AstraZeneca вакцинасы. Архив

Кыргызстанда апрелде эмдөө башталат. AstraZeneca вакцинасы эмне болот

(жаңыланган 14:12 16.03.2021)
Саламаттык сактоо министи Бейшеналиевдин айтымында, россиялык препарат боюнча маселе бүгүн-эртең чечилет.

БИШКЕК, 16-мар. — Sputnik. Саламаттык сактоо министри Алымкадыр Бейшеналиев апрелден тарта коронавируска каршы эмдөө башталарын тастыктады.

Sputnik агенттигинин кабарчысы менен баарлашкан аткаминер жарандар россиялык "Спутник V" же кытайлык Sinopharm вакцинасын аларын айтты. Ал Кытай Кыргызстанга 150 миң дозаны бекер берерин эскертип өттү.

"Ал эми россиялык препарат боюнча маселе бүгүн-эртең чечилсе, британ-шведдик AstraZeneca вакцинасын жеткирүү маселеси каралбай турган болду. Биз бул вакцинадан баш тарткан жокпуз, бирок Европа өлкөлөрү аны колдонууну токтоткону боюнча маселени талкуулаганбыз. Ошондуктан токтото турууну чечтик. Учурда COVAX менен башка вакциналар боюнча сүйлөшүүлөр жүрүп жатат. Биз биринчи кезекте жарандарыбыздын коопсуздугу тууралуу ойлонушубуз керек", — деди Бейшеналиев.

Буга чейин президент Садыр Жапаров Россияга иш сапары менен барып келгенден кийин Россия Кыргызстанга коронавируска каршы вакцина берери айтылган. "Спутник V" Жапаров Россияга барар алдында Кыргызстанда каттоого алынган.

Эске салсак, Европанын бир нече мамлекеттери калкты AstraZeneca вакцинасын колдонууну токтотуп коюшкан. Себеби аталган препарат сайылгандан кийин кан тамырдын бүтөлүп калышы (тромбоз) тууралуу билдирүүлөр түшкөн соң вакцинаны дагы тереңдеп изилдеп көрүүнү чечишкен.

Белгилер:
вакцина, коронавирус, Кыргызстан
Тема:
Коронавируска каршы эмдөө (52)
Тема боюнча
Европа өлкөлөрү AstraZeneca вакцинасынан баш тартты. ДССУ иликтеп жатат
Окумуштуу: "Спутник V" боюнча айтылган кептердин артында саясат жатат
Митингтеги болгон медицина кызматкерлер биринчи вице-премьер Артем Новиков менен

Митингге чыккан медиктер менен бийлик кандай келишимге келди

(жаңыланган 22:53 16.04.2021)
Новиковдун айтымында, медицина кызматкерлеринин базалык эмгек акыларын төлөөдө бийлик мамлекеттин реалдуу мүмкүнчүлүктөрүнө таянат.

БИШКЕК, 16-апр. — Sputnik. Бүгүн Бишкекте өткөн митингге байланыштуу эртең Саламаттык сактоо жана социалдык өнүгүү министрлигинде кеңейтилген жолугушуу болот. Бул тууралуу өкмөттүн маалымат кызматы кабарлады.

  • Медицинские работники, вышедшие на митинг к белому дому на встрече с вице-премьер-министром КР. 16 апреля 2021 года
    Встреча вице-премьера КР с медиками вышедшими на митинг
    © Пресс-служба правительства / Алишер Алиев
  • Первый вице-премьер-министр КР Артем Новиков встретился с медицинскими работниками, вышедшими на митинг к белому дому. 16 апреля 2021 года
    Встреча вице-премьера Артема Новикова с медиками вышедшими на митинг
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Встреча вице-премьера КР с медиками вышедшими на митинг

Бүгүн ондогон медицина кызматкерлери Ак үйдүн жана өкмөт үйүнүн жанында акция өткөрүштү. Алар буга чейин кенемте төлөө жана маянаны жогорулатуу боюнча бийликтин убадаларынын аткарылышын талап кылышты. Митингчилерди биринчи вице-премьер Артем Новиков кабыл алды.

Ал медиктерге компенсация төлөө боюнча маселенин үстүндө атайын комиссия иштеп жатканын белгиледи.

"Эртең Саламаттык сактоо министрлигинде биз медицина кызматкерлеринин, министрликтердин өкүлдөрүнүн, кенемтелерди төлөө боюнча комиссия мүчөлөрүнүн жолугушуусун өткөрөбүз. Анда көйгөйлүү маселелердин баары кылдат изилденет. Биз өз кезегинде компенсацияларды төлөө боюнча маселенин мүмкүн болушунча тезирээк чечилиши үчүн болгон аракеттерди көрөбүз. Экономика жана финансы министрлиги медициналык кызматкерлердин базалык эмгек акысын жогорулатуу маселелери боюнча тийиштүү эсептөөлөрдү жүргүзөт. Биз мамлекеттин реалдуу мүмкүнчүлүктөрүнө таянабыз", — деген Новиков.

Медиктер пандемияда кызматтык милдетин аткарууда коронавирус илдетин жуктуруп алгандарга компенсация төлөө, эмгек акынын аздыгы, коргоо жана коопсуздук кепилдигине байланышкан көйгөйлөрдү ортого салышты.

Ысык-Көл тамыры чөп кайнатмасы

Бишкекте киши уу коргошунга ууландыбы? Дарыгерлердин жообу

(жаңыланган 22:51 16.04.2021)
"Ысык-Көл тамыры" уусу күчтүү дары чөп болуп эсептелет. Тажрыйбалуу медицина кызматкерлери коронавирустан бекитилген протоколдун негизинде дарыланууну сунуштайт.

БИШКЕК, 16-апр. — Sputnik. Социалдык тармактарда Бишкекте киши "Ысык-Көл тамыры" деген чөптүн кайнатмасын ичип алып, ууланып калганы тууралуу маалымат тарап жатат.

Бул тууралуу өзүнүн Facebook баракчасына Кыргыз-Россия Славян университетинин клиникалык фармакология кафедрасынын жетекчиси, медицина илимдеринин кандитаты Аида Зурдинова дагы жазган.

"Мессенджер аркылуу мага маалымат түштү. Тез жардамда иштеген таанышыма саат 14:00дө бир киши чалып "жардам бергиле" деп кыйкырыптыр. Бейтап 10-кичи райондо жашайт экен. Дарыгерлер жерине барганда батирдин ичинен бүгүн жарнамаланган уу коргошундун бөтөлкөсүн көрүшкөн. Бейтаптын жүрөгүнүн согушу бузулуп, дем алуусу кескин начарлаган. Бактыга жараша, Тез жардамды убагында чакырышкан. Бейтап өзү дагы ошол кайнатманы ичкенин билдирген. Жаран токсикологияга жеткирилген, жакшы болуп кетет деп үмүт артуудабыз", - деп жазды ал.

Анткен менен Бишкектеги Травматология жана ортопедия илим-изилдөө борборунун токсикология бөлүмүнөн мындай бейтаптар түшпөгөнүн билдиришти.

Ал эми Зурдинова өзүнүн жазган постунун алдына бейтап жеке клиникага жаткырылганын жазып, окуянын чоо-жайы тууралуу маалымат эртең болорун билдирди.

Уу коргошун чуусу

Буга чейин президент Садыр Жапаров Кыргызстандын дарыгерлери коронавирустан 2-3 күндө айыктыра турган ыкма тапканын айткан. Көп өтпөй социалдык тармактагы баракчасына он чакты киши атайын аппараттын жардамы менен бөтөлкөлөргө саргыч түстөгү суюктукту куюп жаткан видео жарыялаган. Ал бөтөлкөлөрдүн сыртында "Уу коргошун" жана "Иссык-Кульский корень" деген жазуулар бар экенин көрүүгө болот.

Дүйнөлүк саламаттык сактоо уюмунун Кыргызстандагы өкүлчүлүгүнүн башчысы Назира Артыкованын ЖМКларга билдиргенине караганда, "Ысык-Көл тамырынын" кайнатмасы менен коронавирусту дарыласа болот деп ойлоо туура эмес.

Журналисттин "Сөз болуп жаткан кайнатма менен коронавирустан арылса болобу?" деген суроосуна ал: "Мүмкүн эмес. Бардык жерде илимий далил керек", - деп жооп берди.

Ал арада Дүйнөлүк саламаттык сактоо уюмунун (ДССУ) Кыргызстандагы өкүлчүлүгү билдирүү таратып, сыноодон өтпөгөн дарыны каттоо жана калкка кеңири колдонууга сунуштоого болбой турганын эскертти. Клиникалык сыноолордо препараттын натыйжасы жана коопсуздугу аныкталарын эске салган.

Ал эми далилдүү медицина боюнча адис Бермет Барыктабасова "Ысык-Көл тамыры" Кыргызстандагы эң уулуу чөп экенин айтып, анын кайнатмасын пайдалануу элдин саламаттыгына коркунуч жаратарын билдирген.

Белгилер:
бейтап, дары, Ысык-Көл тамыры, уу коргошун, Садыр Жапаров, Кыргызстан
Тема:
Уу коргошун чуусу
Тема боюнча
Садыр Жапаров уу коргошун кайнатканды кимден үйрөнгөн?
Министр: уу коргошунду туура эмес ичкен адам беш мүнөткө жетпей өлөт
Барыктабасова: "Ысык-Көл тамыры" элдин саламаттыгын коркунучка кептейт