Россиянын вакцинасы Спутник V жүгү. Архив

Жакында Кыргызстанга Россиянын "Спутник V" вакцинасы алып келинет

102
(жаңыланган 11:55 18.03.2021)
Министр Кыргызстанда коронавируска каршы эмдөөдө Россия, Кытай жана башка мамлекеттердин вакциналары пайдаланылышы мүмкүн экенин айтты.

БИШКЕК, 18-мар. — Sputnik. Жакын арада Кыргызстанга бир нече этап менен коронавируска каршы Россиянын "Спутник V" вакцинасы келе баштайт. Бул тууралуу Sputnik Кыргызстан агенттигинде өткөн маалымат жыйын учурунда саламаттык сактоо жана социалдык өнүктүрүү министри Алымкадыр Бейшеналиев билдирди.

"Президент Садыр Жапаровдун Россияга болгон расмий иш сапары учурунда Россия лидери Владимир Путин менен сүйлөшүүлөр болуп, алар бизге гуманитардык жардам иретинде 500 миң доза "Спутник V" вакцинасын бермей болушкан. Азыр алып келүү жолдору талкууланып жатат. Жакында бир нече этап менен препараттар жеткирилет", — деди министр.

Мындан тышкары, ал Кыргызстанда коронавируска каршы эмдөөдө Россия, Кытай жана башка мамлекеттердин вакциналары пайдаланылышы мүмкүн экенин кошумчалады.

102
Белгилер:
коронавирус, вакцина, Россия, Кыргызстан
Тема:
"Спутник V" вакцинасы (122)
Тема боюнча
Кыргызстанда коронавирустан кимдер каза болууда? Министрдин жообу
Эртең Кыргызстанга Кытайдан 150 миң доза вакцина келет
Кыргыз билим берүү академиясынын илим жана инновация бөлүмүнүн башчысы Дамира Жумабаева

Жумабаева: аймактагы мугалимдердин деңгээлин жогорулатуу көз жаздымда калды

3
(жаңыланган 14:00 16.06.2021)
Кыргыз билим берүү академиясынын илим жана инновация бөлүмүнүн башчысы Дамира Жумабаева онлайн билим берүүнүн колго алынышы менен келип чыккан көйгөйлөргө токтолду.

Мугалимдердин, өзгөчө аймактагылардын билим деңгээлин жогорулатуу маселеси ачык турат. Бул тууралуу Дамира Жумабаева Sputnik Кыргызстан радиосунун эфиринде маек куруп жатып билдирди.

Жумабаева: аймактагы мугалимдердин деңгээлин жогорулатуу көз жаздымда калды

Анын айтымында, учурда өлкөдө илимге жетишерлик көңүл бурулбай жатат.

"Пандемия шартында онлайн окууну жакшыбы, жаманбы, жолго коюп алдык. Бирок бул системанын ишке кириши менен мурда көз жаздымда калып келген айрым көйгөйлөр ачыкка чыкты. Өзгөчө аймактарда мугалимдердин өз алдынча эле иштеп калышканын көрө алдык. Бизде илимдин доктору, кандидаттары жетишерлик жана алардын абдан пайдалуу, мыкты эмгектери бар. Мына ушуларды аймактардагы мугалимдерге тажрыйба жүзүндө жеткирип, алар менен жеринен биргеликте иштеп, айылдык педагогдордун билим деңгээлин жогорулатышыбыз керек. Азыр каражаттын жетишсиздигинен мындай иш-чаралар Бишкек жана Чүйдүн тегерегинде гана жүрүп калды. Аймактарга онлайн семинар, вебинарларды уюштурумуш болобуз, бирок бул жетишсиз. Алар менен айлап, көзмө-көз иштешип, үйрөтүү зарыл. Мына ошондо гана окуучулардын билим деңгээлинин түшүп кетүүсүнүн алдын ала алабыз", — деди Жумабаева.

Педагог айрым интернет жетпеген аймактарда же мугалим жаңы техниканы анча өздөштүрө албаган жерлерде балдардын билим алуусу чоң коркунучка кептелип жатканын кошумчалады.

3
Белгилер:
көйгөй, мугалим, илим, билим, Дамира Жумабаева
Тема боюнча
Ибрагимов: бүтүрүүчүлөрдүн 10-15%ы дароо эмгек миграциясына кетүүдө
Bio-KG органикалык кыймыл федерациясынын жетекчиси Искендербек Айдаралиев. Архив

Айдаралиев: органикалык продукция өндүргөндөр мамлекеттен колдоо табат

6
Bio-KG органикалык кыймыл федерациясынын жетекчиси Искендербек Айдаралиев органикалык айыл чарба продукциясын өндүргөн фермерлер сегиз пайыздык насыя ала аларын айтты.

Кыргызстан 10 жылдын ичинде органикалык өлкө болушу керек деген чечим бар. Мындай маалыматты Искендербек Айдаралиев Sputnik Кыргызстан радиосунун эфиринде билдирди.

Айдаралиев: органикалык продукция өндүргөндөр мамлекеттен колдоо табат

Анын айтымында, учурдун талабына ылайык органикалык айыл чарба өндүрүшү жөнүндөгү мыйзамды өзгөртүү боюнча атайын топ түзүлгөн.

"Органикалык айыл чарба биз үчүн жаңы багыт. Эгерде бул багыт системага түшпөсө сертификациялоо, фермерлерди окутууда маселе жаралат. Органикалык айыл чарбасынын өнүгүшү боюнча жаңы мыйзам кабыл алынышы керек. Бизде 2019-жылы май айында кабыл алынган мыйзам бар. Бирок учурдун талабына туура келбей калгандыгына байланыштуу Айыл, суу чарба жана аймактарды өнүктүрүү министрлигинде атайын топ түзүлүп, жаңы өзгөртүүлөр киргизилүүдө. Мындан тышкары, 2017-2022-жылдарга карата органикалык айыл чарба өндүрүшүн өнүктүрүү концепциясында "Органикалык аймак" модели кирген. Бул жакта жол картасы көрсөтүлүп, кандай иретте иш жүргүзүү керектиги камтылган. Андыктан туура коюлган система керек. Мамлекет да бул идеяны колдошу керек. 10 жылда Кыргызстан органикалык мамлекет болсун деген тапшырма бар. Бул технологиянын ар бир багытын аныктап, убактысын тактап, мамлекет да фермерлерди колдоого ала баштады. Айтсак, быйыл 17-мартта өкмөттүн токтому чыгып, органикалык продукция чыгаргандарды колдоо максатында сегиз пайыздык насыя бериле баштады", — деди Айдаралиев.

Ошондой эле адис айыл чарбасында сертификациялоо, фермерлерди окутуу боюнча маселелер толук чечилиши керектигин кошумчалады.

6
Белгилер:
Искендербек Айдаралиев, мыйзам, продукция, айыл чарба, органика
Тема боюнча
Айдаралиев: заводдордун жоктугу органикалык өлкө болууга жол ачат
Бишкек шаарынын мурунку биринчи вице-мэри Алмаз Бакетаев. Архив

Бишкекте шаар жетекчисинин орун басарлары алмашты

0
Бишкек мэриясында калаа жетекчисинин эки орун басары алмашты. Буга чейинки биринчи вице-мэр Алмаз Бакетаев башка кызматка которулгандыгына байланыштуу иштен бошотулду.

БИШКЕК, 16-июн. — Sputnik. Бишкек мэриясында кадрдык өзгөрүүлөр болуп, биринчи вице-мэр Алмаз Бакетаев башка кызматка которулгандыгына байланыштуу иштен бошотулду. Бул тууралуу муниципалитеттен маалымат кызматынан билдиришти.

Анын ордуна буга чейин тиричилик-коммуналдык чарба боюнча вице-мэр болуп келген Жамалбек Ырсалиев дайындалды.

Ал эми шаар башчысынын экономикалык жана финансылык маселелер боюнча орун басары болуп Максатбек Сазыкулов келди. Буга чейин ал Россия-кыргыз өнүктүрүү фондунда Уюштуруучулукту өнүктүрүү департаментин жетектеген.

0
Белгилер:
вице-мэр, Жамалбек Ырсалиев, Алмаз Бакетаев, Бишкек мэриясы, Бишкек
Тема боюнча
Уланбек Калманбетов Архитектура, курулуш агенттигин жетектемей болду