Талас шаары. Архив

Талас театрындагы коррупциялык иштер боюнча тергөө башталды

63
(жаңыланган 12:57 17.03.2021)
Ыкчам-тергөө иш-чараларын жүргүзүү учурунда сатып алынган музыкалык аппаратуранын баасы 10 миллион сомдон ашыкча көрсөтүлгөнү аныкталган.

БИШКЕК, 17-мар. — Sputnik. Таластагы облустук Капар Медетбеков атындагы музыкалык драма театрына аппаратура сатып алууда документте 10 миллион сом ашык көрсөтүлгөндүктөн ыкчам-тергөө иш-чаралары жүргүзүлүүдө. Бул туурасында УКМКнын сайтында кабарланган.

УКМК Кылмыш-жаза кодексинин 320-беренесинин 2-бөлүмү ("Кызмат абалынан кыянаттык менен пайдалануу") кылмыш белгилери боюнча Кылмыш жана жоруктардын бирдиктүү реестрине катталган сотко чейинки өндүрүш ишинин алкагында музыкалык аппаратуралар өз наркынан кымбат бааланган фактыларды аныктаган.

Талас облусунун капиталдык курулуш башкармалыгынын жогору кызмат адамдары мамлекеттик сатып алуулар процедурасы аркылуу Талас облустук музыкалык драма театрына, Талас облусунун капиталдык курулуш башкармалыгынын жана Мамлекеттик экологиялык-техникалык инспекциянын кызматкерлери тарабынан акты менен кабыл алынып, жеке компаниялардан 25 миллион сом суммасында музыкалык аппаратура сатып алышкан.

"Ыкчам-тергөө иш-чараларын жүргүзүү учурунда сатып алынган музыкалык аппаратуранын баасы 10 миллион сомдон ашыкча көрсөтүлгөнү аныкталды", — деп айтылат УКМКнын маалыматында.

Учурда УКМК бул мыйзамсыз аракеттерге тиешеси бар кызмат адамдарын аныктоо жана келтирилген зыяндын ордун толтуруу боюнча ыкчам-тергөө иш-чаралары жүргүзүлүп жатат.

63
Белгилер:
Кыргызстан, Талас облусу, УКМК, театр, коррупция
Тема боюнча
УКМК 59 млрд. сомду чыгарып кетүүгө катышы бар адамга издөө жарыялады
"Кумтөрдүн" акчасын башкага жумшап... Ысык-Көлдү өнүктүрүү фондундагы коррупция
Газ жабдууларын текшерүү. Архив

Бишкектин бир районунда 4 күнгө газ өчөт. Себеби

6
(жаңыланган 12:40 18.10.2021)
"Газпром" ишканасы оңдоо иштерине байланыштуу убактылуу газ берүү токтотуларын айтып, ыңгайсыздыктар үчүн тургундардын кечирим сурады.

БИШКЕК, 18-окт. — Sputnik. Бишкектин Жал кичи районунун жогорку бөлүгүнө 18-октябрдан 22-октябрга чейин газ берүү убактылуу токтотулат. Бул тууралуу "Газпром Кыргызстан" компаниясынын маалымат кызматынан кабарлашты.

Ишкана мунун себебин "Жал 29" от казанын жаратылыш газына кошуу боюнча иштер жүргүзүлүп жаткандыгы менен байланыштырды.

"Газпром Кыргызстан" компаниясы түзүлгөн ыңгайсыздык үчүн кечирим сурап, аталган убакыт аралыгында энергиянын альтернативдүү булактарын колдонууну сунуштады.

6
Белгилер:
Бишкек, 'Газпром Кыргызстан' ЖЧКсы, газ, өчүрүү
Тема боюнча
Алты райондо үч күн бою электр кубаты өчөт. "Ош электрдин" тизмеси
Аскерлер Улуу Ата Мекендик согуш учурунда. Архив

Улуу Ата Мекендик согушта дайынсыз кеткендерди издеген топтун ат көтөргүс иши

13
(жаңыланган 12:35 18.10.2021)
Жоокер Матяшовдун Бишкек шаарында жашаган небересине чоң атасы курман болгон деп болжолдуу аныкталган жердин топурагы жана сүрөттөрү тапшырылды.

БИШКЕК, 18-окт. — Sputnik. Өткөн ишемби күнү Аламүдүн районуна караган Ленинское айылындагы Маданият үйүндө "Биздин Жеңиш – Наша Победа" деп аталган издөө тобу жергиликтүү жашоочулар менен жолугушуу өткөрдү.

Алардын жетекчиси Татьяна Владимирова Россиядагы дал ушундай топ менен өз ара кызматташып иш алып барышарын, достугун баяндаган. Калуга облусундагы Барятин районунда август айында өткөн издөө боюнча эл аралык экспедицияга катышкандыгы маанилүү иштердин бири болгондугун билдирди. Иш-чарага келгендерди издөө отрядынын командири Екатерина Дятлова тосуп алды.

Сахнанын алдында эң баалуу артефактылар — "Биздин Жеңиш – Наша Победа" тобу Россиядагы саздардан, токойлордон тапкан Улуу Ата Мекендик согуш учурундагы Кызыл Армиянын жоокерлеринин жеке буюмдары турду. Ал эми столдо дайынсыз кеткен жоокерлерди издеп табууда талбаган эмгек, көп мээнет жумшап иштеген издөөчүлөргө тапшырылган грамоталар, дипломдор тизилген.

Иш-чаранын башында Владимирова Эл аралык издөө экспедициясына катышкан учурларды баяндап берди. Анда соң кийинки муундарга "Биздин Жеңиш – Наша Победа" жасаган иштер, "Западный фронт. Варшавское шоссе. Нам доверена память..." ролиги да көрсөтүлдү.

Аталган топ согушта курман болгондордун элесин сактап калуу, мекендин эркиндиги үчүн баскынчылардын Ата Журтубузга ээлик кылуусунан коргоп, кан-жанын аябай салгылашкан аталар, апалар туурасында тарыхты аяр сактап, маанисин жоготпой кийинки муундарга жеткирүү жаатында ат көтөргүс иш жасап келет.

Иш-чарада "Зайцева Гора" даректүү фильминен үзүндү көрсөтүлдү. Анда 385-аткычтар дивизиясынын душман менен айыгыша кармашканы айтылган. Ошол жоокерлердин арасында кыргызстандык Дмитрий Матяшов да болгон. Маалыматтарга караганда, ал ошол кандуу кармашта курман болгон. Издөөчүлөр каарман жоокердин туугандарын таап, 1942-жылдын 19-январында кызы менен жубайына жазган акыркы катын беришти. Фильмден соң Матяшовдун Бишкекте жашаган небересине чоң атасы курман болгон деп болжолдуу аныкталган жердин топурагы жана сүрөттөрү тапшырылды. Залда отургандардын көз алдына кызыл армиячылар өмүрүн аябай, улам тиштенип, улам кайраттанып немецтик баскынчылар менен салгылашып жаткан ирмемдери, айтып бүткүс эрдиктери, жоокерлердин согуш соолуткан өмүрү, жакындарынын азаптуу кайгысы бир ирмемге тартылды.

Владимирова жоокер Дмитрий Матяштын атын түбөлүккө калтыруу үчүн Россиянын Коргоо министрлигинин борбордук архивиндеги докуметтерди изилдеп, карап чыгуу боюнча чоң иштер тургандыгын белгиледи.

Иш-чаранын соңунда издөө тобундагы активдүүлүгү менен айырмаланган Ленинское айылынын улан-кыздарына сертификаттар тапшырылды. Андан сырткары, өзгөчө сертификат дагы төрт катышуучуга ыйгарылган.

13
Белгилер:
Кыргызстан, Аламүдүн району, Улуу Ата Мекендик согуш, 'Биздин Жеңиш' издөө тобу
Тема боюнча
СССР менен Германиянын согуштагы ролу ар башка! Путин өзгөчө мыйзамга кол койду
Рубрика радио Sputnik Кыргызстан Көөнө сөз

Талантбеков: "Манаста" фонтанды түшүндүргөн көөнө сөз бар

0
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосунда кездешкен көөнө сөздөрдүн бирин чечмелеп берди.

"Манас" эпосунда фонтанды түшүндүргөн "оргума" деген көөнө сөз бар. Аны учурда күнүмдүк турмушта колдонууга болот. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.

Талантбеков: "Манаста" фонтанды түшүндүргөн көөнө сөз бар

Анын айтымында, "Манас" эпосунда көптөгөн көөнө сөз кездешет.

Манасчи, член общественного объединения Көйкашка Нурбек Талантбеков на радиостудии Sputnik Кыргызстан
© Sputnik / Асель Сыдыкова
"Көйкашка" коомдук бирикмесинин мүчөсү, манасчы Нурбек Талантбеков
"Күндөлүк турмушта колдонулуп келген фонтан деген маанини түшүндүргөн сөз "Манаста" барбы деген суроо жаралат. Адатта фонтан сөзү бизге тыштан кирип, биздин тарыхта кездешпегендей кабылданып калууда. "Манас" эпосунда фонтан "оргума" же "оргу" деп айтылган. Бул сөз атырылып чыгуу, оргуштоо, уюлгуу, уюлгуп көтөрүлүү деген маанини түшүндүрөт. Эпосто "оргумасы оргуштап калаа көркү өсүптүр" деген саптар Сагынбай Орозбаковдун вариантында кездешет. Муну бүгүнкү турмушта да колдонууга мүмкүн. Анткени учурда шаарларда оргумалар, башкача айтканда, фонтандар арбын", — деди Талантбеков.

Ал ошондой эле көөнө сөздөрдү колдонуп тилди байытууга болорун кошумчалады.

0
Белгилер:
Нурбек Талантбеков, Манас эпосу, эне тил, Кыргызстан, көөнө сөз
Тема боюнча
Талантбеков: "мажилис" сөзү кеңеш, жыйын деген маанини билдирет