учур качан катталды эле

(жаңыланган 11:11 15.04.2021)
Өткөн суткада коронавирус 300дөн ашык адамдан аныкталды. Акыркы төрт айдан бери өлкөдө коронавирусту мынча көп жуктургандар каттала элек болчу.

БИШКЕК, 15-апр. — Sputnik. Кыргызстанда акыркы ирет бир күндө коронавирус жуктурган 300 учур 2020-жылдын 14-декабрында катталган.

Ал учурда өлкөдө бир суткада 318 жаңы учур аныкталган болчу. Андан бери төрт ай өтүп, бүгүн коронавирустун 305 жаңы учуру катталды. Октябрь окуяларынан кийин ооругандардын саны тездик менен өсүп, декабрдын ортосунан тарта оору жуктургандардын статистикасы аз-аздан ылдыйлап баштаган.

Өткөн суткада өлкө боюнча алты адам коронавирустан көз жумду. Анын экөө Чүй облусунан болсо, төртөө Бишкектен каза тапкан. Буга чейин мындай көрсөткүч 12-апрелде катталган.

Кыргызстанда пандемия башталгандан тарта коронавирус жалпы 91 144 адамдан табылган. Анын ичинен 86 491 киши дартты жеңсе, 1 540 бейтап каза болду.

Белгилер:
өлүм, оору, коронавирус, Кыргызстан
Тема:
Коронавируска байланыштуу Кыргызстандагы кырдаал
Бажы кызматынын төрагасынын мурдагы орун басары Райымбек Матраимов. Архив

Матраимовдун кылмыш иши кыскартылып, эркиндикке чыкты

(жаңыланган 11:03 15.04.2021)
Матраимов өз ыктыяры менен базар баасы 20 миллион сомдон жогору жалпы аянты 232,3 чарчы метр батирин мамлекеттин бюжетине өткөрүп берди.

БИШКЕК, 15-апр. — Sputnik. Бажы кызматынын төрагасынын мурдагы орун басары Райымбек Матраимовго козголгон кылмыш иши кыскартылды. Бул тууралуу УКМКнын маалымат кызматы кабарлады.

УКМК мурда билдиргендей, 2021-жылдын 18-февралында Матраимов кылмыштуу кирешелерди легалдаштыруу (адалдоо) фактысы боюнча козголгон кылмыш ишинин алкагында кармалып, камакка алуу баш коргоо чарасы каралган.

Эми кылмыш иши токтотулуп, баш коргоо чарасы жокко чыгарылганы айтылды.

Ошол эле учурда Матраимов өз ыктыяры менен базар баасы 20 миллион сомдон жогору жалпы аянты 232,3 чарчы метр батирин мамлекеттин бюжетине өткөрүп берди.

Белгилер:
кылмыш, эркиндик, Райымбек Матраимов
Тема:
Райым Матраимовдун кармалышы
Тема боюнча
Абактагы Райым Матраимов кан басымы көтөрүлүп жатканын айтты
Камчы Көлбаев атайын эсепке 50 млн. сом которуп, дагы 200 млн. мойнуна илинди