Ишкер, курулуш компаниясынын жетекчиси Эмилбек Абдыкадыров

Үч тоскоолдукту алып салсаңар Бишкек гүлдөмөк! Курулушчулар премьерге кайрылышты

(жаңыланган 22:27 19.03.2021)
Премьер-министр Улукбек Марипов "Бишкек башкы архитектура" муниципалдык ишканасынын имаратында көчмө жыйын өткөрүүдө. Ага курулушчулар, мамлекеттик жана муниципалдык органдын өкүлдөрү катышууда.

БИШКЕК, 19-мар. — Sputnik. Бишкек шаарында курулуш үчүн үч эле көйгөй бар. Ал тоскоолдуктарды алып салсаңар ордо калаа гүлдөп-өнүкмөк. Бул тууралуу ишкер, курулуш компаниясынын жетекчиси Эмилбек Абдыкадыров өкмөт башчынын катышуусундагы көчмө жыйында айтты.

Белгилей кетсек, премьер-министр Улукбек Марипов "Бишкек башкы архитектура" муниципалдык ишканасынын имаратында көчмө жыйын өткөрүүдө. Ага курулушчулар, мамлекеттик жана муниципалдык органдын өкүлдөрү катышууда.

Ал аткаруу бийлиги бизнес менен өнөктөш катары иштешип, күч органдары жардам бермейин ордо калаада курулуш токтоп тура берерин белгиледи.

"Бишкекте курулушка тоскоол болгон үч эле маселе бар. Алар: курулушту кармаган архитектура маселеси, мэриянын комиссиясы, Мамлекеттик курулуш агенттигинин экспертизасы. Бул үч көйгөй Бишкекте эле бар. Башка аймактарда жок. Эгер ушул үчөөнү чечип берсеңер, бизнес-курулуш гүлдөп-өнүкмөк. Майда объектилерди салууда шаардык кеңешти, инженердик-техникалык шарт (ИТУ) дегендерди алып салганыбыз туура. Бизнеске, экономикага, курулушчуларга туура мамиле кылгыла. Биз мамлекетке миллиондогон салыктарды төлөп жатабыз. Аткаминерлер үстүдөн карабай, өнөктөш болсун. Дароо эле иш козгоп салбай, ага чейин туура эмес кылып жатасыңар деп кеңешин берип, кандай кылса туура болорун айтсын. Азыр курулуш компания жетекчилеринин бир тобуна иш козголгон. Алар эч кайда качпайт, айып пулун бюджетке төлөйт. Болгону мамлекеттин кызыкчылыгы үчүн биргелешип иштеш керек", — деди Абдыкадыров.

Башка курулушчулар дагы текшерүүлөр ишке тоскоолдук жарата турганын айтып, аларды алып салса бизнеске, курулушка жеңилдик боло турганын айтышты.

Белгилер:
тоскоол, Улукбек Марипов, курулуш, Бишкек
Тема боюнча
Токтогулга тете. Ысык-Көлдө кубаттуу ГЭС куруу боюнча сүйлөшүүлөр жүрүп жатат
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр

Кыргызстанга "Спутник V" вакцинасы кантип жеткирилди. Видео

(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.

Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.

"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.

Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.

"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.

Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.

"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.

Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Белгилер:
Алымкадыр Бейшеналиев, Артем Новиков, Николай Удовиченко, Спутник V, вакцина, Россия, Кыргызстан
Тема:
"Спутник V" вакцинасы
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты
Дүкөндөгү кумшкекер. Архив

ЕЭК Кыргызстанга шекерди бажы алымысыз алып келип турууга уруксат берди

(жаңыланган 23:58 22.04.2021)
Тарифтик жеңилдик 15-майдан 30-сентябрга чейин болот. Натыйжада Кыргызстанга 40 миң тоннадан ашык кумшекер бажы алымы жок келет.

БИШКЕК, 22-апр. — Sputnik. Евразия экономикалык комиссиясынын кеңеши ЕАЭБ аймагына шекерди импорттоодо бажы алымды убактылуу алып турууну чечти. Бул тууралуу ЕЭКтин маалымат кызматы кабарлады.

Мындай чечим комиссиянын кеңешинин жыйынында кабыл алынган.

Тарифтик жеңилдик 2021-жылдын 15-майынан 30-сентябрына чейин болот. Арменияга 22,4 миң тонна, Казакстанга 134,4 миң тонна, Кыргызстанга 40 миң тонна, Россияга 350 тоннадан ашык эмес өлчөмдө ташылып келген кумшекер бажы алымынан бошотулат.

ЕЭК белгилегендей, комиссиянын кеңешинин чечими расмий жарыялангандан тартып 10 календардык күндө күчүнө кирет.

Эске сала кетсек, азыр ЕАЭБге кирбеген өлкөлөргө шекер ташуунун  бажы алымы тоннасына 340 долларды түзөт.

Белгилер:
импорт, Кумшекер, бажы, чечим, комиссия, ЕЭК, Евразиялык экономикалык биримдик
Тема:
ЕАЭБдеги Кыргызстан
Тема боюнча
Бишкекте азык-түлүк жарманкеси өтөт. Даректери
Кумшекер бир айда 7,2 пайызга кымбаттады. Жер-жерлердеги баалар