Улубек Марипов Улуу Британиянын Кыргызстандагы элчиси Чарльз Гарретт жана БУУ Өнүктүрүү программасынын туруктуу өкүлү Луиз Чемберлен менен

Марипов: Кыргызстан ден соолукка зыян товарлардан баш тартууга умтулууда

(жаңыланган 14:52 19.03.2021)
Марипов Улуу Британиянын Кыргызстандагы элчиси Чарльз Гарретт жана БУУ Өнүктүрүү программасынын туруктуу өкүлү Луиз Чемберлен менен жолукту.

БИШКЕК, 19-мар. — Sputnik. Кыргызстан энергиянын салттуу булактарынан, айлана-чөйрөгө, адамдардын ден соолугуна жана өмүрүнө зыян келтирген товар жана тейлөөлөрдөн баш тартып, "жашыл" экономиканы өнүктүрүү жолу менен кетүүгө умтулууда. Бул тууралуу премьер-министр Улукбек Марипов билдиргенин өкмөттөн кабарлашты.

  • Встреча премьер-министра КР Улукбека Марипова с чрезвычайным и полномочным послом Великобритании в КР Чарльзом Гарреттом и полномочным представителем программы развития ООН. 19 марта 2021 года
    Кыргызстан энергиянын салттуу булактарынан, айлана-чөйрөгө, адамдардын ден соолугуна жана өмүрүнө зыян келтирген товар жана тейлөөлөрдөн баш тартып, "жашыл" экономиканы өнүктүрүү жолу менен кетүүгө умтулууда
    © Пресс-служба правительства / Алишер Алиев
  • Встреча премьер-министра КР с чрезвычайным и полномочным послом Великобритании в КР Чарльзом Гарреттом и полномочным представителем программы развития ООН Луиз Чемберлен. 19 марта 2021 года
    Марипов Улуу Британиянын Кыргызстандагы элчиси Чарльз Гарретт жана БУУ Өнүктүрүү программасынын туруктуу өкүлү Луиз Чемберлен менен жолуккан
    © Пресс-служба правительства / Алишер Алиев
  • Встреча премьер-министра КР Улукбека Марипова с чрезвычайным и полномочным послом Великобритании в КР и полномочным представителем программы развития ООН. 19 марта 2021 года
    Белгиленгендей, Париж келишимин ишке ашыруу алкагында эл аралык өнөктөштөрдүн колдоосу астында климаттын өзгөрүшүнө каршы күрөшүү, анын ичинде парник газдарынын таралышын кыскартуу боюнча иш улуттук деңгээлде жүргүзүлүүдө
    © Пресс-служба правительства / Алишер Алиев
1 / 3
© Пресс-служба правительства / Алишер Алиев
Кыргызстан энергиянын салттуу булактарынан, айлана-чөйрөгө, адамдардын ден соолугуна жана өмүрүнө зыян келтирген товар жана тейлөөлөрдөн баш тартып, "жашыл" экономиканы өнүктүрүү жолу менен кетүүгө умтулууда

Марипов Улуу Британиянын Кыргызстандагы элчиси Чарльз Гарретт жана БУУ Өнүктүрүү программасынын туруктуу өкүлү Луиз Чемберлен менен жолуккан.

Белгиленгендей, Париж келишимин ишке ашыруу алкагында эл аралык өнөктөштөрдүн колдоосу астында климаттын өзгөрүшүнө каршы күрөшүү, анын ичинде парник газдарынын таралышын кыскартуу боюнча иш улуттук деңгээлде жүргүзүлүүдө.

Ал эми элчи Чарльз Гарретт үстүбүздөгү жылдын ноябрь айында Глазго (Шотландия) шаарында климаттын өзгөрүүсү тууралуу БУУнун Рамкалык конвенциясынын 26-конференциясы өтөрү жөнүндө маалымат берди.

"Кыргызстанда климаттык абалды жакшыртууга багытталган долбоорлорду ишке ашыруу үчүн финансылык каражат тартуу максатында эл аралык климаттык уюмдардын көңүлүн бурдурууга көптөгөн мүмкүнчүлүктөр бар", — деди элчи.

Луиз Чемберлен болсо БУУӨП дүйнө жүзүндөгү өлкөлөргө парник газдарынын жайылуусу төмөнкү деңгээлдеги өлкөнүн узак мөөнөттүү өнүгүү стратегиясын иштеп чыгууга колдоо көрсөтүп келерин, ошондой эле конференция натыйжалуу аянтча болуп каларын белгиледи.

Өкмөт башчы Улукбек Марипов келерки конференцияга кыргыз делегациясы катышууга даяр экендигин кошумчалады.

Белгилер:
экономика, экология, кызматташуу, климат, элчи, БУУ
Тема боюнча
ӨКМ: Бишкектин ар жерине абанын тазалыгын текшерген 50 датчик орнотулат
Премьер Марипов "Бишкек башкы архитектурада" жыйын өткөрүүдө. Видео
Капельница в одном из палат Республиканского ожогового центра в Бишкеке

Бишкекте уу коргошунга ууланып төртүнчү бейтап ооруканага түштү

Учурда бейтап Бишкектеги Травматология жана ортопедия илим-изилдөө борборунда жатат. Абалы туруктуу экени айтылды.

БИШКЕК, 20-апр. — Sputnik. Бишкек шаарында уу коргошунга ууланган төртүнчү адам ооруканага түштү. Бул тууралуу кабарды Саламаттык сактоо жана социалдык өнүктүрүү министрлигинин маалымат кызматы тастыктады.

Билдирүүгө ылайык, бейтап тундурманы беш күндөн бери үйүндө ичип жатканын айткан. Учурда ал Бишкектеги Травматология жана ортопедия илим-изилдөө борборунда жатат. Абалы туруктуу.

Ушуну менен борбор калаада уу коргошунга ууланган төртүнчү бейтап катталганы маалым болду. Бүгүн аталган ооруканага 71 жана 67 жаштагы жубайлар түшүп, алдын ала диагнозу "аконитке уулануу, аритмогендик шок" деп коюлган. https://sputnik.kg/society/20210420/1052201804/bishkekte-ehki-kishi-uu-korgoshunga-uulandy.html

Андан мурдараак Тез жардам кызматы уу коргошунга ууланган киши ооруканага жеткирилгенин билдирген. https://sputnik.kg/society/20210420/1052201804/bishkekte-ehki-kishi-uu-korgoshunga-uulandy.html Министрлик ал белгисиз затка ууланганын айтып, каны менен заарасы экспертизага жиберилгенин маалымдады.

Уу коргошун чуусу

Президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй мамлекет башчы өзү аконит (уу коргошун) кайнатып жасап жатканы белгилүү болду. https://sputnik.kg/society/20210416/1052164594/akonit-kaynatma-mamlekettik-rezidentsiya-zhasoo-video.html

Ал эми саламаттык сактоо министри Алымкадыр Бейшеналиев түз эфирде уу коргошун ичип, мындан ары коронавирустан дарылоого колдонуларын жар салган. https://sputnik.kg/video/20210416/1052162137/uu-korgoshun-ichken-ministr.html Ошол эле учурда бул тундурманы адам муздак ичип алса беш мүнөткө жетпей өлөрүн эскерткен.

Милиция кызматкерлерин фуражкалары. Архив

Айзада киши колдуу болгон жердин сүрөтүн жарыялаган 3 милиционер жазаланды

(жаңыланган 22:35 20.04.2021)
Анын ичинде кылмыш катталган жерге медициналык кол капты таштап салуу фактысы боюнча да иликтөө жүргүзүлгөн.

БИШКЕК, 20-апр. — Sputnik. Айзада Канатбекова киши колдуу болгон жердин сүрөтүн жарыялаган үч милиция кызматкери жазаланды. Бул тууралуу Чүй облустук милициянын маалымат кызматы билдирди.

Социалдык тармактарга тарап кеткен сүрөт, анын ичинде кылмыш катталган жерге ташталган медициналык кол каптар боюнча фактынын негизинде кызматтык иликтөө жүргүзүлгөн. Иликтөөнүн башкы максаты милдетин так аткарбай, көңүл кош мамиле жасаган кызматкерлерди жоопко тартуу болгон.

Ким кандай жаза алды:

  • Аламүдүн РИИБдин жоруктар жөнүндө иштер боюнча бөлүмүнүн кызматкери, милициянын лейтенанты А. Экеевге катуу сөгүш;
  • Аламүдүн РИИБдин криминалдык милиция кызматынын жетекчиси, милициянын майору К. Самаевге катуу сөгүш;
  • Аламүдүн РИИБдин Криминалдык топту коштоп жүрүүчү инспектор-криминалист, милициянын капитаны М. Янванчиновго кызматына дал келбестиги боюнча эскертүү.

Айзаданын өлүмү

5-апрель күнү эртең менен саат 7:00дөр чамасында Медеров жана Тыныстанов көчөлөрүнүн кесилишинен үч жаран 27 жаштагы кызды кызыл түстөгү автоунаага салып кеткен. Кыздын туугандары ошол эле күнү издеп баштап, Биринчи май райондук милицияга саат 7:30да кабарлашкан. Бирок издөө иштери кечеңдеп жатканына нааразы болуп, эртеси ЖМКларга кайрылышкан.

7-апрелде изделип жаткан автоунаа Бишкектин чет жагындагы Арашан менен Чокморов айылдарынын ортосунан табылган. Ал тууралуу милицияга жергиликтүү чабан кабар берген.

Автоунаанын ичинен киши колдуу болгон Айзада Канатбекованын жана 36 жаштагы кишинин бычакталган сөөгү табылган. Кызды ала качууга катыштыгы бар делип төрт шектүү кармалган.

Айзада Канатбекованын өлүмү боюнча кызматтык иликтөөнүн натыйжасында Бишкек ШИИБдин жана Биринчи май райондук милициясынын начальниктери баш болгон бир катар жетекчилер кызматтан алынган.

Белгилер:
Айзада Канатбекова, жаза, сүрөт, өлүм, кызматкер, милиция, кылмыш
Тема:
Бишкекте 27 жаштагы кыздын уурдалып, өлтүрүлүшү
Тема боюнча
Кабар алып туралычы! Эже-карындашына кайдыгер ага-инилерге кайрылуу
ИИМ: митингчилерди милиция кызматкерлери кууган эмес