Бейтаптын көзүн текшерип жаткан дарыгер. Архив

Көздүн кургашы олуттуу оорудан кабар берери айтылды

(жаңыланган 10:37 19.03.2021)
Дарыгерлер көздүн ак чели менен тунук чели коллагенден турарын, алардын кургашынан ревматоиддик артрит келип чыгарын айтышкан.

БИШКЕК, 19-мар. — Sputnik. Америкалык окумуштуулар көздүн кургашы артриттен кабар бериши мүмкүндүгүн аныктаганын Express жазды.

Сезгенүүлөр тутумдаштыргыч ткандардын негизги компоненти болгон коллагендин иштелип чыгышына таасир этери айтылат.

Көздүн ак чели менен тунук чели коллагенден турат. Ревматоиддик артрит алардын кургашынан келип чыгат. Бул абалдын белгилери катары көз жакшы көрбөй, ичине бир нерсе кирип кеткендей болот жана кургайт. Ошондой эле ооз жакка жана териге жара сыяктуу темгил чыгышы мүмкүн.

Ревматоиддик артрит — тутумдаштыргыч ткандарды сезгенткен оору, мындан майда муундар жабыркайт. Илдет оор жумуш жасоодон, эмоционалдык шоктон, чарчоодон, гормоналдык өзгөрүүлөрдөн, жагымсыз факторлордун таасиринен же инфекциялардан пайда болушу ыктымал.

Белгилер:
окумуштуулар, оору, көз
Тема боюнча
Адам бир күндө жашылча менен жемишти канча көлөмдө жеш керек
Окумуштуулар узак жашоо үчүн зарыл болгон күнүмдүк азыктарды аташты
Уйку таттуу болушу үчүн эмне кылуу керек. Окумуштуулардын кеңеши
Автоунаанын мамлекеттик номерлери. Архив

Кыргызстан жараксыз автоунаа номерлерин темир катары 12 млн. сомго сатты

(жаңыланган 16:30 14.04.2021)
2018-жылдан бери кампаларга салмагы 143 тонналык утилизацияланган автономерлер толуп калган. Аны сатууга аукцион уюштурулду.

БИШКЕК, 14-апр. — Sputnik. 143 миң тонна колдонулган жана жарактан чыккан мамлекеттик белгилер темир-тезек катары 11 миллион 920 миң сомго сатылды. Бул тууралуу Мамлекеттик каттоо кызматынан билдиришти.

Маалыматка караганда, бүгүн, 14-апрелде, колдонулган жана жарактан чыккан мамлекеттик белгилерди сатуу боюнча аукцион болуп өттү. Аны Мамлекеттик каттоо кызматынын алдындагы "Унаа" ишканасы уюштурган. 1 килограмм алюминийдин баштапкы баасы 65 сом деп бааланган. Соодалашуунун натыйжасында 83 сом 23 тыйындан сатылды.

"Аукциондун жыйынтыгында 143 миң 280 килограмм болгон темир-тезек 11 миллион 920,9 миң сомго сатылды", — деп айтылат маалыматта.

"Унаа" муниципалдык ишканасынын жетекчисинин орун басары Бакыт Шералиевдин айтымында, 2018-жылдан бери кампаларга салмагы 143 тонналык утилизацияланган автономерлер толуп калган. Түшкөн каражат мамлекеттик бюджетке которулат.

Белгилер:
алюминий, темир, мамлекеттик номер, аукцион, автоунаа, Кыргызстан
Тема боюнча
Кыргызстандан темир-тезек экспорттоого тыюу салган токтом чыкты
Министрлик: Абхазиянын номери тагылган унааларды мамлекет алып коюшу мүмкүн
РФ президенти Владимир Путин. Архив

Путин коронавируска каршы вакцинанын экинчи компонентин сайдырды

(жаңыланган 16:33 14.04.2021)
Россия башчысы биринчи вакцинасын 24-мартта алып, өзүн жакшы сезип, дароо ишке чыккан. Администрация президент кайсы препаратты тандаганын так айткан эмес.

БИШКЕК, 14-апр. — Sputnik. РФ президенти Владимир Путин коронавируска каршы экинчи ирет эмделди. Бул тууралуу РИА Новости кабарлады.

Россиянын башчысы биринчи вакцинасын 23-мартта алган. Анда администрация президент кайсы препаратты тандаганын так айткан эмес, бирок ал Россия чыгарган үч вакцинанын бири экендиги белгилүү болгон.

Россия ушуга чейин "Спутник V", "ЭпиВакКорона" жана "КовиВак" деп аталган үч вакцина чыгарды.

Белгилер:
вакцина, коронавирус, Россия, Владимир Путин
Тема:
Дүйнөгө жайылган коронавирус
Тема боюнча
Кыргызстанга жакында 30 миң доза "Спутник V" вакцинасы алып келинет
Россия Түркия менен аба байланышын токтотту. Туристтик сезон эмне болот
Россияда коронавируска каршы дагы бир вакцина иштелип жатат