UNICEF ЖМКларды Ирактан алып келинген балдардын жеке жашоосун сыйлоого чакырды
(жаңыланган 17:03 16.03.2021)
Бириккен Улуттар Уюмунун Балдар фонду өкмөттүн куралдуу конфликт аймагындагы балдарды мекенине кайтаруу чечимин колдой турганын айтты.БИШКЕК, 16-мар. — Sputnik. БУУнун Балдар фондунун (UNICEF) өкүлү Кристиан Жольм Ирактан Кыргызстанга кайтарылган балдар куугунтукка жана дискриминацияга кабылбашы үчүн ЖМКларды алардын жеке жашоосуна сый-урмат менен мамиле кылууга чакырганын эл аралык уюмдун маалымат кызматы билдирди.
Бүгүн гуманитардык "Мээрим" миссиясынын алкагында Ирактан 79 бала Кыргызстанга алып келинди.
Жольм UNICEF КР өкмөтүнүн балдар укугу боюнча конвенциядагы милдеттерин аткарып жаткандыгын жана балдардын үй-бүлөгө кыска убакта реинтеграцияланышына көмөктөшкөнүн жогору баалай турганын белгилеген.
"Мунун ичине балдарды үй-бүлөсүнө тез арада кайтаруу, алардын кадимки жашоого кайтып келиши үчүн билим алууга бирдей шарт түзүп берүү кирет", - деп билдирген Жольм.
БУУнун Балдар фондунан өкмөттүн бул гуманитардык операциясын колдой турганын жана мындан ары дагы колдоого аларын белгилешти.
Акониттин кайнатмасы мамлекеттик резиденцияда жасалат. Видео
(жаңыланган 23:42 16.04.2021)
Президенттик аппараттан аконит кайнатмасын даярдоочу имарат толук тазаланганын жана тийиштүү деңгээлде жабдылганын билдиришти.БИШКЕК, 16-апр. — Sputnik. Коронавируска кабылган бейтаптарды дарылоо үчүн жасалуучу "Ысык-Көл тамырынын" кайнатмасы "Ала-Арча" мамлекеттик резиденциясында жасалат. Бул тууралуу президенттик аппараттан билдиришти.
"Мамлекеттик резиденцияда атайын имарат бөлүнүп берилди, ал толук тазаланган жана талаптагыдай жабдылган. Кайнатма чөп ошол жерден жасалат, атайын жабдуу бар. Ал жерде медицина кызматкерлери бар, министр өзү да катышууда. Медиктер 300дөй ыктыярчыны дарылап сакайтты. Саламаттык сактоо министри өзү бул аракетти колдоп, акырындык менен пайдаланылып жатат", — дешти президенттик аппараттан.
Алар кайнатма чөп кустардык ыкма менен куюлбай турганын белгилешти.
Посмотреть эту публикацию в Instagram
©
Sputnik / Эмиль Садыров
"Ысык-Көл тамыры" уусу күчтүү чөптөрдүн катарына кирет. Тажрыйбалуу медиктер коронавирустан мурда бекитилген протоколдун негизинде дарыланууну сунушташууда.
Бегалиев: музыка талдоочулар бизде жокко эсе
(жаңыланган 23:06 16.04.2021)
Кыргыз эл артисти, композитор Муратбек Бегалиев Кыргызстанда музыка таануучулардын, талдоочулардын саны жокко эсе экендигин айтты.Музыканы талдап, ага туура баа берип, сапаттуу, уникалдуу чыгарманын жаралышында музыка таануучулардын орду эбегейсиз. Мындай пикирин Муратбек Бегалиев Sputnik Кыргызстан радиосунун эфиринде маек куруп жатып билдирди.
Бегалиев: музыка талдоочулар бизде жокко эсе
Анын айтымында, музыкалык билим берүүнү жакшыртып, кесипкөй музыка талдоочуларды таптап чыгаруу зарыл.
"Кыргыз улуттук консерваториясы түптөлүп жатканда эле окуу жайда музыка талдоочуларды, музыка таануучуларды окутуу зарылчылыгын көтөрүп чыктым эле. Анткени музыканы туура талдап, тандап бере турчулар ошолор. Музыка таануучу деген азыр бизде жок. Бул көйгөйдүн себеби — музыка таануучу абдан оор окуу. Алар аткаруучуну, композитор, дирижёрдун ишин талдап, баа берип, сындай турган адамдар. Мындай адистер универсал болуп, музыканын ийне-жибине чейин билиши керек. Ошондуктан жаштар аны окубай жатышат. Музыка таануучуларга муктаждыгыбыз чоң", — деди Бегалиев.
Ошондой эле композитор музыка көп убакытты талап кылган абдан татаал окуу экендигин кошумчалады.
Белгилер: