Жатканадагы студент. Архив

Өз күнүн көрүшү керек! Чоңойгон уулун бөлгүсү келбеген ата-энелерге кеңеш

Психологдун айтымында, өзүн толугу менен балдарына арнап койгон ата-энелер кийин ыңгайсыз абалга туш болуп, уул-кыздарын дагы кыйнашат.

БИШКЕК, 19-мар. — Sputnik. Ата-эне бойго жеткен, бүлөлүү болгон балдарынан моралдык жактан көз каранды болбошу үчүн өз кызыкчылыктары жөнүндө эч качан унутпашы керек. Бул тууралуу РИА Новости агенттигине үй-бүлөлүк психолог Евгений Корчмарек айтып берди.

"Байкасаңар көпчүлүк ата-эне баласы үйлөнүп, өз алдынча болуп калганда деле бөлгүсү келбейт. Өзүмчө жашайм деген балдарына адатта апасы таарынат. Мындай учурда бала өзүн күнөөлүү сезип, эч жакка кете албайт. Бирок жаратылыш ошондой, бала чоңойгон соң анын өз жашоосу пайда болот", — деди адис.

Психологдун түшүндүргөнүнө караганда, мындай кырдаалга көпчүлүк учурда өзүн толугу менен балдарына арнап койгон ата-энелер туш болот. Алар балдары уядан учкандан кийин эмне иш кыларын билбей, кадимкидей стресске кабылышат.

"Биздин коомдо айрым адамдар өзүнүн болгон-бүткөн миссиясы ата-эне болуу деп эсептейт. Бирок Европанын жашоочуларын карасаңар, балдары чоңойгон соң өздөрү үчүн жашашат. Саякатташат, кайрадан жумуш издешет, жаңы досторду күтүшөт. Биз эмнеге анте албайбыз", — дейт Корчмарек.

Мындан тышкары, адис ата-энелерди бул куракта балдарына көп таарына бербөөгө чакырат. Анткени дүйнөдөгү эң жакын адамдарынын ыраазычылыгын ала албаган бала өзүн ичинен жемелеп, байкалбай эле чүнчүп кетиши мүмкүн.

Белгилер:
психология, бала, ата-эне
Тема боюнча
Артём Новиков өспүрүмдөр спортун жайылтуу үчүн 6 тапшырма берди
Милиция кызматкерлерин фуражкалары. Архив

Айзада киши колдуу болгон жердин сүрөтүн жарыялаган 3 милиционер жазаланды

(жаңыланган 22:33 20.04.2021)
Анын ичинде кылмыш катталган жерге медициналык кол капты таштап салуу фактысы боюнча да иликтөө жүргүзүлгөн.

БИШКЕК, 20-апр. — Sputnik. Айзада Канатбекова киши колдуу болгон жердин сүрөтүн жарыялаган үч милиция кызматкери жазаланды. Бул тууралуу Чүй облустук милициянын маалымат кызматы билдирди.

Социалдык тармактарга тарап кеткен сүрөт, анын ичинде кылмыш катталган жерге ташталган медициналык кол каптар боюнча фактынын негизинде кызматтык иликтөө жүргүзүлгөн. Иликтөөнүн башкы максаты милдетин так аткарбай, көңүл кош мамиле жасаган кызматкерлерди жоопко тартуу болгон.

Ким кандай жаза алды:

  • Аламүдүн РИИБдин жоруктар жөнүндө иштер боюнча бөлүмүнүн кызматкери, милициянын лейтенанты А. Экеевге катуу сөгүш;
  • Аламүдүн РИИБдин криминалдык милиция кызматынын жетекчиси, милициянын майору К. Самаевге катуу сөгүш;
  • Аламүдүн РИИБдин Криминалдык топту коштоп жүрүүчү инспектор-криминалист, милициянын капитаны М. Янванчиновго кызматына дал келбестиги боюнча эскертүү.

Айзаданын өлүмү

5-апрель күнү эртең менен саат 7:00дөр чамасында Медеров жана Тыныстанов көчөлөрүнүн кесилишинен үч жаран 27 жаштагы кызды кызыл түстөгү автоунаага салып кеткен. https://sputnik.kg/incidents/20210406/1052029607/bishkek-kyz-ala-kachuu-militsiya.html Кыздын туугандары ошол эле күнү издеп баштап, Биринчи май райондук милицияга саат 7:30да кабарлашкан. Бирок издөө иштери кечеңдеп жатканына нааразы болуп, эртеси ЖМКларга кайрылышкан.

7-апрелде изделип жаткан автоунаа Бишкектин чет жагындагы Арашан менен Чокморов айылдарынын ортосунан табылган. Ал тууралуу милицияга жергиликтүү чабан кабар берген.

Автоунаанын ичинен киши колдуу болгон Айзада Канатбекованын жана 36 жаштагы кишинин бычакталган сөөгү табылган. https://sputnik.kg/incidents/20210407/1052037063/ala-kachuu-kyz-shektuu-olum.html Кызды ала качууга катыштыгы бар делип төрт шектүү кармалган.

Айзада Канатбекованын өлүмү боюнча кызматтык иликтөөнүн натыйжасында Бишкек ШИИБдин жана Биринчи май райондук милициясынын начальниктери баш болгон бир катар жетекчилер кызматтан алынган. https://sputnik.kg/society/20210410/1052066390/ajzadanyn-olumu-miliciya-kyzmatkeri-zhaza.html

Белгилер:
Айзада Канатбекова, жаза, сүрөт, өлүм, кызматкер, милиция, кылмыш
Тема:
Бишкекте 27 жаштагы кыздын уурдалып, өлтүрүлүшү
Аялдар кол чатыр менен жаан учурунда. Архив

Шаршембиге карата аба ырайы

21-апрелге караган түнү аба ырайы кескин өзгөрөт. Чүй, Талас, Ысык-Көл, Нарын облустарынын дыйканчылык аймактарында жаан карга айланары болжолдонду.

БИШКЕК, 20-апр. — Sputnik. Шаршембиде күндүз өлкөнүн көпчүлүк аймактарында мезгил-мезгили менен жаан жаашы мүмкүн. Бул тууралуу Кыргызгидромет билдирди.

Абанын температурасы Чүй облусунда +4…+9, Талас өрөөнүндө +3…+8, Ош, Жалал-Абад, Баткен, Ысык-Көл, Нарын аймактарында +9…+14 градусту көрсөтөт.

Бишкек жана Ош шаарларында мезгил-мезгили менен жаан жаайт. Күндүн табы борбордо +7…+9, Ош шаарында +9…+14 градус болот.

Белгилер:
Кыргызстан, апрель, аба ырайы
Тема боюнча
Түштүк аймакта сел жүрөт! ӨКМ шашылыш билдирүү таратты